Dospues del envereno vyene el otonyo i detras el invyerno. Ayer parese ke mos fuimos a la kampanya i dishimos enveranada buena, fin ke aboltimos la kara, ya mos ogurimos invyernada buena. Mi mama diziya (la esto nombrando porke muryo en roshashana) “hanum los diyas estan pasando muy presto ya vyene vyernes ya vyene lunes” Yo me burlava i le diziya “mama un diya es 24 oras” Agora le esto dando razon, en tomando anyikos i yo esto sintyendo los mezmos sentimyentos. El otonyo m

Keridos lektores Un meziziko me kije deskansar de eskrivir ma la verdad dizere ya me eskarinyi de vozos i de vuestros komplimentos. En pasadas meldi este artikolo lo topi muy enteresante lo va partajar. Una mujer djudia refujiada, fuida de los nazis, en los anyos 1950 en Nueva York, en la universita Columbia, oyendo la lisyon istorya, el profesor kontava las gerras, las personajes grandes ke parvinyeron a trokar el mundo i la politika. Todo esto se realizo de parte de lo

En los anyos 1940, en los Estados Unidos, una ijika de chika edad oyo en la radio por primera vez una musika klasika i de akea ora en delantra tomo una desizyon ke iva trokar su vida entera. Esta ijika nombrada ELARA, apenas teniya sinko anyos, en su korason teniya un fuego ke su famiya mezmo no parvinyeron a amatarlo. Elara keriya azerse balerina. Dezeava de baylar en las tavlas de la shena i azerse una estreya, una famoza artista. Ma malorozamente en akeos anyos, en los Est

Dostoyevski era muy amator de djugar kumar. Por esta razon se endevdo miles de rubles, no estava puedyendo pagar su devda. En este momento, un editor nombrado Stellovski savyendo su fama de djugador, le dize a Dostoyevski: -Yo te va pagar todas las devdas i te va dar un montante de paras ke te va sirvir kaji 2 anyos ma kale ke sinyas un kontrato. -Kontrato? Ke me demandas? -Yo kero ke me eskrivas un kurto romanso. Este romanso lo kero en 24 mezes. Si lo eskapas i me lo

Fransya 1943 el anyo el mas oskuro de la okupasyon. La Gestapo esta bushkando las kazas, oyendo los telefones, supsonando de todos. Kon esto todo, bushkan una mujer ke no saven el nombre la yaman “raton blanko”. Kada vez ke ya estan para aferrarla eya parvyene a despareser. La Fransya okupada, metyo una taksa de 5 milyones de frankos por ken la va topar. La suma la mas alta por una espiyona. Dingunos no saven ken es, envezes se asenta en un kafe toma un vazo de vino i sonriy

Un proverbo muy djusto digamos proverbo yerrado no ay. Kon la vinida del enverano, dishe el moral ya se va enderechar un poko ma malorozamente yene mos enklavimos a las novedades, de oyir las novelas no muy famosas, tornimos a los primeros diyas. La gerra va empesar de muevo? U va aver pas? Aki si dizish, no se kualo sesta pasando, no es ke me entyendo de la politika entodo kavzo esta tokando a la ekomomiya i esto mos esta azyendo pena, la edukasyon una dezgrasya, las eskola

En una ermoza tadrada de Estanbol, en entrando el sol apoko apoko en las nuves, tres amigos entimos, bushkan lugar para bever. El tanyedor de tambor Osman, el eskritor i poema Ahmet Rasim i Neyzen Tevfik. Ande se van, syempre los tres endjuntos, todos ya los konosen, El uno tanye Tambor, el otro asopla Ney i Ahmet Rasim amoroso de la musika Turka eskrive poemas i palavras de kantikas. Ahmet Rasim un ombre muy elegante, kada noche dopues del echo se va enderecho a su kaza,

Sigun la tora i la bibla, Ruth fue una mujer muy virtuoza. Malgrado ke era de orijin diferente, aksepto el djudaismo i dyo su nombre al “Livro de Ruth”. Mezmo dospues de la muerte de su marido, la konosimos kon su buena voluntad ke no abandono a su esfuegra Noemi, ke desho su pasado pagano i ke fue bis nona del rey Davit. Meldamos sus famozas frazas ke le disho a su efuegra Noemi: “tu puevlo sera mi puevlo, tu dyo sera mi dyo” El nombre RUTH es de orijin ebreo, sinyifika “ami

Kuando entramos al mez de Mayo, el sigundo alhad es “el dia de las madres”. Los dias spesyales no me afektan muncho ma el dia de las madres no lo aksepto porke los sakrifisyos de las madres no son solo un dia, madre es kada dia madre i mezmo vida entera. Bryna Sangley a los 19 anyos, la vida la yevo de un kazaliko chiko de Belarus a los Estados Unidos, kon un bilyeto de un ombre nombrado Herschel, para eya no aviya nada mas ke una esperansa ke va tener un futuro mijor. E

En una epoka byen oskura 740 kriaturas kedaron abandonados en medyo de las olas i el mundo serro sus puertas, todos dizyendo “NO” Solo un ombre disho “Sİ”. En el anyo 1942 el mundo achakes de la gerra estava en un fuego . Un vaporiko avansava avagar avagar, pedrido en la mar de India. No teniyan ni un puerto para abashar ni esperansa de topar. Aryento de este vaporiko aviya kaji 740 kriaturas kansados, sin padres i sin madres. Estas kriaturas eran de Polonya, fuyeron de