ANTES KE TODO SEMOS “BENADAM”

Muy buenos diyas keridos. Pasimos una otra semana kon bueno. Malorozamente; sin adelantar en kamino de la pas. A la kontra; los diyas moz estan arastando, a un estado maz komplikado.

No moz viene de la mano, maz ke; rogar a Dios I orar por ayudo, ke el; mos aserkara; a la pas, siendo aunados.

Esta semana; pensi de eskrivir. Anke era la semana de una animasion. Ma el sujeto ke pensi; nesesitava muncho tiempo, para produktarlo.

Se trata de dos mansevos en este kuento, ke se engrandesyeron en el mizmo kazal, en la mizma kaleja.

Hayim; un mansevo nasido a una famiya ordinariya. Tipo ke vido de su padre "orar, I kreer" komo munchos de nozotros. I Shelomo, nasido en una famiya un poko mas sensila. Los doz meldaron en la mizma eskola, mizma klasa. Hayim adjusto su servisiyo militar. Shelomo; prefero de aderesarse a una yesiva.

Sus amigavle kontuneo anyos. En uno de los dias; desidaron a salir I azer un piknik, en el bodre de el rio, ensima laz yervas, asentados en la solombra de el arvole.

Komyeron, bevyeron I oraron. Vino ora de minha. Enpesaron a la orasion. En akel momento, se aparesio una mujer en el bodre de el rio. Kaminando; se arezvalo la mujer I kayo al rio. El koriente fuerte de el rio; la empeso a arastar a la mujer kon la agua. Hayim, salto I yamo a Shelomo para ayudar ala mujer, ke esta djignisheando en el rio a salvarse. Shelomo estava en lo suyo orando minha, sin dar repuesta a Hayim.

Hayim miro en kara de Shelomo, paso por su kavesa el dicho " para kualo avlar kuando no ay oyidos ke te sientera " koryo, entro a  el rio, la apanyo a la mujer. La tomo en su espalda, I reusho a salir de el rio. Yevo a la mujer en su espalda, asta ke arrivo a un lugar enshuto. Ma ke se aze; deviya de pasar delantre de Shelomo ke estava en su orasion. Shelomo; korto su orasion, miro en kara de Hayim; kon una boz alta I kon ingervos, le disho " Hayim! No vez ke esto orando. Pasas delantre de mi, kon una mujer en tu espalda, kon vistimientas mojadas; ke se le aforma su puerpo?"

Povereto Hayim, no topo biervos a responderle, en todo kavzo lo miro I le disho:" Shlomo; te yami siertas vezes, no avrites tus ojos para ver el estado, no respondites a mi yamado. Ma; sano ke estes, kuando pasi delantre deti; vites muy bueno el estado de la mujer, I la estampates. Resivido ke te seya!!!"

Saludozos i gustodods todos.

Albert ANAH

Marka en el like si te gusto,i partajalo. Las vuestras reaksiones seran akseptadas kon amor. (Akontunear.)

AMOR I MENTIRAS

Bağış/Donation/תרומה

Apretar al boton para ver todos los eskritos