top of page

KEN LO VA PAGAR


(Teksto-Audio)

(Yazarı sesli dinlemek için tıklayınız)





Bendicho el Dyo este anyo el seder de pesah ya paso kon alegriya i kon los keridos endjuntos. Ay dos anyos ke estavamos fyestando los moedes solos i tristes. Es verda kon estos telefones entelijentes en pizando a un botoniko estamos avlando kon el mundo entero ma no es komo tener en la meza a los ijos i a ios inyetos.


En la ağada de pasah meldamos “dan, sefardea, kinim etc.” Este anyo pensi ke las belas no fue solo en Ayifto, en estos dos anyos i mozos pasimos oras pretas. La pandemiya covid, los fuegos, la gerra de Ukrayna, el terorizmo i los mansevos ke peryimos.


Deke azer negreguras?? Kermozo sera de bivir en un mundo ermozo sin gerras, sin matansinas kon pas i amor.


Dizyendo negregura, me vino al tino una konsejika çika, ke me la kontava mi Tant Ester para ke komyera… la konsejika es chika ma de sinyifikasyon es muy grande.


“En una sivdad biviya un ombre muy riko. Tanto era riko mezmo el no saviya los chifros de sus byenes. Ma era muy kruel. Tanto era kruel no se adjideyava de dingunos. A la kontra kuando viya ke uno esta flako de salud u prove, lo arebashava i lo trespizava mas muncho. Teniya una gaava ke era riko ,por ke era patron de muncha moneda, le paresiya ke puede azer todo lo ke kere. Kada demanyana en indo al echo, pasava por las botikas ke teniya, a todos los ke lavoravan a todos los empyegados los gritava i los ensultava. Si alguno de eyos le respondiya, lo mansinava i no le dava la semanada.


Los anyos paso esta manera i por siguro el buen del sinyor se izo viejo. Ma le pujo los anyos le pujo i la negregura. Munchas vezes kijyeron dizirle ke torne en teshua ma el siempre lo ke dicho izo.


Una tadre, en tornando del echo a su kaza, oye una boz.

“todo lo ke izites un diya lo va pagar”


No topo de pensar kualo es esta boz i ke kere dizir. Los primeros diyas no dyo emportansa i kontinuo a su kamino i su krueldad. Ma kuando esta boz kontinuo diyas i mezes empeso a dezrepozarse. Vino diyas ke koryo detras de la boz, vino diyas ke se tapo las orejas para no oyir i vino diyas ke iva peryer el meoyo ma la boz nunka no kayo.


Una tadre yene en tornando del echo a su kaza, albonozo i enketo le vyene la mezma boz:


“lo ke izites un diya lo va pagar” “un diya lo va pagar”

Mas no puido rezistir se abolto miro a los syelos kon inyervos i en gritando:

“yabasta! kayate ! dechame repozado!

“ todo lo ke izites un diya lo va pagar “

“no esto entendyendo ken lo va pagar?”dizeme ken!!! Keen lo va pagar???”

La boz le respondyo:

” tu inyeto lo va pagar”


Vos oguro una enverada buena, kon sanedad, kon alegriya i kon todos djustos HAG PESAH SAMEAH.





コメント


Bizi Takip Edin
  • Facebook Basic Square
  • Twitter Basic Square
  • Google+ Basic Square
bottom of page