
Me yamo Amancio Ortega avri los ojos en Espanya Galıchia aryento la provedad. En mi kaza mas de komer aviya silensyo, porke kuando estas ambyerto no tyenes fuersa ni de avlar ni de esperansa. Nunka me olvidi en un diya de luvya i friyo lo ke teniya doche anyos, mos fuimos yo i mi madre a un bakaliko. Mi madre kon una boz kalma i aveguensoza demando pan i unas kuantas kozas para artarmos. La repuesta fue:
“sinyora la devda ya te pujo muncho mas no te puedo dar”
Esta palavra me entro komo un kuchiyo al korason.
Akeas oras me di palavra ke la provedad no va ser mi destino.
De vista deshi la eskola i empesi a lavorar en una botika ke vendiya kamizas. Komo no meldi, el dover miyo era yevar los paketos a los klientes. Este echo para mi era komo ke esto meldando en la universita. A la salida del echo viniya a kaza muerto kansado, nunka me keshava porke en kada paketo me estava ambezando las finezas del echo i fin demanyana pensava i imajinava el diya ke i yo va parvinir. Dospues de un buen tyempo, kon mi kompanyera de vida, en kaza, empesimos a kuzir shemizes i robas. No teniyamos ni botika ni moneda. Solo entre los dos, lo ke teniyamos una grande konfiensa, rezolusyon i kerensya. En akeas nochadas de invyerno kuziyamos los botones de las shemizes en tremblando porke no teniyamos moneda de merkas lenya. Una noche de Noel en no estando en kaza toda la ropa mo la arovaron. Me aharvi, yori, me kije matar. Supito me vino al tino akea noche kuando teniya doche anyos, las lagrimas de mi madre. De vista me alevanti de enbasho i empesi a lavorar.
En 1975 avrimos una botika byen chika el nombre le metimos ZARA.
Primeros tyempos empesimos a vender a presyos baratos ama de buena kalitad. Barato i bueno, esto era una revolusyon a la provedad ke travimos. Oy akea botikita ke no teniya tualet parvino a ser una marka enternasyonal i ay kaji 90 botikas en partes del mundo entero.
La djente me yaman “komersyero grande” para eyos puedo ser komersyero grande ma para mi so akel ijiko ke vido las lagrimas de su madre i djuro i se dyo palavra ke nunka mas va ver akeos diyas malos.
Porke yo en mi chikes no konosi el lukso ma se muy byen kualo es ganar kon sudor. No meldi ma tomi una buena lisyon de vida.
El respekto no es las vestimyentas karas, el respekto es, en la ora negra de estar empyes i la kavesa en alto. El pasado no es una kayida a la kontra es un tramplen ke te echa mas adelantre.
Nunka no te olvides de akeos diyas i nunka no te espantes de echar el primer paso. Lo mas negro es renonsar si gerrear. Nunka no te olvides ke las mas grandes reushitas nasen del dolor profundo.
Forti BAROKAS
Es ke meldatesh la eskrita de una semana antes?


İsrael Devlet Başkanı Isaac Herzog, 30. kuruluş yılını kutlayan ve bugüne kadar 75 ülkeden 9.000 çocuğa kalp tedavisi sağlayan “Save a Child’s Heart” (Bir Çocuğun Kalbini Kurtar) kuruluşunun Nobel Barış Ödülü’ne layık görülmesi için destek vereceğini açıkladı.
İsraelli tıbbi yardım kuruluşu Save a Child’s Heart, 30. kuruluş yıl dönümünü Yeruşalayim’ee düzenlenen özel bir törenle kutladı. Törene doktorlar, sağlık çalışanları ve aralarında ameliyat olmak üzere Malavi’den İsrail’e gelen altı yaşındaki bir kız çocuğunun da bulunduğu küçük hastalar katıldı.
Yeruşalayim’deki Başkanlık Konutu’nda gerçekleştirilen törende konuşan Isaac Herzog, kuruluşun sınırları ve siyasi anlaşmazlıkları aşarak dünyanın farklı ülkelerinden çocukları tedavi amacıyla İsrael’e getirmesini övgüyle karşıladı. Herzog, özellikle Suriye, Irak, Afganistan ve Filistin Yönetimi bölgelerinden gelen çocukların da İsrael’de tedavi edilmesine dikkat çekti.
Devlet Başkanı, kuruluşun insani çalışmalarının Nobel Barış Ödülü ile takdir edilmesini destekleyeceğini belirtti.
30 yılda 75 ülkeden 9.000 çocuğa tedavi
Kuruluşun 30 yıllık faaliyetleri, yalnızca İsrael’de gerçekleştirilen kalp ameliyatlarıyla sınırlı kalmadı. “Save a Child’s Heart”, aynı zamanda başka ülkelerde çocuk kalp hastalıklarının tedavisine yönelik sağlık hizmetlerinin geliştirilmesine de katkıda bulundu.
Kuruluşun verdiği bilgilere göre, yürütülen eğitim programları kapsamında 180’den fazla sağlık çalışanı mesleki eğitim aldı.
Bu çalışmalar sayesinde yalnızca İsrael’e getirilen çocukların hayatları kurtarılmakla kalmıyor, farklı ülkelerdeki sağlık personelinin uzmanlığı da artırılıyor.
Malavi’den gelen altı yaşındaki Şalom
Törenin konukları arasında Malavi’den gelen altı yaşındaki Şalom da bulunuyordu.
Şalom’a, doğuştan görülen ciddi bir kalp rahatsızlığı olan Fallot Tetralojisi teşhisi konulmuştu. Bunun üzerine ailesi, kızlarının tedavi edilmesi için yardım arayışına girmişti.
Şalom, Save a Child’s Heart kuruluşunun yardımıyla ameliyat olmak üzere İsrael’e getirilen çocuklardan biri oldu.
Kuruluş, 30 yıldır sürdürdüğü faaliyetleriyle farklı milletlerden, dinlerden ve siyasi geçmişlerden gelen çocuklara yaşam umudu sunmaya devam ediyor.
Kaynak: i24NEWS,


Miklos Voglhut nasyo en el anyo 1898, en una famiya judiya ande los myembros eran todos artistos. Milkos, kuando era mansevo, kijo azer una karyera enriva de muzika i de teatro. Su ermano era klarnetisto i saksofonisto. Su sovrino era un muziko famozo de jazz. Miklos, en poko tyempo, se izo famozo, ma en el anyo 1924, un grande antisemitizmo empeso en Ungriya i en Evropa. Miklos fue ovligado de trokar su nombre. Tomo un nombre mas ungaro, i se izo Miklos Vig. La sinyifikasyon de Vig en Ungaro es alegre.
Miklos Vig estudyo en Geza Boross. Dezso Gyarfas i Antal Nyaray deskuvriyeron su talente, i lo tomaron para ke lavore en el Intim Kabare komo solisto, i mas duspues, lavoro en otros kabares komo Budapest Operetta Theater i Budapest Orfeum. Mezmo ke kito munchas plakas, Miklos Vig se izo mas famozo en la radyo, komo kantante de muzika popular. Un artikolo del anyo 1935, en la revista Szinhazi Elet, eskrivyo ke Miklos fue mas renomado komo un kantante de kantikas santimentales populares.
Segun la revista ungara de jazz i muzika klasika, Gramofon, Miklos fue un grande muziko ungaro. Miklos kanto i baylo en diversos kabares en los anyos 1920s.
En el invyerno de 1944, mezmo ke no teniya un nombre judyo, i ke se aviya kazado kon la ija de una famiya katolika, los nazis lo tomaron i se lo yevaron kon otros del getto. Les disheron de dezmudarsen enfrente del riyo Danubio.
Los nazis tiraron los fuziles por detras, los mataron a todos los prizonyeros, i duspues, dezmudos los acharon al riyo. Esto lo izieron munchas vezes en los anyos 1944-1945 en Budapest. El diplomat Raoul Wallenberg reusho a salvar munchos judyos de este destino terivle, ma malorozamente i munchos muryeron.
Los eskultores Gyula Pauer i Can Togay izyeron eskulturas de los kalsados de las viktimas, i los plasaron djusto en frente del manyifiko edifisyo del Parlamento en el bodre del riyo. Los vijitadores ke vyenen aya, ven sesenta pares de kalsados echos de fyerro. Los kalsados de kreaturas, mujeres, i ombres estan amostrando ke dingunos no puedyeron salvar de la brutalidad del Olokosto. Detras de la eskultura, ay un banko de pyedra de kuarenta metros de largor, i un metro de altura, ande en las tres puntas, ay sinyos de fyerro enriva de los kualos, esta eskrito un teksto en ungaro, ingles, i ebreo: “A la memorya de las viktimas ke desparisyeron en el riyo Danubio, ande los milises Arrow Cross los echaron, en los anyos 1944-45. Las eskulturas fueron kreadas en el 16 de avril del anyo 2005. “
En una vijita al monumento de los kalsados, puedesh ver los paryentes de las viktimas, metyendo rozas, o kandelas para onorar las viktimas ke dyeron sus vidas. En el areskuro de la noche, kon la splendor de las kandelas i de la luna, la eskultura reprezenta un imaje muy diferente de la soledad.
Kale estar un punto allado de estos kalsados, i pensar ke karar de mazalozos semos.
Dora NİYEGO
Es ke meldatesh la eskrita de una semana antes?
























