Olas Judyas: Una Publikasyon Vieja Por Judyos Mansevos



Deskuvri la publikasyon Jewish Currents (Olas Judyas) kaji dos anyos antes por modo de Twitter. No sabia en akel momento ke seria la parte kon mas esperanza del medya judía, no solo en la Amerika, ma en todo el mundo en mi opinyon. Kero prezenterla al publiko del Itahdut porke haberes de Olas probablemente no alkanzaron a la grande parte de judíos turkanos, en Israel o Turkiya, i especialmente a viejos ke meldan los eskritos en Ladino.


Olas fue fundada en 1946 - los autores i direktores de akel diya eran komunistas. Durante su vida larga, se kambiyo i se konvirtio a una publikasyon generalmente de la tradisyon rica de los djudios sedristos: figuras komo Emma Goldman o Avram Benaroya, i munchos otros entre i desde eyos.

Institusyones de komunitas judyas en jeneral oy son, desafortunadamente, konservadores kon un k minuskulo. Estan akuerdos o silensiyos sovre politikas del gobierno de Israel, silenciyos o ekskluyentes sovre temas de jenero o “queerness,” i usualmente no aktan en solidaridad kon otros grupos minoritarios en munchos kasos. Ma Olas toma una direksiyon diferente, especialmente desde 2018 – es una publikasyon disente, aktivista, i realmente radikal. Todo están posivle porke los editores i eskritores de Olas son mas mansevos de lideres de otras institusyones komunales.

Un artikolo de interés particular por mozotros es una konversasyon entre Prof. Devin Naar, uno de los muestros ke estudia la historia de muestros antepasados en Salonik i la Amerika, i la jefe de Olas, Arielle Angel, ke tenga avuelos de Salonik también. En 2019, Naar eskrivo un artikolo largo i muy animando sovre la relasyon entre mozotros, los sefaradim, i la supremesiya blanka. Ma la dialoga reciente fue diferente: es mas personal, sin munchas responsas i kon munchos mas demandas. Es emosyonel i profundamente melankolik aun Naar ajusta esperanza. Es muy korto i todavía tokan temas distintas komo el Olokosto i la vida de Ladino.

El kestiyon sentrala es muestra identidad, principalmente en la Amerika, i komo egzistaremos komo sefaradim, no solo judíos. Las institusyones judías Amerikanas son majoritamente de los Ashkenazim, los representasyones de judíos i el imajen de judyo en el tino de los amerikanos goyim es Lehli. La kestiyon de kontinuasyon es mas problematika por los Saloniklis porke su komunita fue destruida en el Olokosto.

No tengo mas responsas ke Naar o Angel ma kero agradeserlos por meter esta koza en una publikasyon djudia komo Olas. Diskursos komo eso forma muestra eksperiensiya komo sefaradim. Mi artikolo es una invitasyon por los keridos lektores del Itahdut a pensar de las demandas de Naar i Angel i engajer kon otros temas duras ke están diskutidas en Olas kada dia.

Bizi Takip Edin
  • Facebook Basic Square
  • Twitter Basic Square
  • Google+ Basic Square
İLETİŞİM/ליצירת קשר
ADRES/כתובת 
İletişim ve faaliyetler hakkında bilgi almak için

לקבלת מידע אודות פעילויות ההתאחדות

לרישום / אימייל

 

Tel: +972 36582936
Fax: +972 36573894

+972 36582936:טל

   +972 36573894:פקס

turkisrael@gmail.com

  • Facebook Social Icon
  • Instagram Social Icon
  • Google Places Social Icon
  • Twitter Social Icon
  • YouTube Social  Icon