La Estreya de David (Magen David)

Desde la insignia ke los judíos utilizaron en el Holocausto asta la bandiera de Israel, kuál es el significado de este símbolo judío de sesh puntas ?

por Rav Shraga Simmons adaptado al Ladino por Selim Amado

Facebook6.6KGmailTwitterMás...1.1K

En los tiempos modernos la Estreya de David se konvertio en un prominente símbolo judío. Esta estreya de sesh puntas (hexagrama), formada por dos triángulos entrelasados, puede ser enkuentrada en mezuzot, menorot, kipot y bolsas para talit. Las ambulansias en Israel yevan el sıgnal de Magen David Adom, ‘Estreya de David kolorada’, y la bandıera de Israel tiene situada en el sentro una Estreyla de David de kolor blu..

¿Kual es el origen de este símbolo de sesh puntas?

Las seş puntas simbolizan el dominio del Dio sovre el universo en las seş direksiones.

Durante toda la larga y difísil historia del puevlo judío, mos dimos kuenta ke muestra unika esperansa esta en depositar muestra konfiensa en el Dio.. Las sesh puntas de la Estreya de David simbolizan el dominio del Dio sovre el universo en las sesh direksiones: norte, sud, este, oeste, arriva y abasho.

El nombre hebreo Magen David — ke signifika literalmente ‘El Eskudo de David’— konstituíya originalmente una referensıa poetika al Dio, un rekonosimiento de ke muestro héroe militar, el Rey David, no fue viktoriozo grasias su propio poder sino al apoyo del Dio. También azemos alusion a esto en la tresera bendisyon ke meldtamos despues de la Haftarade Shabat: “Bendito seygas Tu, Dio, Escudo de David”.(Baruh Ata Ad. Magen David)

¿Kuando fue adoptada la Estreya de David komo un símbolo judío?

Ni el Tanah ni el Talmud h azen referensia a eya, y puede ser ke fue adoptada en un período mas tadre de la historia judía. De todas formas, si eksploramos algunas eksplikasiones sovre el signifikado detras de eya, enkontraremos profundos konseptos judíos.

Una idea es ke una estreya de sesh puntas resive forma y substansia desde su sentro. Este nukleo interno representa la dimensión spırıtuala, la kuala se enkuentra rodeada por las sesh direksiones del universo. (Una idea similar se aplika al Shabat: el sıeten día que da balansa y perspektiva a los sesh días de la semana).

Según la kabala, los dos triángulos representan las dikotomías inherentes al hombre: el bien verso el mal, lo espiritual verso lo fiziko, etc. Los dos triángulos también pueden representar la relación resíproka ke ay entre el pueblo judío y el Dio. El triángulo que apunta verso arriva simboliza nuestras buenas aksiones que se elevan al sielo y aktivan una luvya de buendad ke abasha al mundo, el kual es simbolizado por el triángulo que apunta verso abasho.

Algunos notan ke la Estreya de David es una figura kompleksa entrelasada ke no tiene sesh lados, sino 12 (dodekagono). Uno puede konsiderar ke esta kompuesta por dos triángulos superpuestos, o bien por sesh triángulos mas chikos que emergen de un hexagono sentral. Al igual ke el puevlo judío, la estreya tiene 12 lados, representando a las 12 tribus de Israel.

Una teoría más praktiika es ke durante la revolta de Bar Kohba (siglo I) empeso una mueva teknología para los eskudos ke utilizava la stabilidad inherente al triangulo. Detras del eskudo avía dos triangulos entrelasados, los kuales formavan un patron hexagonal de puntos de apoyo. (El arkitekto Buckminster Fuller mostro kuanto son fuertes los disenyos bazados en triángulos al konstruir su famosa Geodesic Dome = La cupula geodésica).

Una sugerensia sarkastica dize ke la Estreya de David es un símbolo apropiado para representar la lucha interna que tienen los Judios entre eyos komo los tos triángulos ke apuntan dos direksyones opozadas.

La Estreya de David fue tambien un triste símbolo que se utilizó en el Holocausto, kuando los Nazis forsaron a los judíos a uzar una estreya amariya komo distinktivo. En realidad, los judíos también fueron forsados a vistir insignias distinktivas durante la Edad Media, tanto por autoridades musulmanas como kristianas, tanbien devían azerlo en Eretz Israel durante el Imperio Otomano.

Entonses, ke seyga una estreya de kolor blu flameando orgoyozamente en una bandiera o una estreya de oro que adorna la entrada de una sinagoga, la Estreya de David kontinua a akodrarmos siempre ke los judíos confiamos en el Dio.