MIRIAM MENKIN


Keridos lektores,

Oy meldi un artikolo ke se publiko en el sitio de la Itahdut Yotsei Turkiya, eskrito por Rahel Behar Juniman. Lo topi muy enteresante i lo kije kompartir kon vozotros. No va eskrivir el artikolo entero tal ke esta, por modo ke tenemos una limita de 500 biervos i este artikolo esta bastante largo.

Rahel Behar Juniman mos konta sovre Miriam Menkin la primera persona ke ampeso a lavorar sovre IVF ke es obtener embriyos afuera de las tripas de las madres.

Miriam nasyo en Riga (Letonya) en 1901. Kuando teniya eya 2 anyos se mudaron a USA.

En 1922 se graduo de la Universita de Cornell de la seksyon Histolojiya i Anatomiya Komparativa. Despues de un anyo tomo la maestriya sovre Genetiko. Miriam keriya entrar a la Fakulta de Medsina ma komo akel tiempo no akseptavan aya a las mujeres, no la akseptaron ni a eya.

Kuando se kazo kon Valy Menkin en 1924 tuvo de lavorar para poder mantenersen por ke Valy estava estudiando en la Universita i le mankava poko para graduarse. Lavoro en Simmons College komo sekretarya i en mizmo tiempo obtuvo su sigunda maestriya.

Malgrado ke teniya dos maestriyas, no pudo pagar los estudios i demuevo no pudo obtener el titolo de doktor. Entremientes tuvieron dos kriyaturas.

Desde 1930 asta 1935 lavoro Miriam en la Fakulta de Medisina en la Universita de Harvard. Aya fue enkargada en un proyekto de Gregory Pinkus : Taushanes sin padres.

Kuando se espartyo Pinkus de aya, Miriam se fue en primero al Laboratoryo de Massachussets i de aya a Boston Free Hospital for Women. Aya lavoro kon John Rock.

Estos estudios sovre los “Taushanes sin padres” fueron un faktor para ampesar a las eksperiensas de IVF (In Vitro Fertilities) ke kere dizir “Fertilizasyon afuera del puerpo”. Era verdad ke John Rock estava lavorando sovre este projeto ma no teniya la eksperiensa de Miriam, por esto le dieron la direksyon de los lavores del laboratoryo. El buto de Menkin era enseminar el guevo afuera del puerpo umano.

En 1938 ampeso Menkin a sus eksperiensas de IVF . Los primeros 6 anyos no reusho a obtenir una fertilizasyon afuera del puerpo umano. En 1944 izo una experiensa kon una mujer ke paryo munchas vezes. Tomo los guevos i los adjunto largo tiempo kon los spermes. El rezultado estava maraviyozo. La divizyon de la selula aviya ampesado.

Unos sientifikos la kritikaron diziendo ke esto era vinir kontra el Dio.

Esta deskuvierta de Menkin i de Rock fue publikada en las revistas “Science”, “Associated Press”, “New York Times” i “Times”.

Se kito del marido en 1949 i se dyo enteramente a melizinar a su ijika ke teniya epilepsiya. En 1950 entro demuevo al laboratoryo de Rock ke mas no lavorava sovre IVF ma sovre kontrasepsiyon (doğum kontrolü).

Esta mujer sientifika ke avriyo orizones muevos kon su invento muryo el 8 Junio 1992 en Boston i fue enterrada en el simeteryo Beth El.

Bizi Takip Edin
  • Facebook Basic Square
  • Twitter Basic Square
  • Google+ Basic Square
İLETİŞİM/ליצירת קשר
ADRES/כתובת 
İletişim ve faaliyetler hakkında bilgi almak için

לקבלת מידע אודות פעילויות ההתאחדות

לרישום / אימייל

 

Tel: +972 36582936
Fax: +972 36573894

+972 36582936:טל

   +972 36573894:פקס

turkisrael@gmail.com

Mohrey Sigariyot 7 Bat Yam - Israel

רחוב מוכרי הסיגריות 7 בתים, ישראל

  • Facebook Social Icon
  • Instagram Social Icon
  • Google Places Social Icon
  • Twitter Social Icon
  • YouTube Social  Icon