NOTAS MUZİKALES
- TÜRKİYELİLER BİRLİĞİ התאחדות יוצאי תורכיה
- 14 saat önce
- 2 dakikada okunur
Estamos orozos de oyir la pas, espero ke seya de tura sin sar i sin mal porke ya pasatesh orikas malas. Los ke bivimos en la diaspora, siguro ke teniyamos el tino en vozotros, el karar ke kijimos azer empatiya, no es los mezmos sentimyentos. Agora trokaremos la palavra.
Savesh ken kreo las notas muzikales?
Esta alfabe de musika la kreyo GUİDO DAREZZO (990-1050).
GUİDO no kedo kon enventar los syete semboles, en mezmo tyempo, koordino muestro sintido de los oyidos, kreo un alfabeto de sonidos.
Darezzo es uno de los grandes teorikos de muzika del medioeval. Nasyo en İtalya i estudyo en el monasteryo Benedictine de Pompez serka de Ferrera. En sus lavoros remarko ke para los kantantes, memorizar los imnos liturjikos va ser muy difisil, por esto izo un sistema de sinyos musikales. Las notas, se reprezentan en kuatro linyas i kada una tyene un tono. Oy en diya, ay sinko linyas.
Las linyas de Guido, resiven su nombre de las primeras silabes del priner verso “UT QUENTANT LAXİS”.
“UT-RE-Mİ-FA-SOL-LA”. UT, dospues se troko kon nombre “DO”. esto se nombra “SOLFEJ” este sistem se empleya oy en diya.
Aparte de la nota “Sİ”, el padre de los nombres de todas las notas es GUİDO. Estas fueron las primeras silabas del himno de San Juan Bautista.
Agora veremos los simboles de las notas ke mos keren dizir:
“DO” dominus DYO
“RE” Rerum MATEYA (Madde)
“Mİ” Miraklo
“FA” famiya de las planetas (sistema de solar)
“SOL” el sol
“LA” laktea (samanyolu)
“Sİ” sidatae (ganeden).
Es el Dyo ke mos avla kon la muzika u byen la musika mos avla de Dyo? Es un misteryo muy grande las notas i la muzika.
Guido Darezzo kuando envento las notas teniya 33 anyos. En enpesijo eskrivyo estos sinyos de musika para fasilitar a los muzisyenes de las eglisyas ke aziyan musika santa. Oy, es una de las mijores maneras de komunikasyon para mozos las personas. La musika es una lingua internasyonal grasias a GIİDO DARENZZA.
Syempre ke kantesh, alegres ke estesh, pas i amor en el pais i en los korasones AMEN.
Vakansas alegres inshallah mos veremos en el mez de İLLUL.
Forti BAROKAS
