LOS 3 DALKAVOS MEZES DE TRUMP


(Teksto-Odio)

(Yazarı sesli dinlemek için tıklayınız)


El prezidente de los Estados Unidos Donald Trump el 21 Enero 2021 dechara la kaza Blanka al muevo elijido Joe Biden ayedado de 78 anyos. El es el mas ayedado prezidente en la istoria de esta grande potensya mondiala. Los demokratos ke ganaron las eleksyones lo eskojeron para ke dirije el payis solo por 4 anyos i ke sea asistado de la viche prezidente Kamala Harris ija de una famiya de imigrantes. Primera mujer a okupar esto posto en la istoria de los Estados Unidos, ke se deklaro ser simpatizana de la kavza palestiniana.

El partido demokrat i todos los elijidos en deklarando ser amigos de Israel i del djudaizmo en jeneral pretenden ke la kestyon de reglar el konflikto Israelo-Palestiniano deve ser sovre la baza de 2 estados independientes uno al lado del otro. Esta solusyon es kedada de los viejos rejimen amerikanos ke fin oy en dia fue refuza por las 2 partidas. Ni Israel ni los arabos palestinianos no están de akordo a azer konsesyones en sus demandas, lo ke kreye un statuko viejo de anyos. Se remarka en los rangos de los demokratos munchos politisyanos ke no son del todo simpatizanos de la kavza israeliana en los kualos se topan mizmo djudyos amerikanos. Les gusta tratar kon los inimigos palestinianos de Israel en gratifikandolos de retornar a los tiempos antes del rejim Trump en dándoles todo el ayudo material i politiko ke tenían durante Obama.

Entremientes el prezidente Tump i su administrasyon tiene 3 mezes otros para tomar dechizyones ke poden ser de grande importansa en lo ke konserna la situasyon de las relasyones muevas de Israel kon los payizes arabos en general i del komporto de la futura mueva administrasyon amerikana enverso el konflikto israelo-palestiniano. Ademas la kestyon de impedir el Iran de poder fabrikar la bomba atomika esta por las oras en el aver. Demprano de saver si el duo Biden Harris va kerer kontinuar a impozar el ambargo ekonomiko enverso este payis o alecharlo en tornando a los akordos echos en el tiempo de Obama, los kualos ayudaran los mollah a kontinuar sus politikas de inimisdad enverso de Israel i mizmo de la Arabia Seudita i de los payizes del golfo persiko. Un ayre pesimisto se kree en el Medyo Oriente después de estas eleksyones amerikanas. Muy presto para saver si la politika de estos demokratos será la mizma de antes 8 anyos .

Trump durante su kadensya pruvo ke es un amigo sensero de Israel en tomando dechizyones ke ningún prezidente antes de el no kijo tomar. La mas importante fue la rekonosensya de Yerushalayim komo kapitala unifiada de Israel. Sus kolaboratores avyeron el kamino de pas entre los payizes Arabos i Afrikanos, entidades muzulmanas a rekonoser Israel i dezvelopar relasyones de pas kon el. Israel kon su teknolojiya, su industriya i mas, dezvelopara, se aspera, un merkado bastante importante ke lo ayudara a dublar su ekonomiya en esta jeografiya.

Biden esperamos kontinuara la mizma amisdad kon Israel porke este payis chiko en superfisia ma grande en su kultura demokratika nesesita el ayudo de los Estados Unidos por tener sistemas de armamiento i de intelijyensa sofistikados . El save ke Israel es el mas grande aliado sinsero ke los Estados Unidos tiene en el mundo, su pueblo roga por el i lo kere ver siempre fuerte, dinamiko i grande de todo punto de vista. No importa si son los demokratos o los republikanos ke dirijan el payis, la politika israeliana fue siempre de no azer diferensia entre estos 2 partidos. Porke savemos ke kuando los governos amerikanos son amistosos komo fue siempre el kavzo dezde 1970, los inimigos de Israel se detienen de atakarlo. Pormo de esto es de grande importansa para Israel de tener relasyones ekselentes kon su uniko aliado ke lo soporta en las Nasyones Unidas, usando de su veto siempre ke es nesesaryo. Un viejo chef del Mossad avia dicho 15 anyos antes Israel deve de tener 4 pilares ke son muy importantes para su defensya, a saver: Tsahal, la armada la mas avansada del Medyo Oriente; la kapachita de poder fabrikar armas atomikas; la aliansa stratejika kon los Estados Unidos i finalmente tener una superiodidad teknolojika. De muestro tiempo nada de esto troko ke solo la politika interna del payis onde se dezvelopo poko antes una alianza entre Netanyahu i Ganz ke se pensa ke será de kurta durada .

La responsabilita de esta alianza es de mirar de konvenser Trump para ke ayude a establisir en los 3 mezes vinideros faktos muevos ke no se poderan trokar por la mueva administrasyon de Biden. Komo enforteser los establisemientos djudios en Yehuda i Shomron en permetyendo de establir la soverenita de las partidas ke revienen a Israel sovre el muevo plano amerikano. Baldadura del sistem de propaganda palestiniano en las Nasyones Unidas, de apoyar la politika de Israel de poder serar las ofisinas de la UNRWA, de la OCHA en Yerushalayim las kualas lavoran kontra el entereso de Israel i son instrumentos de propaganda de inimista al seno de su kapitala. Demandar de Trump a ke mire grasya a su buena relasyon de kalmar la ardor de Tayyip Erdogan sovre Yerushalayim, i de no impedir la fragua del pipeline del gaz israeliano verso la evropa. De mirar en esta kurta perioda de poder de konvenser otros payizes muzulmanos komo el Nijer, el Maroko, el Oman i la Araba Seudita de rekonoser Israel de yure. Ansi establisir en el Medyo Oriente una ola de pas i de rekonosimiento de uma a uma.

Bizi Takip Edin
  • Facebook Basic Square
  • Twitter Basic Square
  • Google+ Basic Square
İLETİŞİM/ליצירת קשר
ADRES/כתובת 
İletişim ve faaliyetler hakkında bilgi almak için

לקבלת מידע אודות פעילויות ההתאחדות

לרישום / אימייל

 

Tel: +972 36582936
Fax: +972 36573894

+972 36582936:טל

   +972 36573894:פקס

turkisrael@gmail.com

Mohrey Sigariyot 7 Bat Yam - Israel

רחוב מוכרי הסיגריות 7 בתים, ישראל

  • Facebook Social Icon
  • Instagram Social Icon
  • Google Places Social Icon
  • Twitter Social Icon
  • YouTube Social  Icon