Al restorante

Al restorante

Dos amigas arivan al restorante.

El restorante está yeno komo un guevo.

En la mas parte de las mezas están asentados kuples.

Una de las amigas kita el selular de la chanta i avla a boz fuerte, mirando los kuples ke están asentados aya.

"Ey, haragana, ke está aziendo en kaza? Yo estó en el restorante...Tú kale ke vengas akí agora presto. Tu marido está asentado akí kon otra mujer."

Sinko maridos salieron korriendo del restotante i dos otros se dezmayaron.

Siete mezas se liberaron.

Kontado por MALKA KALDERON – 2018

Avla el papagayo

Un ombre está djirando en una butika ande venden animals.. Veye un papagayo ermozo.

Le dize el vendedor: "Este es un papagayo spesial. Si le travas la pierna derecha, él avla en inglés. Si le travas la pierna siedra él avla en ebreo!"

Le dize el ombre: "I si le travas las dos piernas?"

Ensupitó responde el papagayo mizmo:"Yo me kaygo, troncho!"

Kontado por LILI ATTAR – 2019