Marguerite Yourcenar

TÜRKİYELİLER BİRLİĞİ התאחדות יוצאי תורכיה
14 Eyl
2 dakikada okunur

Marguerite Yourcenar

En kaminando en los sitios de Google, me rankontri kon esta famoza Marguerite. Komo me plaze vidas reeles, kije partajar su vida. Ken es Marguerite Yourcenar?

Su vida pasa a la literatura kon

“UNA LETRA OLVİDADA”.

Kon una letra troko el destino de la literatura. Esta istorya es de una ija guerfana de nasimyento.

Marguerite fue konosida komo novelista de istorya i poeta. Nasyo el 8 julio 1903 en Bruksel.

Su madre, Ferdinande, era una ermoza mujer de famiya muy noble. Akel tyempo los partos se azian en kaza, malorozamente Ferdinande muryo dospues de una ora ke paryo. Marguerite nunka konosyo a su madre. De vez en kuando pensava en su madre, eskarinyo no teniya, en chika diziya, una persona komo puede eskarinyar a una ke no konose.

Marguerite se engrandesyo kon su padre i su nona paternel, en una villa maraviyoza. Todos la keriyan muncho byen i le aziyan todo lo ke keriya.

Eya, era muncho mas adelantada de sus kolegas. A los ocho anyos meldava Racine i Aristophanes, a dyez anyos se ambezo en Latin, a los dodje anyos en grego. Su padre syempre apoyo su ija ke la adorava.

Ma en la vida todo no va derecho. En supito kedo sola porke los nazis okuparon la Fransya i eya para kedar en vida fuyo a los Estados Unidos.

Kedo sola i su vida estava byen dura. Empeso a dar lisyones de literatura Franseza i istorya del arte.

Ke koensidensya!

Dospues de la sigunda gerra modial, en el anyo 1948 resivyo una validja ke desho en Bruksel ande una amiga. Aryento de esta validja aviya papeles i dokumentos familyares. Entre estos papeles avia una letra. La letra empesava kon estas palavras:

Kerido Marco, oy demanyana me fui al doktor…. Marguerite, no se estava akodrando kuando eskrivyo esta letra i ken era Marco????

Dospues de meldarla mas de syen vezes se akodro ke, Marco era MARCUS AURELİUS. Esta letra la eskrivyo anyos antes, en un viaje a İtalya kon su padre, kuando vijitaron la villa Hadrianus del imparator Hadrian.

Dospues de anyos en un repotaje iva dar esta deklarasyon:

“ Del momento ke meldi esta letra, mi unika preokupasyon fue eskrivir este livro

“ LAS MEMORİAS DE ADRİANO”.

Este livro fue una de las ovras del siglo xx. Eya fue konosida komo la primera mujer seleksyonada en la Akademia Franseza

Termino su vida kon estas palavras

“Todo esto… grasias a una letra olvidada en una validja”..