PASOS DE OTROS SIEKOLOS&LA PLASA DEL TIEMPO

PASOS DE OTROS SIEKOLOS

Pasos de otros siekolos, ruidos deskonosidos suven a mis oidos, y no los puedo kedar.

¿Onde me topo? las demandas se esparzen en el aver,

Me veo bolando, tierra y sielo me anvelopan.

Montanias alsan sus alturas tokando las sezones ke arodean bushkando nido,

sin topar repozo van tokando las kolores del kozmo eternel.

***

LA PLASA DEL TIEMPO

Me Yevas a la plasa del tiempo onde se enkontran las distansias,

Kaminamos entre lamparas amizurando las palavras,

Tu avlas del amor Yo de la luz manante,

un aire erante pasa entre los pasos.

Yo amizuro el amor, , Tu las palavras,

en la plasa del tiempo se enseran las distansias.