La memoria & Viaje

La memoria

Una mano de hesito espando a la memoria

Atando en eya siete cavallos feridos

Saltando entre luz y tinievla.

El tiempo

es una luenga kortada,

enfrente de mi

se debate y desparese.

La memoria se espande,

Deviene velas palpando.

Yo me encolgo en eyas

entregandome a la deriksion

del korriente foturo.

Supito

las linias del aver se vazyaron del oxigeno.

Mi puerpo viene akudir,

va teshendo una resha

para mantener a la memoria

en el momento de la kaida.

*****

Viaje

En la valija se arecojeron

penserios y preguntas

para salir al viaje

celebrar la calmeza de la fuida.

Metio orden en sus vestidos,

en sus mascas,

en sus celulas de la piel.

Salio

a descubrir la fuerza del arbole,

desmenuzar palabras de dolor

enfincadas en el aver.

Devino

tierra, lagos y llanuras.

Ahora en su valija flotan nubes

en su mente especias de fuego

y en su puerpo van corriendo palavras locas.

Margalit Matitiahu