METAMORFOZA (trokamyento) DEL JUDAIZMO


(Teksto-Odio)

(Yazarı sesli dinlemek için tıklayınız)

Abasto un siglo para ke trokamyentos fondementales de komporto se dezvelopen en la uma djudia. Dezde mas de 5000 anyos ke el puevlo djudio desendientes de Avraam egziste. El no bivyo en forma de nasyon independiente ke el un tierso de su egzistensya. El resto fue en forma de galud, servidumbre en las manos de imperios goyim(pagan), kristianos i muzulmanos los kualos miraron de tratar los djudios komo el syerko de la umanidad. Lo mas de estos imperios disparesyeron, ma los djudios sovrebivieron grasyas a sus relijión i a su livro la Tora ke los aunisyo. El antisemitizmo relijiozo, el nasyonalisto i mas después el ekonomiko no ayegaron a forsar a los djudios a trokar sus modos de vidas, sus kreensas i alvidarse del Bet Amigdash i de Yerushalayim, malgrado los pogromes, las deportasyones i finalmente la Shoa en la kuala 6 milyones de djudios evropeos fueron matados .

Los faktores los mas importantes de esta sovrebiviensa son la esperanza del arrivo del Mashiah i la konfiensa en el D. uniko, del kual se aspero su piadad para la salvasyon de su’pueblo eskojido’ de las manos de sus opresores komo la Tora mo lo ambeza en el tiempo de Paro. Ansi el podera tornar a sus tyerras de Kanaan. La djuderia (nasyon-relijyon) fue la unika entidad del Medyo Oriente ke rezistyo a kedar intakta malgrado los Gregos i los Romanos i todos los pueblos evropeos ke miraron mas después, mas de 1500 anyos de impozar sus proprias ideolojias en gerreyando en esta jeografiya .

No fue fasil del todo, durante todos los siglos pasados debasho la dominasyon evropea kristiana i mas después de la muzulmana. Durante este periodo vemos ke munchos djudios enfrente de las sufriyensas, del mal komporto de los despotes i de los diktatores miraron de alecharsen de sus atadijos a la relijion djudia, koza ke kavzo un grande danyo demografiko, visto ke el nombre de djudios en el mundo nunka depaso los 16 milyones, komo el de oy en dia. Ajustare ke mizmo en eskabuyendose de la apartenensya al djudaizmo, esto no ayudo a munchos konversos de ser maltratados i enforkados a sus tornos. La inimista de los kristyanos en jeneral kreyo un antisemizmo ke se ve mizmo en muestro tiempo malgrado la kreasyon del estado de Israel. Mizma reaksyon se ve en los payizes muzulmanos ke durante siglos trataron los djudios de dimnis, puevlo inferior, forsado a bivir en esklavaje.

El puevlo djudyo una ves biviendo en tyerras ajenas transformo sus uzos de kreensya en adoptando muevos atadijos a su relijyon enfrente de la realita del egzilo. La sinagoga remplaso el Templo de Yerushalayim, las orasyones los sakrifisyos i ansina ampeso la epoka rabinika ke perdura fin oy. El egzilo largo de 1800 anyos en partida tomo fin en los dalkavos 200 anyos i aparejo la fondasyon del estado djudio. Fin el empesijo del 19 siglo la praktika de la relijyon en las komunidades djudias era kaji 100 porsiento malgrado ke la revolusyon franseza akordo derechos de sivdanido a los djudyos, sovre los kualos ampesaron a frekuentar universidades, a bivir al seno de las komunidades kristyanas i tener derecho de merkar kazas i tyerras para kultivarlas. Esta meskla malgrado las muevas ideas laikas impozadas por Napoleon en Evropa konkista no fue un faktor de renunsyamento de vista de la relijyon ma aparejo el terreno a un nasyonalizmo judyo ke dura mizmo oy a saver: el sionizmo. Kon las ideas nasyonalistas de Hertzl i de sus disiplos , kon la mueva filosofía del laisizmo dezvelopada en evropa la praktika relijioza peryo de su intensidad a un nivel bastante basho para dechar su lugar al sionizmo ke grasias al kual se fondo Israel. El muvemento sionisto tal ke fue dezvelopado en el Kongreso Sionisto ayudo a ke los djudios ke no se enteresavan mas a la relijyon tornen a sus judaizmo. Esto fue la melizina kontra la asimilasyon ensembrada en las ideas de la demokrtasia evropea ke reprezenta un faktor danjorozo para las komunidades djudias, mizmo oy.

Una de las transformasyones del djuadizmo aktual, es ke en un kurto tiempo Israel supo dezveloparse i embolver milyones de djudios ke vinieron i se establisyeron en su seno. Kon el’ akordo Avraam’ los payizes arabos achetaron finalmente a ke la djudariya torne a sus tyerras istorikas i ke tenga relasyones pasifikas kon su vizindado. Sin duvda en kontra partida Israel payis chiko en superfisia ma bastante importante en teknolojia i defensa los ayudara a defenderse kontra el inimigo amenazante entansyonado de destruyir todos los payizes de la península araba, el Iran.

Ademas unos kuantos diyas antes el Sudan sovre la presyón de Trump i de sus konsejeros después de aver pagado su indamnizasyon a las famiyas del 11 Septembre, fue kitado de la lista de los payizes ke ayudan el terrorismo. Lo ke kere dizir el Sudan payiz afrikano de 43 milyones de abitantes pode azer paz kon Israel. Effektivamente es lo ke se paso, ansi el Sudan es el treser payis musulmano ke rekonosyo de yure a Israel. Parese ke esto, en serka ayudara a otros payizes del mundo arabo a rekonoser a Israel. Bien entendido la kestyon de pas kon los arabos palestinianos esta por las oras en el aver visto ke los dirijentes inimigos de Israel al seno de la administrasyon palestiniana no se están metyendo de akordo entre eyos para poder asentarse a la meza de negosiasyon. Se kerera grande pasensia de la parte israeliana para finalmente achetar un payis muzulmano independiente en Yehuda i Shomron i meterse deakordo para la kreasyon del estado palestiniano ke nunka egzistyo en la istorya umana.

Vos dire en konkluzyon,ke malgrado el dezastro de la shoa, la metamorfoza politisyana de los dalkavos 100 anyos de la uma djudia, ami sensyo deve ser estimada kon muncha atensyon i merese de ser vista komo un mirakolo.

Bizi Takip Edin
  • Facebook Basic Square
  • Twitter Basic Square
  • Google+ Basic Square
İLETİŞİM/ליצירת קשר
ADRES/כתובת 
İletişim ve faaliyetler hakkında bilgi almak için

לקבלת מידע אודות פעילויות ההתאחדות

לרישום / אימייל

 

Tel: +972 36582936
Fax: +972 36573894

+972 36582936:טל

   +972 36573894:פקס

turkisrael@gmail.com

Mohrey Sigariyot 7 Bat Yam - Israel

רחוב מוכרי הסיגריות 7 בתים, ישראל

  • Facebook Social Icon
  • Instagram Social Icon
  • Google Places Social Icon
  • Twitter Social Icon
  • YouTube Social  Icon