TRATAR VALOR DE EL KONSEJO

Muy buenos diyas keridos I purim alegre en mezura ke puede ser. Verdad ke mos merese maz; ma no estamoz en un estado normal. Dios dara; fuersa I sukseso a los soldados I los guadrara de todo mal. Salud buena a los feridos. Pasensya a los ke peryeron sus keridos, salvasiyon a los arrevatados. I novedades buenas I alegres a todos.

Oy penso a eskrivir un kuento. El sujeto sera "Aze lo ke te dize el haham.”

Munchaz vezes nesesitamoz un konsejo, antes ke tomamos una koza nueva en mano. Por eksempio; para azer un kontrakto moz konsejamoz, kon un avokato. Si buskamoz de alkilar un lugar; buskamoz una ajensia de bienes inmobilarios. Si pensamos a inversiar, tenemoz el bankero ke mos adresamoz. I maz kozas.A las vezes buskamos piyadades, para una problema diferente. Ansi ke los konsejeros ordinarios no alkansan a amostrar kamino. En este estado ay djente ke vijitan ande el rabi, a demandar konsejo.

Ansi enpesa el kuento: en uno de los diyas Hayim se alevanto, komo kada diya; arrivo a el kal, Komo aze en kada dia. Izo su orasion, I se aparejo a salir I tornar a kaza. Ma Hayim estava muy kansado, I sovre su kamino deviya de pasar el rio. Doz kaminos teniya para pasar de un lado a el otro. Puediya alkilar una barka o; deviya de kaminar sinko kilometros para pasar sovre el ponte. Bushko en sus aldikeras. Moneda no teniya en el lado. Ke se aze?

Se asento al lado de el rav. El rav; ombre aedado, kon una barva blanka, teniya livro de g'mara en mano. Sierto ke estava meldando. Miro en kara de Hayim, I le demando:" Kualo keriyas Hayim? Esta ora tu deviyas de estar en kaza no?” 

Hayim le respondyo:" verdad sinior haham. Ma esto muy kanso, no tengo fuersa de tomar kamino asta el ponte para pasar el rio. No tomi ni plata konmi para alkilar una barka. Teneras un konsejo param?”

i

El haham, serro el livro lo miro en kara I le disho. "Buskas konsejo para pasar a la otra vanda de el rio? Mira Hayim; si tu te krees verdad mente; arriva a el lado de el rio, dize " kon nombre de Dios" echa paso sovre la agua” I enpesa a kaminar.

Ansi pasaras a la segunda vanda Hayim, ombre ke no keda de orar trez vezes al diya. Tomo kamino, arivo al bodre de el rio… enpeso a asperar I pensar. Entonses vino I el haham para pasar a la otra vanda… ma mira mazal ke no ay barkas para pasar. Lo vido a Hayim; " a ken asperas Hayim?" Hayim miro en kara de el haham I le dizho:" Sinyor haham, yo no tengo la eksperiensa tuya, esto asperando enpeses a pasar kaminando el rio kon nomre de Dios. I pasar detras de ti, esto seguro ke tu seras muncho mas fidel de mi

Saludozos todos. Asta la semana ke vendra, konsu todo buen. (A kontunear)  

Albert AnaHTRATAR VALOR DE EL KONSEJO

Muy buenos diyas keridos I purim alegre en mezura ke puede ser. Verdad ke mos merese maz; ma no estamoz en un estado normal. Dios dara; fuersa I sukseso a los soldados I los guadrara de todo mal. Salud buena a los feridos. Pasensya a los ke peryeron sus keridos, salvasiyon a los arrevatados. I novedades buenas I alegres a todos.

Oy penso a eskrivir un kuento. El sujeto sera "Aze lo ke te dize el haham.”

Munchaz vezes nesesitamoz un konsejo, antes ke tomamos una koza nueva en mano. Por eksempio; para azer un kontrakto moz konsejamoz, kon un avokato. Si buskamoz de alkilar un lugar; buskamoz una ajensia de bienes inmobilarios. Si pensamos a inversiar, tenemoz el bankero ke mos adresamoz. I maz kozas.A las vezes buskamos piyadades, para una problema diferente. Ansi ke los konsejeros ordinarios no alkansan a amostrar kamino. En este estado ay djente ke vijitan ande el rabi, a demandar konsejo.

Ansi enpesa el kuento: en uno de los diyas Hayim se alevanto, komo kada diya; arrivo a el kal, Komo aze en kada dia. Izo su orasion, I se aparejo a salir I tornar a kaza. Ma Hayim estava muy kansado, I sovre su kamino deviya de pasar el rio. Doz kaminos teniya para pasar de un lado a el otro. Puediya alkilar una barka o; deviya de kaminar sinko kilometros para pasar sovre el ponte. Bushko en sus aldikeras. Moneda no teniya en el lado. Ke se aze?

Se asento al lado de el rav. El rav; ombre aedado, kon una barva blanka, teniya livro de g'mara en mano. Sierto ke estava meldando. Miro en kara de Hayim, I le demando:" Kualo keriyas Hayim? Esta ora tu deviyas de estar en kaza no?” 

Hayim le respondyo:" verdad sinior haham. Ma esto muy kanso, no tengo fuersa de tomar kamino asta el ponte para pasar el rio. No tomi ni plata konmi para alkilar una barka. Teneras un konsejo param?”

i

El haham, serro el livro lo miro en kara I le disho. "Buskas konsejo para pasar a la otra vanda de el rio? Mira Hayim; si tu te krees verdad mente; arriva a el lado de el rio, dize " kon nombre de Dios" echa paso sovre la agua” I enpesa a kaminar.

Ansi pasaras a la segunda vanda Hayim, ombre ke no keda de orar trez vezes al diya. Tomo kamino, arivo al bodre de el rio… enpeso a asperar I pensar. Entonses vino I el haham para pasar a la otra vanda… ma mira mazal ke no ay barkas para pasar. Lo vido a Hayim; " a ken asperas Hayim?" Hayim miro en kara de el haham I le dizho:" Sinyor haham, yo no tengo la eksperiensa tuya, esto asperando enpeses a pasar kaminando el rio kon nomre de Dios. I pasar detras de ti, esto seguro ke tu seras muncho mas fidel de mi

Saludozos todos. Asta la semana ke vendra, konsu todo buen. (A kontunear)  

Albert ANAH

Bağış/Donation/תרומה

Apretar al boton para ver todos los eskritos