El vezino riko

Un prove fue un día ande su vezino riko a demandar ayudo.

"Mi mujer está hazina," yoró el prove, "mis kriaturas están ambiertas i mi kaza está vazía..." "Toma akí sien shekel i merka medikamentos para tu mujer i komidas para tus kriaturas." disho el vezino riko i le dio las parás.

"Mersí muncho..." agradesió el prove, "ma me eskuze si le demando una koza. Deké su ijo, ke no es riko komo él, me da siempre mas muncho?"

"E," le respondió el vezino riko, "porké mi ijo puede siempre resivir ayudo de su padre, ma yo, mi kerido ermano,.. yo se guérfano!"

Kontado por MOSHE MOSSEK - 2001