Segun Sharron Pearl, teorisyena de kara i de puerpo, no egziste una koza komo ‘La Nariz Judiya’. Los judyos tienen narizes komo todos. Sus narizes no son diferentes de las narizes de la populasyon jeneral. La nariz judiya, grande kon un gancho en medyo, (karikaturizada en munchos lugares) es un mito.   Atraktivos u no, las narizes grandes no son espesifikos a los judyos.  Malorozamente, mozotros los judyos, akseptimos ke muestras narizes (grandes i kon un gancho en medyo) son

El Profesor Dr. Nevzat Tarhan mos dyo unos kuantos konsejos ke se deven de tomar por ser orozo. 1. Bever muncha agua. 2. Komer muncho en el dezayuno, manko a midi, i muy poko la noche. 3. Komer mas muncho alimentos de plantas, i mas poko alimentos produsidos en las fabrikas. 4. No pensar muncho en los problemas. 5. Topar tiempo para la orasyon. 6. Kada diya asentarse a lo manko diez puntos en silensyo. 7. Durmir regularmente. 8. Kada diya kaminar 10-30 minutos kon una sonriza

Deke estava aya en en este momento? Munchas vezes pensi en esto, i kada vez ke fyestamos Purim, este momento me vyene a los ojos. Aviya empesado mi karyera rabiniko. Un myembro de mi komunidad me disho ke una mujer keriya avlar kon mi. Eya tyene difikultad de kaminar, i si es posivle ke me vayga a su kaza. ‘Kon grande plazer’ le respondi, i tomi el adreso de la mujer. Me esto averguenso en dizyendo ke muncho tiempo negliji de kumplir mi promesa. Una noche pensi ke mas no pued

Abdol Hossein Sardari, el diplomat irani de Paris en el tiempo del Holokosto, salvo los judios iranis, konvensiendo los almanes ke los judios iranis no eran de la rasa semit.  Sardari empleyo el estudio de un sientifiko irani, i los izo kreer a los almanes ke estos judios eran de la rasa aryan, komo lo son los almanes. Un fonksionario irani ke salve judios en riskando su vida?  Oy, mos esta viniendo difisil de kreer este senario.   Konosido komo ‘El Schindler de İran’, Sardar

El umor judio es konkreto. Se trata de un tema spesifiko. Se burla de munchas kozas, de la vida de los judios, de muestro amor por paras, del komerso, del antisemitizmo, de la relijion, de muestras tradisiones, de la madre judia, de la famiya judia, de munchas kozas ke mos enteresa.  Mezmo, munchas vezes mos aze riir en las situasiones ke son de yorar.   El umor judio es muy tolerente. Tenemos munchos kuentos ke kritikan mezmo muestra relijion. Mozotros, en los kuentos, kriti

El eskridor ejipsiano, Denise Telio Douek, en una lektura ke dio en la Sinagoga Bon Souvenirs en Paris, konto a los yahites la istoria de los judios de Ejipto.   ‘Kada Pesah, kontamos el egzodus de los judios de Ejipto. Deke los judios tornaron de muevo atras a Ejipto. Una de las razones es ke Ejipto era la tierra ande los judios ejipsianos puedian ganarsen la vida. Los dokumentos estan amostrando ke uvo una prezensia kontiual de judios en Ejipto. Munchos judios ke fuyeron de

Kuando el puevlo judyo fue ovligado a bivir en el egzılo, los judyos komo izyeron en las otras fyestas, se yevaron la fyesta de Tu Bıshvat  kon eyos, i komo memeorya de sus payis, se yevaron las frutas de Israel tambyen.   En el egzilo, kada anyo, kuando viniya esta data, las kazas judiyas selebravan (komo oy en diya) esta fyesta kon las frutas de Israel; uvas, sevada, muezes, igos, datiles, olivas, granadas. Estas son las frutas ke forman ‘los syete espesies’ de la tyerra de

En Hollywood, munchos artistos judios trokan sus nombres, no avlan sovre sus orijines. Barbara Streisand nunka fue una de esta majorita. La kantadera i artista, una de los ikonos de Hollywood, publiko sus memorias en el livro, "Mi nombre es Barbra". En su otobiografia, Streisand inkluyo referensias a su erensia judia, empleyo munchas palavras en yiddish i yevo los lektores a un viaje de su chikes en Brooklyn, ande fue engrandesida segun las tradisiones judias.   Streisand nas

Unas kuantas teorias egziste sovre el teatro de sombras. Unos dizen ke Yavuz Sultan Selim trusho artistas del Ejipto a Estambol. Sovre otros investigadores, los judios ke emigraron de Espanya al Imperio Otomano trusheron el teatro de sombras a Estanbol. Otros dizen ke los zinganos ke emigraron de la India al Oksidente, lo trusheron.   Uno de los personajes emportantes de Karagöz es el tipo judyo. Rankontramos al judyo en 39 ovras de Karagöz. El judyo, lo mas, se yama Salamon,

Oy, vos va azer el rezumen de una memorya emosionante de Hanuka de una eskritora, Sara Esther Crispe. “Nunka no puedo olvidarme lo ke me afito en el segundo anyo de la universidad. Akel anyo, una semana antes de Hanuka, mi padre i mi madre me embiyaron un regalo kon una organizasyon judiya de la universidad. Fin akel diya, no saviya ke un grupo judyo egzistiya en mi eskola. Me fui a tomar el paketo kon Jen (una eleva japoneza ke partajavamos la mezma kamareta). Eramos un grup