KUENTOS MODERNOS DE DJOHA II




LESBYEN

Una ermoza donzea ya se enfansyo de oyir los komplimentos de Djoha. Kada nada nada la yama o le manda un whatsApp para dizirle ke esta enamorado de eya, ke la kere muncho, ke la dezea …

Un dia en un enkontro en la kaye la dita, kon pasensia, después de aver oyido por demuevo sus deklarasyones le dize” Djoha no te kanses yo so lesbyana. Djoha le pregunta “Kualo kere dizir?” La ermoza le responde ”Kere dizir ke me plaze solo las mujeres”. Djoha le reponde “ No te preokupes i yo so lesbyen.”


LUNA DE MIEL

La resepsionista del otel le pregunta a Djoha ke vino a pasar su luna de miel ” Sinyor ke kolor de kamareta de gustara blu o roz?” “ No juga rolo porke va amatar la luz” responde Djoha.


PUJITA

Le dicheron a Djoha ke vino pujita en los presyos de la benzina. Djoha respondyo “No juga rolo yo todo el tiempo merko solo 200 shekeles de benzina!”


ANTOJO

Djoha se merko antojos nuevos i se hue ande sus amigos. Avramachi le pregunto “Ke numero son?”

Djoha le serponde “So acami, ampesi de zero!”


KERENSYA

Merkada “ Djoha presyado, al tiempo kada nada nada me diziyas tekero muncho, ma esto viendo no me dizes mas ke me keres bien.” Djoha le responde “Ya no mos kazimos!”


SINYO ZODIAKO

Djoha eskrivyo una letra al responsavle de los sinyos zodiakos de la gazeta en diziendole “Te rogo en el sinyo de Merkada mi mujer, kada nada, no vaz eskrivyendo -kale merkar regalo-, por ke mos estamos peleyando.”

SELIM SALTI -2021-

Bizi Takip Edin
  • Facebook Basic Square
  • Twitter Basic Square
  • Google+ Basic Square
İLETİŞİM/ליצירת קשר
ADRES/כתובת 
İletişim ve faaliyetler hakkında bilgi almak için

לקבלת מידע אודות פעילויות ההתאחדות

לרישום / אימייל

 

Tel: +972 36582936
Fax: +972 36573894

+972 36582936:טל

   +972 36573894:פקס

turkisrael@gmail.com

  • Facebook Social Icon
  • Instagram Social Icon
  • Google Places Social Icon
  • Twitter Social Icon
  • YouTube Social  Icon