LA FIN DE EL TEATRO LADINO 19
- 19 Oca 2025
- 2 dakikada okunur
Anyada buena i afirmamiento bueno a todos los keridos.
Komo desida, i toma en mano; a eskrivir una piesa la persona?!
En la vida, moz pasa de la kavesa; penserios i fantazias. Durante de la vida; renkontramoz, djente diferente; i a laz vezes, unos ke se komportan, en una manera diferente.
Manera ke no uzamos este komporte semejante. Siertas vezes pensamoz de korijar las personas ke kayen a este yerro. Pensamoz de akodrarles a no komportarsen ansi.
Ma no siempre es posible de krear un kontakto, kon estos tipos.
Unos de nozotros, no pueden akseptar a la situasion kreada. Bushkan kaminos, medios i remedios, para arivar en una manera direkta. O, si no sera posible, toparan un kamino endirekto para responder. Todo esto; para dar una repuesta djusta, una repuesta meresida kontra el komporto torsido.
Uno de los kaminos ke egziste para realizar esto, sigun mi idea ez: utilizar el tiatro. Kon este kamino; el eskrivante pasa su mesaj a los enteresados. Lo aze esto kon suz biervos ma de boka de un artisto.
No es seguro ke, todo lo ke se
dizera en shena; ariva direktamente, a el apuntado. Ma; de boka a boka arivara i topara el oyido konsiderado.
Seguro ke esto es solamente una supozision. Ma; en este es, uno de los kaminos; para alkansar a kriar un djugo teatral.
A las vezes; en parte de el ke prova a meter, un djugo teatral en shena; le kaye un tekst eskrito de parte de un otro. Ansi ke, para pueder realizar lo ke se demanda de un direktor semejante es; entrar ariento la kavesa de el eskrivante. Para meter en shena el djugo; en la manera ke el eskrivante penso, ke deve de ser.
Eskritos i afirmados, en livros de; Salud, vidas buenas, pas i amor, parnasa buena kon todos en djuntos. (A kontunear)
Albert ANAH
LA PRIMERA PYESA ORIGINAL EN LA LINGUA JUDEO ESPANIOL ESKRITA I METIDA EN SHENA 1989
Yorumlar