ASERKAR LOS KORASONES

Albert ANAH
8 Eyl
1 dakikada okunur

Muy buenos diyas, kon sanedad I alegriya keridos.

Un chiko kuento tengo oy. El haham de mis kuentos, un diya arekojyo sus elevos I salyo a dar un torno; en kamino renkontraron; dos personas, ke estavan gritando, uno al otro.

Le demando a los elevos: " ken me va esplikar la razon ke estan gritando esta cente?"

Uno de los elevos respondio: " Estan kon ingervos, I no estan abastando a sintir uno al otro. "

El haham les disho; "muy bien, ma esta djente estan serka uno al lado de el otro, I si avlaran sin gritar, puederan sintir.

La kesyon es; ke esta djente se alesharon de korason. Kuando se aleshan de korason; empesa la difikultad de entender a el de frente. Ansi ke empesan a gritar, kon esperansa ke arrivaran a sus korasones.

Si se aserkan los korasones, basta de avlar; en una manera muy kalma, sin gritar.

Kuando se aleshan los korasones; un diya, la persona abolta la kara I bushka en su deredor. Entyende ke esta solo.

Saludozos todos, Al vermoz. (Kontinear.)

Albert Anah.

Un Kante animado en la lingua de LADINO. de el djugo bustan sefaradi. שיר מונפש בלאדינו Animation: Albert Anah