LOS DİYAS EN GERRA

Albert ANAH
5 May
3 dakikada okunur

Emprestimo

Buenos diyas keridos. Korti de kontar los diyas en gerra. Estamos bivyendo una epoka, tan triste, kon amargura i mankura. Mirando a la manyana; ke arivara kon pas i alegriya.

Anke la majoritad de el pueblo no esta kontente de el estado; no tenemos un lider ke mos alerumbre en la eskuresiya. Kale entender i a los ke governan en estos diyas. Komo kada kompanyiya ke se

fondo; "kon un enprestimo muy grande". O komo un direktor ke kamina kon vistido enprestado.

Kon estas kondisyones I semejantes; no egziste la posibilotad de tomar desisiones essensiales. Por la razon ke los ke akompanian kon sus enprestimo, no dan repozo, se konsienten komo patron i provan de adelantar sus ideas.

El ke sale a la kaye kon vistido enprestado; estara en un estado maz perikolozo. Por la razon; ke en kada nada, tiene el espanto ke le van a tomar el vistido de ensima, i el kedara desnudo!!!

Dizen ke" EL KE VISTE ENPRESTADO, EN MEDYO LA KAYE KEDA DEZBRAGADO"

ENTRAR EN ANYOS KON SANEDAD I TODO BUENO.

Buenos diyas i alegres keridos.

Kon los anyos, la teknolojia se adelanto tanto; ke esta difisil de alkansar a el ritmo. No se si es solo yo ke me konsiyento ansi, o ke mizmo otra cente se keshan, de las mizmaz simptomas.

Echi tino a siertas kozaz. Ansi ke; me parese ke empesaron a uzar, materyal i mezuras diferentes en laz eskaleras. Pujo la kantidad de los eskalones, i loz izyeron maz altos.

Al tyempo suviya loz eskalones; adoz - adoz. Oy esta defisil de suvir anke uno - uno. I la eskriturya; si echatesh tino, la izyeron mas chika i estan uzando muncho mas poka tinta, no se por ke ma; Para pueder meldar, devemoz de apegar el livro

a la nariz.

Antiyer, para pueder ver los shifros, de la moneda chika ke teniya en la

aldikera; tuve menester de salir a el sol.

Merki una gazetta, enposivle de pueder meldar, la largor de los brasos no me

abasto... Aprovi rogar; de uno ke se asento al lado miyo, ke me ayude en meldando. Ma ande la jenerasion nueva; esta avlando kon una boz tan basha; sintirlos esta enposivle.

Esto provando de arrivar a el merkado ke so auzado; ma ande? El kamino lo izyeron maz largo de lo ke era. I la istasion de el otobus la alesharon de kaza, no abasto esto todo, adjustaron i una suvida para arrivar.

Laz vistimientas si dizes; laz estrechearon, no esto kavyendo ariento. I los kordones de loz kalsados, loz akurtaron. Enposible de tenerlos para atar.

No estan echando tino, a la vanda ke azen la ventana; avyendo la ventana, esta aziendo un koryente muy fuerte. Al pareser ke no estan echando tino; ke el invierno se izo muncho maz yelado, de lo ke era.

En pasadas, tuvimoz un renkontro kon amigos de la eskola. A dyos; el lugar esta yeno de kreaturas. Ma ay ke dizir ke las kreaturas de oy estan muncho maz respektozos. Uno de eyos; me ayudo a abashar de el otobus. Me disho; " tiyo,

keres ke te akompanye asta el lugar ke pensaz a arrivar?"

Arrivi a el lugar de el renkontro. Ke veyo?! Miz amigos estan muncho maz aedados de mi. pasimoz a el bar, tomi una birika. Mi amigo, ke moz asentavamoz lado kon lado en la eskola me miro en kara i demando; "Mi mujer me guadro las kalsas, saveras ande estan? ”.. me apareji a darle repuesta, entonses vino la segunda demanda; " kem sos tu?"...

Orijin de; Philippe Noiret.

Saludozos todos (A kontunear.)

Albert Anah

(A kontunear)