top of page

KUENTOS MODERNOS DE DJOHA XX




Fin de semana fiestamos Hanukka. Fiesta de alegría donde la luz de la kandelas arrelumbre muestros korasones. A esta okazyon oguro a todas i a todos mis lektores días orozos kon salud i kon paz.

***

REENKARNASYON

Djoha kon su muevo oto(koche) se yeva a su eshuegra la sinyora Sinyuru a vijitar el Golan. En kamino ven en los kampos munchas vakas. La eshuegra le dize:” Djoha saves kualo, yo no kereriya ser reenkarnada en vaka!” Djoha le responde:” Pedre kuryado kerida mama, al pareser no somos reenkarnados de seguita segunda ves en la mizma koza!”

***


KRIZA DE MANSEVES

El ijo de Djoha después de su servisyo en la armada(Tsahal) una tadre lo aferra al padre i le dize:” Aba saves kualo, yo ya me buktiyi (enfasyo) de bivir en esta kaza kon vozotros. Kero muncho mas de libedad, bever bira i wisky kuandokero, frekuentar lo mas muncho de ijas ermozas de mi edad, no te aravyes, ma yo me esto indo!” Djoha sovre esto le responde:” Atyo, Robert pashaiko asperame, no te vaygas tan presto, porke i yo me vo kon ti..


***

VOTAR

Djoha dia de viernes manyana en el kafe kon su klik de amigos beve kafe i diskuta politika. Bensi (Bensiyon el mustachudo) le pregunta:” Dime Djoha por ken vaza votar?” Djoha responde:” Yo va votar por los dezmudos!” Bensi:” Deke?” Djoha:” Por ke los dezmudos no se van a meter nada en las aldikeras!”


***

VOLKAN

Su amigo Bensi (Bensiyon el mustachudo) una demanya se va a la butika de Djoha i le dize:” Djoha buen dia, te keriya preguntar por el eshuenyo ke vidi esta noche ke me paresyo kuryozo. Tu ke sos savido dame a entender komo interpretas lo ke me sonyi, vide ke mi kaza estava en sima de un volkan!” Djoha se pensa i le dize:” Tu eshuegra ya aparejo la valija esta para vinir ande ti!”


***

ESKELETO

Djoha sufriendo de dolor de espalda se va ande un ortopedista (doktor espesialisto de guesos). Una vez en la kamareta del doktor, ve aryento de una vitrina un eskeleto entero. Sovre esto kon una sonrisa le dize al doktor: “ Si nesesitas un otro no te chekineyes (entravar) de demandarme, yo tengo munchos.” El doktor kuryozo de saver, le demanda:” Munchos tienes, ke bushkan estos ande ti?” Djoha le responde:” so bekchi (guardyan) de simeteryo (betahayim)..”



留言


Bizi Takip Edin
  • Facebook Basic Square
  • Twitter Basic Square
  • Google+ Basic Square
bottom of page