[if gte vml 1]><v:shapetype id="_x0000_t75" coordsize="21600,21600" o:spt="75" o:preferrelative="t" path="m@4@5l@4@11@9@11@9@5xe" filled="f" stroked="f"> <v:stroke joinstyle="miter"></v:stroke> <v:formulas> <v:f eqn="if lineDrawn pixelLineWidth 0"></v:f> <v:f eqn="sum @0 1 0"></v:f> <v:f eqn="sum 0 0 @1"></v:f> <v:f eqn="prod @2 1 2"></v:f> <v:f eqn="prod @3 21600 pixelWidth"></v:f> <v:f eqn="prod @3 21600 pixelHeight"></v:f> <v:f eqn="sum @0 0 1"></v:f> <v:f eqn="prod @6 1 2"></v:f> <v:f eqn="prod @7 21600 pixelWidth"></v:f> <v:f eqn="sum @8 21600 0"></v:f> <v:f eqn="prod @7 21600 pixelHeight"></v:f> <v:f eqn="sum @10 21600 0"></v:f> </v:formulas> <v:path o:extrusionok="f" gradientshapeok="t" o:connecttype="rect"></v:path> <o:lock v:ext="edit" aspectratio="t"></o:lock> </v:shapetype><v:shape id="Picture_x0020_2" o:spid="_x0000_i1025" type="#_x0000_t75" alt="Newspaper Headline in the Hebrew Newspapers of the time" style='width:207pt; height:73.5pt;visibility:visible'> <v:imagedata src="file:///C:\Users\Ovi\AppData\Local\Temp\OICE_C602F3E7-B96B-46B1-8BCD-40F49A8A8E25.0\msohtmlclip1\01\clip_image001.png" o:title="Newspaper Headline in the Hebrew Newspapers of the time"></v:imagedata> </v:shape><![endif][if !vml][endif]
EL 29 de NOVIEMBRE 1947
Si los Amerikanos tienen el “Thanksgiving Day” , ke es el dia de la deklarasyon de los Estados Unidos de Amerika, el 29 de Noviembre 1947 es el Thanksgiving Day del puevlo Judio. Porke en este dia historiko honoramos a tantas personas heroikas y payses ke votaron en favor de una resolusyon ke troko dramatikamente la vida fizika, spirituala y politika de kada Judio en nuestra jenerasyon
Esta es la data onde las Nasiones Unidas desidyeron kon grande majoria a la despartisyon del mandato Inglez de la Palestina , entre las dos populasyones habitants del pays: Los Judios y los Arabos.
Esto fue un dia muy allegre para los Judios, después de la katastrofa del Holokosto, kuando miles de Judios de la Europa sobrevivientes bushkavan onde kontinuar sus vida , en liberandosen de las perekusiones y masakros en akeya Europa yamada (kultivada, aklarada, sivilizada (¡) etc. Los ke no pensavan al Sionizmo empesaron a vinir, ken legalmente, ken ilegalmente a ajuntarsen a akeyos pionieros ke desde el final desl siglo 19 empesaron a vinir y bivir en kultivando akeyas tierras dizyertas desde syenes de anyos.
La venida de masas Judias y sus superioridad sosyala, ekonomika, kulturala ansi ke la renovasyon de los sentimientos Judios para una ekzistensia Judia independiente en Palestina, -La tierra de Israel- para los Judios, y sus opozisyon al mandato Britaniko ke limitava la imigrasyon de los sobrevivientes de la Shoa, esperto el selo de los Arabos lokales ke poko antes vendiyan sus tierras a los Judios de Europa kon buenos presios.
Siempre uvo Judios sefaradís en Yerushalayim, Safed, Tiberya, Hevron, ma eran minoritarios. Basho el Imperio Ottomano los Arabos no se sentían amenazados por una ekzistesia Judia inferior a las suyas. En primero, en los kavos anyos de la prezensia Ottomana, los Judios ayudaron a los Inglezes (Nili) para meter fin a la dominasyon Ottomana de 400 anyos. La deklarasyon Balfour de 1917 fue una promesa de la Ingletierra ke en Palestina aksepta ke los Judios arriben a un estado independiente.
Ma después , kon la dominasyon Ingleza en Palestina, ke siempre prefero (divisar para dominar), y no kavzar la ravya de los Arabos –en los kualos teniya grandes interesos ekonomikos-, empeso la polarizasyon de las 2 komunidades ansi kefueron formadas organizasyones klandestinas Judias komo la Hagana, Irgun Tzvai Leumi (Etsel), Lohamei Herut Israel (Lehi) etc. para defender y para la independencia. El massakro de la komunidad Judia de Hevron en Augusto 1929 (67 muertos) no izyeron ke aprofundir la polarizasyon entre los Arabos y Judios.
El plan de partisyon de las Nasyones Unidas para Palestina fue una propozisyon he rekomendo la partisyon obligatoria al final del Mandato Britaniko . El 29 de
[if gte vml 1]><v:shapetype id="_x0000_t75" coordsize="21600,21600" o:spt="75" o:preferrelative="t" path="m@4@5l@4@11@9@11@9@5xe" filled="f" stroked="f"> <v:stroke joinstyle="miter"></v:stroke> <v:formulas> <v:f eqn="if lineDrawn pixelLineWidth 0"></v:f> <v:f eqn="sum @0 1 0"></v:f> <v:f eqn="sum 0 0 @1"></v:f> <v:f eqn="prod @2 1 2"></v:f> <v:f eqn="prod @3 21600 pixelWidth"></v:f> <v:f eqn="prod @3 21600 pixelHeight"></v:f> <v:f eqn="sum @0 0 1"></v:f> <v:f eqn="prod @6 1 2"></v:f> <v:f eqn="prod @7 21600 pixelWidth"></v:f> <v:f eqn="sum @8 21600 0"></v:f> <v:f eqn="prod @7 21600 pixelHeight"></v:f> <v:f eqn="sum @10 21600 0"></v:f> </v:formulas> <v:path o:extrusionok="f" gradientshapeok="t" o:connecttype="rect"></v:path> <o:lock v:ext="edit" aspectratio="t"></o:lock> </v:shapetype><v:shape id="Picture_x0020_1" o:spid="_x0000_i1025" type="#_x0000_t75" alt="https://upload.wikimedia.org/wikipedia/commons/thumb/b/bd/UN_Palestine_Partition_Versions_1947.jpg/640px-UN_Palestine_Partition_Versions_1947.jpg" style='width:167.25pt;height:348.75pt;visibility:visible'> <v:imagedata src="file:///C:\Users\Ovi\AppData\Local\Temp\msohtmlclip1\01\clip_image001.jpg" o:title="640px-UN_Palestine_Partition_Versions_1947"></v:imagedata> </v:shape><![endif][if !vml][endif]
La resolusyon rekomendava la kreasyon de dos estados independientes: Judio y Arabo, y un rejimen internasyonal spesial para la sivdad de Yeushalayim. El plan de Partisyon es un dokumento de 4 partes juntado a la resolusyon.
La retirava de la armada Britanika asta el 1 Augusto 1948 y los dos estados serian proklamados asta el 1Oktubre 1948. El plan aborda los objektivos del konflikto entre el nasyonalismo Palestino y el nasyonalismo Judio o Sionizmo. Tanbien ekzije una unión ekonomika entre los dos estados y la proteksion de los derechos relijiozos de las minoridades (Kristyanos, Druzes, Cherkezes, etc.)
Malgrado sus limitasyones, el plan fue akseptado por la Agensia Judia para la Palestina, y fiestado paor los Judios kon grande alegría y esperansa. Los lideres de los governos Arabes lo refuzaron i se oppozaron a kualkier forma de división territoriala, argumentando ke según laos principios de la ONU las personas tienen derecho a desidir ke será sus proprio destino.
Imediatamente después la adopsion de la resolusyon por la Asamblea Jenerala empeso una gerra sivil entre las Judios y Arabos, y el plano no fue implementado.
La resolusion de las Nasyones del 29 Novembre 1947, ke fue resivida kon tante alegría por los Judios y kontinua ser komemorada komo un dezvelopamiento muy importante para la kreasyon del estado de Israel el 15 de mayo 1948 ( Hey beIyar ) fue akseptada kon 33 votos en favor, 13 kontra y 10 abstensiones.