Solombras palidas & El reposo pesgado

Solombras palidas

Como solombras

En una parada mas palida que la muerte

Estabamos yevando tus vestidos

De tu casa a la absensia

Respirando la sudor cansa y el espanto.

Como criansas tocadas de lumbre

Venimos tus ijos,

Y tu esprito de mas en mas

En nos se enfortese.

***

El reposo pesgado

Como un punio en el estomago

Se apunto en mi la manianada,

Y los rayos del sol se trocaron

En solombras.

En la camareta de los ijos

Se cuajo el muvimiento

Y un reposo pesgado se asia cayer.

Como un pasharo devine, buscando abrigo

Del yelor que desbrocho en el aver.