KADA UNO METE LA MANO ANDE LERGUELE
- 9 saat önce
- 2 dakikada okunur
Un proverbo muy djusto digamos proverbo yerrado no ay. Kon la vinida del enverano, dishe el moral ya se va enderechar un poko ma malorozamente yene mos enklavimos a las novedades, de oyir las novelas no muy famosas, tornimos a los primeros diyas. La gerra va empesar de muevo? U va aver pas? Aki si dizish, no se kualo sesta pasando, no es ke me entyendo de la politika entodo kavzo esta tokando a la ekomomiya i esto mos esta azyendo pena, la edukasyon una dezgrasya, las eskolas muy karas los mansevos estan en un penseryo komo van a pagar estos presyos, sin kerer estamos entrando a una depresyon kada uno a su modo.
Komo dishe ariva, kada uno mete la mano ande lerguele. Para mi fin de mundo ke la sezon ya eskapo i estan serados los salones de teatros de la munisipalidad, porke los teatros espesyal, los presyos estan de no alkansar, para mi es el mijor divertimyento ir al teatro.
Agora vash a dizir otro mal ke no ayga siguro ke la sanedad enprimero ma esto afrita de un plazer.
Lo mas ke me aze pena de oyir i de ver a los artistos famozos de teatro, djugando en el treser rolo de una seriya dezgrasyada, muertos por el grosh i tristes de no tener moneda.
Siguro ke no me va konparar kon los profesyoneles ma i yo esto triste de no azer teatros ke es mi bueno. Por esto vo eskarvando en el google artikolos sovre el teatro i kuryozo topo ermozas eskritas. Unas kuantas de eyas las va partajar siguro ke eran en turko las traduizi.
“ARİSTOFANES”disho
La vida es komo un salon de teatro, las personas rikas se asentan en kos rangos de delantre i se durmen, de sorte ke los djugadores, deven de djugar para los rangos de alkavo
“LORKA” disho
El teatro es una eskola ke ambeza a yorar i a riyir, i es un tribunal independente, por esto el djugador kale ke seya djusto
ANTON CHEHOV disho
alguno si avla detras de vozos es ke estash adelantre de el, por esto el djugador kale ke este syempre delantre la shena
SHAKESPAERE
La vida es komo una shena de teatro, todos djugan sus rolos i kuando eskapa el senaryo mas no ay ke azer
El famozo CHİNASI
El tyempo es el mijor eskritor, la vida es un teatro ke no se aze prova, antes ke se serre el perde de esta pyesa ke no tyene palmas, riye, bayla, kanta, ennamorate i toma plazer de kada punto de tu vida porke kuando se serro el perde mas mo puedes azer nada
I yo FORTİ BAROKAS DEZEO
un mundo donde toda la djente del teatro pueda eskrivir i djugar independente i todos los amantes del arte seyan valorados.
Forti BAROKAS
Es ke meldatesh la eskrita de una semana antes?
Yorumlar