RUBEN RUBENIKO & EN LA SHSRA

RUBEN RUBENIKO

Figura del pasado londjano

Ruben Rubeniko , lo yamava,

Anyos en su boka lo tenia,

Bolando sovre la mizerioza juventud

Kon la palabras y sonrizas ofresidas

Por mantener alma y entranyas.

Y Ruben Rubeniko

Karesandola kon alegría, komo las mares

A los piezes de Posedon.

La tempesta blue de sus sangre

Se aunaban en sus venas,

Suvyendolos a las alturas del relumbror.

Kuarenta anyos kon ella bolo,

Sin topar uriyas, sin topar abrigo.

Kuando komo una joven –aidada

Al nido eternel eya abasho

Ruben Rubeniko, en su boka tomada

El nombre anado metyo.

Asta-

El dia ke lo kuvriyo la tierra

El temblor de su boz

De las onduras batiya,

Al encontrar el temblor de su kerida

Ke ainda kon dulzor

Ruben Rubeniko le deziya.

---

EN LA SHSRA

Me despertó en una kaza adientro de una shara,

Rayos de luz ensienden arvoles y ramas

Las ojas pintan sovre la tyera un kolaj de oro.

Selemsio.

Salgo a la shsra.

Un rio koryente se adjunta al lako.

Transpara realidades ekzaktas mas ke la realidad,

Verdades se penetran en la agua kon una klaridad mistika

Ke yeva la estabilidad temporanya de la luz.

Sigo mis penserios,

Sigo mi imajinasion,

Korro verso el dio de la natura ke reyna

En la luz

En la eskuridad

En los arvoles

En las kolores,

En la tyera

En la agua

En el selensio.

Penso sovre el koryente ruidozo

Ke bive basho el selensio,

Komo es el murmuro de la tempesta adientro mi

Komo es el grito ke korre en mi puerpo.