BİMEN ŞEN
- 21 saat önce
- 2 dakikada okunur
Kuando esto en kaza, asigun me esperto de vista avro la radyo, me plaze oyir muzika. en azyendo echos de pesah, avri el kanal ke me plaze me salyo esta kantika ke mo la ambezimos en el kurso ke me vo. Komo so kuryoza de vidas reel meldi la vida del kompozitör de esta kantika, pensi ke en estos diyas tenemos ( vozos mas ke mozos tenesh) menester un poko de moral.
Komo dizen la muzika kura los males i es el mantenimyento de la alma.
Bimen Şen kompozitor turko de orijin armenyo, nasyo en el anyo 1873 en Bursa el kuatren ijo de un papaz armenyo. Su nombre verdadero era Bimen Degazaryan.
El kresyo en los koros de las eglisyas, i dyo ovras maraviyozas a la musika turka. Sus padres komo se okupavan de musika el se engrandesyo kon melodias i koros relijyozos.
En el anyo 1884 el grande kompozitör Hacı Arif Bey, vijito Bursa, lo sintyo kantar a Bimen, de vista le disho ke venga a Estanbol para adelantar. Malgrado ke su famiya estavan kontra de esta idea, Bimen se fue a Estanbol a los katorze anyos, kaliya ganar paras de sorte fue ovligado a entrar a un echo de un banker armenyo. Aunke lavoro durante un tyempo en este echo, kontinuo a su karyera komo kantante ke teniya una boz muy empresyonante.
En munchas de sus kompozisyones i sus kantikas pasa la palavra “ŞEN” ke en Turko sinyifika “alegre”, en una okazyon lo sintyo kantar el prezidente de la republika Turka de akel tyempo Mustafa Kemal Atatürk, kuando salyo la ley de alkunya en Turkiya, el mezmo le dyo la alkunya “ŞEN”.
Bimen Şen, konosido por sus kompozisyones i su boz ma nunka no tomo lisyones de musika i no teniya edukasyon de notas. El empeso a kantar a los ocho anyos en la eglisya armenya de Bursa imnos relijyozos ma teniya un grande talento musikal i una boz muy ermoza.
Los diyas ke kantava en la eglisya, akel dia mas de armenyos viniyan a sintirlo resitadores del kuran de las meshkitas. Dospues de anyos, empeso a tomar lisyones de syertos profesores profesyonel komo Haci Arif Bey, Lemi Atlı i Agop Kıllıyan i mas.
Su fama duro munchos anyos asta una edad byen avansada. En este tyempo anrejistro albumes delisyozos i plakas. Sovretodo kompozo kantikas kon su stilo diferente, se enspirava de poesias i palavras i lo mas lavorava las noches fin demanyana esta manera kompozava kantikas.
Nunka tanyo un enstrumento i nunka saviya notas, malgrado todo kompozo mas de 1000 kantikas.
Munchas de sus kantikas fueron transkitas por Arşak Çömlekçiyan i Aleko Bacanos ke eran profesores de musika turka. Mas de 250 kantikas, son kon temas de amor, oy en dia se kantan en los koros en los fasıles i mezmo en solos.
Kompozo tres marhas i syenes de kantikas.
Bimen Şen muryo en el anyo 1943 al 26 Ogusto en Estanbol i fue enterrado en el simiteryo armenyo de Şişli.
Haberes Buenos HAG PESAH SAMEAH
Forti BAROKAS
Es ke meldatesh la eskrita de una semana antes?
Yorumlar