top of page

EL POETA Y EL PASHARO& EN EL ESTUDIO


EL POETA Y EL PASHARO


El selensio de la noche kaye sovre el jardino, la agua del rio kareca kon su sonido el aver.

El pasharo, en la rama del arvole, kanta un kante kristalino.

El pasharo: «A la madrugada me bolare, y onde estare a ti te kantare».

El esfuenio del poeta: bolar komo el pasharo.

En el refreskor de la madrugada sale Li tai-Po al jardino.

Una pluma se apoza en su palma.

El pasharo le dize de lonje: «Esta es mi alma, tus palavras serán mis granos hasta ke apozare de muevo en tus ramos».

El sol arelumbra, espunta la manianada.

Los ojos del poeta brian kon sonriza, junto el pasharo resiven el muevo dia .



 


EN EL ESTUDIO

De la solombra muerta del dia venimos a liberar la respirasion.

Entre las paredes pintadas, entre los tapetes finos, muestras manos se unden en la lokura de los muvimintos, en los karesos de la kreasion.

Se forma un sirkolo de vida plantando esperansa en la tierra ke aspera a las simientes a la luvia a la pasion.



Bizi Takip Edin
  • Facebook Basic Square
  • Twitter Basic Square
  • Google+ Basic Square
bottom of page