Kuento salado

Después de un largo día de rodeos en Suedia, Alberto arivó al otel i demandó del empiegado de resepsión una kamareta por una persona sola.

Kuando el empiegado empesó a inchir los papeles, Alberto miró al derredor i vido

una ija blonda, ermoza de kortar el reflo, asentada en el lobby, sola.

El demandó al empiegado de kedar por minuto de eskrivir i se fue para el lobby.

Después de unos kuantos minutos Alberto tornó a braset kon la ija blonda i disho al empiegado: "No te vas a kreyer! Mi mujer está akí!" i apuntó a la ija ke trusho i disho:

"Al pareser tengo demenester de una kamareta para dos, esta noche."

A la demanyana Alberto fue a la resepsión para pagar el kuento i deskuvrió ke la sifra era de 3,000 dolares. Furiozo, empesó a gritar: "Ke kuento izitesh? Estuvi akí en todo una sola noche!"

"Es verdá" disho el empiegado, "ma tu mujer ya está akí de tres semanas."

Kontado por LILI ATTAR – 2018