Un ombre está djirando en una butika ande venden animals.. Veye un papagayo ermozo.
Le dize el vendedor: "Este es un papagayo spesial. Si le travas la pierna derecha, él avla en inglés. Si le travas la pierna siedra él avla en ebreo!"
Le dize el ombre: "I si le travas las dos piernas?"
Ensupitó responde el papagayo mizmo:"Yo me kaygo, troncho!"
Kontado por LILI ATTAR – 2019
Ke diferensia!
En una shara moravan una leona i una rapoza ke se enkontravan i se avlavan.
La rapoza kedó prenyada i parió sinko chikos.
I la leona kedó prenyada i parió un chiko solo.
Enkontró la rapoza a la leona i le disho, entera orgolyoza: "Yo parí sinko
rapozikas, i tú kuantos parites? Una sola kriatura!"
Le disho leona: " Es verdá! Tú parites sinko rapozas, ma yo parí un león!!"