Ken Es Djoha

August 18, 2020

 

 

El mas konosido karakter de los kuentos de la tradisyon popular sefardi es Djoha. Los kuentos de Djoha fueron transmetidos oralmente de jenerasyon en jenerasyon.

Nasrettin Hodja bivyo en la sivdad de Akşehir de la Turkiya en el tredjen siglo.

 

Nasrettin Hodja es un personaje muy popular en el mundo Islamiko. Los Sefardis tomaron este personaje de sus vizinos muzulmanes, i lo yamaron Djoha.

 

Djoha es un karakter muy komiko, i en mizmo tiempo muy entelijente. El es un loko entelijente ke tyene el talento de ansenyar en azyendo riyir. Los temas de los kuentos de Djoha son tomados de muestra vida de kada diya; la eskola, la famiya, la kaza, la komida, el echo, el vendedor, el Haham, el Rey, la novya, la mujer, la ley, el mazal, la muerte, la vida, las paras, ets. A la fin de estos kuentos, mos enkontramos kon una repuesta de Djoha ke mos sorprende, ma mos aze riyir en forsandomos a pensar en mezmo tiempo. Djoha se amostra bovo, ma en realidad, kon su entelijensya puntuda, mos amostra la bovedad del ombre ordinaryo.

 

Los kuentos de Djoha son parabolas ke analizan la psikolojiya del ombre. En la semplisidad de estos kuentos, kuando pensamos, topamos su profundidad.

 

Mezmo syendo una persona muy ordinarya, a las vezes, se enkasha en situasyones muy komplikadas. Es en estas situasyones Djoha mos amostra ke todos  tenemos el potansyel de pueder resolver las situasyones las mas komplikadas.

 

Djoha, munchas vezes, se mete en situasyones komplikadas porke kere azer las kozas djusto komo le demandaron de azerlas. Ma, a la fin, se salva de estas situasyones kon su entelijensya. Mos riyimos a sus repuestas puntudas. La buendad i la inosensya de Djoha lo aze muestro favorito karakter en los kuentos populares.

En la tradisyon oral sefardi, tenemos munchas dichas sovre Djoha: ‘A Djoha le kayo el bokado, disho ke es de ojo malo’; ‘A Djoha le disheron amokate, se kito la nariz; ‘Djoha se fue al banyo, tuvo de kontar mil i un anyo’.

 

Grasyas al lavoro de los envestigatores, oy estos kuentos, endjuntos kon los otros elementos del folklor sefaradi, fueron anrejistrados, i esta kultura presyoza no va ser mas olvidada, i va ser transmetida a las futuras jenerasiones.

 

Share on Facebook
Share on Twitter
Please reload

Bizi Takip Edin
  • Facebook Basic Square
  • Twitter Basic Square
  • Google+ Basic Square
İLETİŞİM/ליצירת קשר
ADRES/כתובת 
İletişim ve faaliyetler hakkında bilgi almak için

לקבלת מידע אודות פעילויות ההתאחדות

לרישום / אימייל

 

Tel: +972 36582936
Fax: +972 36573894

+972 36582936:טל

   +972 36573894:פקס

turkisrael@gmail.com

Mohrey Sigariyot 7 Bat Yam - Israel

רחוב מוכרי הסיגריות 7 בתים, ישראל

  • Facebook Social Icon
  • Instagram Social Icon
  • Google Places Social Icon
  • Twitter Social Icon
  • YouTube Social  Icon