ADCUSTAR UN ANYO MAZ!

Muy buenos diyas keridos, antes ke todo, devo de regrasiar a todos los keridos, ke se akodran ime felisitan en mi aniversario.

Kon bueno, dezeyo de felisitar a todos los keridos, en los anyos ke vendran kon sanedad i alegrias.

Kuando la persona entra en anyos. I los kuentos; enpesan a tomar dimensiones diferentes en la vida.

Me akodri de una fraza; “Ke tal estas Moshonachi?” La repuesta “En Kulaksiz moro!”. ke keazer tyene esta fraza, kon los anyos?

Entereso grande, por la razon ke lo pasi, yo mizmo.

De aki kinze anyos antes. Komo afita en kada famiya, tuvimos un chiko argumento kon mi kerida espoza. La kesion fue; ke yo la yamo i eya no me responde... i eya reklamava dizyendo; ke me yama, i yo no la sintiya… kurto lo azere; la tomi i la yevi a el doktor. Le konti el estado.

No se por ke razon, me disho el doktor ke; pensa de ekzaminarme ami, antes de eya… sin pensar aksepti. Me asento en la siya kon la espalda a la puerta, i se fue al lado la puerta; i demando una demanda. La verdad dizir, no entendi lo ke me disho. Abolti la kara le dishe; “pardon, no entendi”. Me disho; “te demandi komo te yamas. ”.. Oops, al pareser ke tuve yerro en lo ke rezisti. I despues de este diya yo esto kon dos despositivos en el oyido. Todo tiyempo ke las batarias estan fuertes; no tengo problema de oyir lo ke me dizen.

Saludozos todos. Asta el renkontro ke viene. ( a kontunear)

Albert Anah.

La vida di por el raki

https://www.youtube.com/watch?v=n_0Zv6gBOmM

Bağış/Donation/תרומה

Apretar al boton para ver todos los eskritos