UN CHİKO KUENTO

Kristof Kolomb visita la Isla de Jamaika para Las reparasyones nesesarios a sus naves. Los nativos los arresiven kon ospitalidad, los ayudan para adovar i les ofresen komidas i bevidas. Ma las reparasyones duran mezes i mezes, ansi ke kon tiempo el ekipaje se arovan de los nativos todo modo de bienes. Los del lugar se inyervan por esta situasyon i les kortan el aydo i Los alimentos.

Kolomb desesperado, konsulta el kalendaryo ke tiene en el barko i se renda kuento ke un eklipso lunar (ay tutulması) devriya ser al dia ke viene. De vista se va al shef de los nativos i le dize : " Avli kon el Dio. El Santo Poderoso esta muy inyervado por la interupsyon de vuestra ayuda i disho ke vo lo va mostrar esta noche en pintando la Luna en sangre. I en fakto, el eklipsyo empesa por la tadre I la luna deviene kolorada entera, kolor de sangre. Ansi eskrive el ijo de Kolomb en sus memorias : "Kon Toros, espanto i lamentos, los nativos trayen komidas i bevientas, rogando al Amiral ke dishera al Dio de pardonarlos i ke no lo aseran mas."

Kolomb viendo ke manka solo poko tiempo para level eklipso se termine, es dize ke el Dio i el mismo ya Los perdono, i la Luna torno a şu kolor normal.

El eklipso se termino i Los indijenos pardonados estan kontentes.

Kolomb ke es savido i konose bien el fonksyonamente del universo, eskrive Una kurta nota en su s memorias:

"La inyorensia siempre traye el esklavaje

Apretar al boton para ver todos los eskritos

ONLINE İYT KİTAP