SI TENEMOS OBJEKTIVOS POR EL FUTURO, MOS SINTIMOS MAS OROZOS

August 11, 2020

      

 

Pensar bueno por el futuro mos aze sintir alegre. Todos tenemos menester de objektivos ke mos vana motivar, i mos vana dar entuziazmo. Ma, estos objektivos kale ke seygan realistikos. Si keremos alkansar el emposivle, esto mos aze mas muncho stres. Kale eskojer mas realistikos objektivos ke mos vana amostrar direksyon en la vida, i mos vana dar entuziazmo i satisfaksyon kuando los alkansamos.

 

Muestros objektivos kale ke seygan de la forma ke vamos a pueder konvertir muestras valores i esuenyos en realidad. La felisidad no vyene de si para si; kale pensar, azer planos, i establisar  kozas ke son emportantes por mozotros. La investigasyon siyentifika esta amostrando ke lavorar por realizar objektivos ke puedemos alkansar, mos traye una felisidad de diferentes maneras; en primero, en lavorando para realizar muestro objektivo mos da grande plazer, tambien ogmanta muestra konfiyensa i kreyensya por lo ke vamos azer en el futuro.

 

Los objektivos ayudan a fokusar muestra atansyon. En penando para realizarlos, mos sintimos orozos porke tenemos en mano una koza ke keremos alkansar.

Los objektivos son mas reushidos si son kozas ke realmente keremos alkansar, i si son kozas ke mozotros mizmo eskojimos, en lugar de ser kozas ke otros keran ke agamos.

 

Puedemos azer planos ke vana tomar muncho tyempo, o planos ke se vana realizar en poko tyempo. Un objektivo ke toma muncho tyempo puede ser un objektivo profesyonal o vital, por egzemplo, azerse en mediko o obtener una kalifikasyon. Un objetivo ke toma poko tyempo puede ser por egzamplo, organizar una fiesta, o aparejarse al egzamen de direksyon.

 

Los objetivos mas chikos pueden pareser poko emportantes. Ma tener projektos personales ke son emportantes por mozotros, i ke son menajables, ogmantan el buenestado, espesyalmente kuando la famiya esta kontente. I es mijor si puedemos aunar muestros chikos objetivos kon muestras prioridades en la vida.

 

La forma ke establisamos los objektivos enfluensa las aksyones  ke tomamos para realizarlos, el esfuerzo ke azemos, i ke karar de persistente estomos para alkansarlos. Muestros objektivos pueden ser ambisyozos, ma lo ke es emportante es ke se puedan alkansar. Realizar muestros objektivos mos aze sintir mas pozitivos sovre el futuro.

 

La siensya mos esta amostrando ke las personas optimistas biven mas orozas, son saludozas, i se dirijan mijor en los tyempos difisiles. Mezmo si somos de natura mas pesimista, ay kozas ke puedemos azer para adoptar una perspektiva mas optimista, sin pedrer el kontakto kon la realidad.

 

El pesimizmo, a las vezes, puede ayudarmos, komo pensar ke siertas kozas mos puede azer hazinos, ma la investigasyon esta amostrando ke el optimizmo es mijor por nuestra salud i muestra felisidad en jeneral. Los estudyos estan amostrando ke en situasyones difisiles komo ampesar a la universidad, envyejeser, o akordar kon problemas medikos, los optimistos eksperiensan mas manko stres, i alkansan mas muncho buenestado ke los pesimistos.

 

Ma es emportante de tener los pyezes enbasho. Ser demaziya de optimisto puede kavzar rezultados negativos. Ser optimisto no signifika ignorar la parte negativa. Tener ekspektativas elevadas i non realistas, mos puede yevar a la desepsyon, mos puede azer sintir non reushido i mos da una vizyon mas pesimista para el futuro.

 Tener una vizyon realista i yena de esperansa por los rezultados, puede ogmantar la probabilidad de reushita.

 

Agora ke Roshashana esta vinyendo, vamos a meter objektivos realistikos por el anyo muevo. El Grande Puederozo va meter syertos objektivos en muestro korason por una razon buena, i mos vamos a dedikar a realizarlos.

 

Share on Facebook
Share on Twitter
Please reload

Bizi Takip Edin
  • Facebook Basic Square
  • Twitter Basic Square
  • Google+ Basic Square
İLETİŞİM/ליצירת קשר
ADRES/כתובת 
İletişim ve faaliyetler hakkında bilgi almak için

לקבלת מידע אודות פעילויות ההתאחדות

לרישום / אימייל

 

Tel: +972 36582936
Fax: +972 36573894

+972 36582936:טל

   +972 36573894:פקס

turkisrael@gmail.com

Mohrey Sigariyot 7 Bat Yam - Israel

רחוב מוכרי הסיגריות 7 בתים, ישראל

  • Facebook Social Icon
  • Instagram Social Icon
  • Google Places Social Icon
  • Twitter Social Icon
  • YouTube Social  Icon