KUENTOS MODERNOS DE DJOHA

ANDE TU MADRE.

A Djoha el povretiko, le salyo del piango un milyon de dólares , kuando se lo ambezo presto koryo a su kaza a topar a su mujerika Merkada.

El le dize kon prestora “Hanumika presto vístete”, eya le pregunta “ Djoha, kualo ke me vista?”El le responde despasesiandose “ una kozika”. Merkada “ Bueno dizeme onde mos vamos, a un kokteyl, a una fiesta, a un balo? Dime ande?” Djoha le dize,” Atrás ande tu madre ”!!

**********

YO AHARVO.

Djoha un dia de la semana se hue a Tel-Aviv i en kaminando por la kaleja de Hayarkon renkontra a una mujer de chika fama. Se aserka de eya i le pregunta “Kuanto demandas?” “ 50 shekeles” le responde la dita. Djoha le aze una propizyon ke eya no se asperava.” Yo te va darte 500 shekeles”. La mujer se sospecho i le demando, ” de ke me vaza dar me tanto de dinero?” Djoha la miro i kon boz basha le disho “ Porke yo aharvo”.

La mujer se pensó un poko i se disho desi parasi va komer un poko de haftona ma va ganar 10 vezes mas de mi tarifa. Konvensida le dize a Djoha’ Muy bien” Se meten en kamino para ir a un otel serkano, ma en kamino le pregunta otra vez” Tu me vaz a dar tanto dinero, dizes ke te gusta aharvar, ke kadar aharvas?” Djoha se aze del Mordehay i le dize” ya aharvo”.

Entran al otel, justo en suviendo los eskalones para ir a la kamareta la mujer no se siente repozada le pregunta una vez mas “ Bueno, tu aharvas, entiendo, esto te gusta, ma ke kadar aharvas?” Djoha enfasyado le disho, “Mira luzya, yo aharvo fina ke tomo atrás los 500 shekeles!!!

**********

KASTIGAR.

La profesora en la klasa le demanda a Djoha “Dime Djoha kual fue el pekado de Adam?”Djoha responde ” El se komyo la mansana”. La profesora “ Bien, kualo fue el kastigo de D.?” Djoha otra ves responde “ Lo kazo kon Havva.”

**********

OLE

Djoha se hue a vijitar la Espanya, kon sus amigos, se topo en una korrida . Toda la djentambre en kada pasaje gritavan un OLE, Djoha kuando todos se asentvan el se alevantava i gritava OLE. La giadora del grupo rendyendose kuento del yerro ke aze le dize” Sinyor deke te yerras?” Djoha le responde “Yo tomi la parte del toro, no me enteresa de ke parte sosh!!!!.

**********

MENU

Djoha se hue a la farmasia, ma se rendyo kuento ke se alvido el nombre de la melizina, se adresa al farmasyen i dize “Dime por favor ke resivites komo melizinas oy?”

SELIM SALTI -2021-