Me yamo Amancio Ortega avri los ojos en Espanya Galıchia aryento la provedad. En mi kaza mas de komer aviya silensyo, porke kuando estas ambyerto no tyenes fuersa ni de avlar ni de esperansa. Nunka me olvidi en un diya de luvya i friyo lo ke teniya doche anyos, mos fuimos yo i mi madre a un bakaliko. Mi madre kon una boz kalma i aveguensoza demando pan i unas kuantas kozas para artarmos. La repuesta fue: “sinyora la devda ya te pujo muncho mas no te puedo dar” Esta palavra m

Miklos Voglhut nasyo en el anyo 1898, en una famiya judiya ande los myembros eran todos artistos. Milkos, kuando era mansevo, kijo azer una karyera enriva de muzika i de teatro. Su ermano era klarnetisto i saksofonisto. Su sovrino era un muziko famozo de jazz. Miklos, en poko tyempo, se izo famozo, ma en el anyo 1924, un grande antisemitizmo empeso en Ungriya i en Evropa. Miklos fue ovligado de trokar su nombre. Tomo un nombre mas ungaro, i se izo Miklos Vig. La sinyifikasyon

Eya, dava a komer a los ke no puedian tomar kuchara en la mano, Eya, akonpanyava las noches a los ke no se puedian alevantar, Eya estuvo allado de los firidos en la oskuridad Eya, era el anjelo de Bastogne. En el anyo 1944 el mez de Desembre, en Bastogne (Bastogne, es una sivdad en la provensya de Luxemburg, aryento la rejyon Valon, del sud de Beljika). La division Aerotransportada numero 101, fue atrapada por un Panzer Alman i kayo a estas tyerras en ora de una inyeve ter

Kale azer muncha atansyon a las dechizyones de los Evropeos enkavesados por los Britanikos sovre las restriksyones ke impozaran a los produktos vinyendo de Yehuda i Shomron. En realita en Israel se pensa ke si se aplikan estas restriksyones eyas no kavzaran muncho danyo al komersyo kon los payizes evropeos ke en totalitad son de 43.3 bilyones de euros donde 33.196 bilyones de importasyon kontra 29.4 bilyones de eksportasyon. No ay duvda ke si las restriksones ke dainda no se

Dostoyevski era muy amator de djugar kumar. Por esta razon se endevdo miles de rubles, no estava puedyendo pagar su devda. En este momento, un editor nombrado Stellovski savyendo su fama de djugador, le dize a Dostoyevski: -Yo te va pagar todas las devdas i te va dar un montante de paras ke te va sirvir kaji 2 anyos ma kale ke sinyas un kontrato. -Kontrato? Ke me demandas? -Yo kero ke me eskrivas un kurto romanso. Este romanso lo kero en 24 mezes. Si lo eskapas i me lo

Kreada ensima de una laguna, esta sivdad unika en el mundo parami fue i es el lugar ke me gustariya de bivir despues de mi eksperyensa de vida de 27 anyos ke pasi en la Suissa, vijitando kaji toda la Evropa. No vos digo la ermozura de la natura, su klima ke parese al de Estambol, la amabilidad de sus abitantes, su arkitektura gotik medyevala bien mentenida, sus muzeos, sus teatros, sus salas de konserto, su kultura espesial, uno de los sentros de la muzika klasika barok i sov

Ayres de Angeles Yo, Menahem Samrano, nasi i kresi en la ermoza sivdad de Estambol, una sivdad de mil maraviyas, de kayes yenas de recuerdos, de vozes amigas i de savor de vida. Ayi pasi los anyos mas ermozos de mi manseves, entre famiya, amigos i los kostumbres ke nunka se olvidan. La vida me yevo por otros kaminos. Despues de kazarme, sali de mi kerida Estambol i me fui a bivir a Kanada. Mas tadre, la suerte me trusho al pais de los esfuenyos, Amerika, ande ya yevo ventisin

Lo ke mantiene el puevlo judio endjuntos no es la rasa, ma los ideales, las leyes, tradisiones i kostumbres. Por esto, kada persona puede ser kandidato para entrar al judaizmo. Kuando el kandidato akumple las kondisiones, puede azerse un miembro de la komunidad. Lo mas importante es tener una intinsion sinsera. En el Tanah eskrive ke los ke se izieron judios kon presion, kontinuaron sus viejas kreensias. Los savios del Talmud no akseptaron estas konversiones sin intinsion sin

En estos diyas de gerra kontra el Iran i su proksi Hezbollah ke no se save kuando se eskapara i kualos serán sus rezultados, el mundo politiko mundial en las platformas del internet, en los programes de miles de televizyones, no se kansa de formular las alternativas futuras para el Medyo Oriente i el rolo ke Israel tenera en esta parte del mundo. De mi punta de vista dire ke los estados ke forman el Medyo Oriente por seguro se toparan en un muevo diferente atmosfero dirijado

Deke estava aya en en este momento? Munchas vezes pensi en esto, i kada vez ke fyestamos Purim, este momento me vyene a los ojos. Aviya empesado mi karyera rabiniko. Un myembro de mi komunidad me disho ke una mujer keriya avlar kon mi. Eya tyene difikultad de kaminar, i si es posivle ke me vayga a su kaza. ‘Kon grande plazer’ le respondi, i tomi el adreso de la mujer. Me esto averguenso en dizyendo ke muncho tiempo negliji de kumplir mi promesa. Una noche pensi ke mas no pued