Hanuka (LADINO)
top of page

Hanuka (LADINO)


Este anyo la Fiesta de Hanuka se selebra desde el 13 al 20 de Disiembre, 2017 .

Diferente de la mayoría de las fiestas judías, la origen de Hanuka no esta en la Biblia, sino en los akontesimientos historikos ke vinyeron más tadre. Esta es una fiesta que kontinua ocho días y empesa el día 25 del mes hebreo de Kislev. No hay días completamente santos, y se lavora, el komersyo se avre komo siempre (salvo el Shabat, bien entendido).

Selebramos Hanuka para akodrar y agradeser por los milagros ke el Dio izo para defender al puevlo judío de la opresion del imperio grego (helenista) y restaurar la observansya de las leyes de la Tora . Entre todos los milagros ke akontesyeron, el ke kedo komo símbolo de Hanuka, es el del jarro de alzeyte que solo tenıa la kantidad para ensender la Menora del Templo por una noche, y milagrosamente duro ocho días. Analizando diversos aspectos de este milagro, podemos entender con mayor profundidad lo he signifika Hanuka.

Hanuka marka el akontesimiento historiko que se paso en el período Selusida, en el siglo 2 A.C. Algunos reyes Selusidas (la dinastía ke vino después de Aleksandro el Grande - Büyük Iskender, ke tenía su base en Siria). Los Selusıdas empesaron ovligar a los judíos en la Tierra de Israel a adoptar siertas kostumbres, ke estavan en kontra de las leyes del judaísmo. El mas fuerte dekreto fue kuando el rey Antiochus IV ordeno la instalasyon de una estatua en el Templo Sagrado-Beit Hamikdash en Yerushalayim.

En 167 A. C, los Judíos se revoltaron contra el regimen greco-elleno -selucida. Algunos líderes de la revuelta, los Hashmonaım o Makabeos, eran ijos de Matityahu, el Kohen haGadol. En el 164 A. C., basho el lider Yehudá el Makabeo, la revuelta alkanso su buto kon la liberasion de Yerushalayim , de las reglas estranjeras, incluyendo el Beit Hamikdash. Los evenimientos estan dokumentados en algunas fuentes historikas eskritas verso la fin del siglo 2 A.C, algunas dekadas después de la revuelta. Segun la tradisyon judía, la fiesta de Hanuka fue instituida por Yehudá el Makabeo.

Las festividades tienen una durasyon de ocho días, komemorando las selebrasyones de purifikasyon y dedikasyon al Templo Santo (Bet Hamikdash), y al milagro (nes) ke se aze akodrar kon estas tradisyones. Kuando los Makabeos bushkavan por alzeyte santo para ensender el kandelabro en el Templo, toparon solamente un chıko jarro (pah semen) bıen tapado, ansi ke todavía estava puro. El alzeyte del jarro era sufizyente para un solo día, ma el milagro fue ke el alzeyte pudo mantener flama durante ocho días. En desparte del elemento de heroísmo markado por la fiesta, Hanuka también tiene el tema de las luzes kontra la eskuridad, por lo que Hanuka también se yama la Fiesta de las Luzes.

En los tiempos modernos, Hanuka fue adoptado komo símbolo de la lucha de los Judíos kontra sus enemigos tanto en el punto de vısta religiozo komo nasyonal. Oy en día algunas personas enpatizan el lado religiozo y milagrozo de la fiesta, mientras que otros se sentran en el aspekto de victoria nasyonal. En kualker kavzo, esta es una fiesta yena de alegría y es especialmente favorita para las krıaturas.

Kostumbres de la fiesta

Ensendida de las kandelas (Adlakat nerot) - Durante los ocho días de Hanuka se ensyenden las kandelas en una Hanukiya, un kandelabro kon ocho brasos, y un soporte de kandelas (o la kandela ke ensiende las otras ocho kandelas) y es yamado Shamash. En kada noche de Hanuka una kandela mas es ensendida, empesando kon una en la primera noche, dos en la segunda y así suksesivamente. El shamash siempre ensendido, de esta forma en la praktika dos velas se ensienden en la primera noche, tres en la segunda, etc. La Hanukiya se ekspoza al lado de la ventana o en algun lugar visible, y esta defendido uzar la luz para kualker proposito. Una kurta orasyon es dıcha sovre las luzes de las kandelas, una seremonia donde los ninyos son inkluidos y empesan a kantar las kantikas de Hanuka. La orasyon de Allel es tanbien echa en la fiesta de Hanuka.Dulserıa (sufganiot) y (levivot) son otro Kostumbre de Hanuka es el de komer platos especiales,- un tipo de galleta frita generalmente reyenada

(Sufganiyot)

Sevivon ( este biervo viene de la rais en Ebreo SBB, ke kere dizir ‘’dar buelta’’ y fue inventado por İtamar Ben Avi, el ijo del ke izo arebivir el Ebreo, Elieser Ben Yehuda) - Los ninyos jugan kon esta toka de cuatro lados marcados con las iniciales hebraicas –‘’Nes Gadol Aya Po’’-Milagro Grande Uvo Aki. Algunos Rabinos ven en el Sevivon un simbolizmo ke aze akodrar los cuatro ekzilos de los kualos sufriyo el pueblo Judio : Babilonia, Persia, Gresya y Roma.

También es kostumbre dar a los ninyos algun "Hanukalık", dinero para merkar dulses y juguetes, o algún otro regalo.

Es importante de dizir ke la fiesta de Hanuká no es ordenada por la Tora, y es relativamente menor en perspektiva de la santedad, por lo ke munchos establesimientos komersiales normalmente se avren. Para bivir un poko del espírito de esta fıesta, ay ke gostar de las komidas tradisyonales, particularmente las sufganiot. Si uno se topa en Yerushalayim durante la fiesta de Hanuka, vale la pena dar una buelta entre los kuartıeres ultra-ortodoxos, como el Mea She'arim, para ver syenes de Hanukiyas ensendidas en las ventanas de las kazas.

Fuentes :

Etiketler:

Bizi Takip Edin
  • Facebook Basic Square
  • Twitter Basic Square
  • Google+ Basic Square
bottom of page