PRETANSYONES DE NASRALLAH


Kon la disparisyon del sanginaryo kapo de la Guardia Republikana Iraniana el komandante de la brigada El Kuds, Kasem Suleimani i de su amigo irakiano, un otro teroristo, el lider del movimyento El Kataib Hezbollah en Irak, Abu Mahdi al Muhandis, Sayyed Hassan Nasrallah kapo del Hezbollah libanezo, se siente komo el lider del Iran de “ahuera” (movimyento shiito en el Medyo Oriente kontrolado por el Iran) i pretende poder dirijar a partir del Libano todos los konfliktos interarabos del Medyo Oriente i de azer la gerra a Israel.

El kapo del Hezbollah libanezo se afanarse visto el vakum kreado kon la disparisyon de los 2 lideres teroristos shiites i ansi pretende ke la direksyon de las fuersas pro iranianas le reviene malgrado de no ser un militar o tener eksperiensa en este kampo. Sovre todo no toma en kuento ke los Ayetollahes de Teheran nominaron al lugar de Suleimani su sigundo , ma el ajusta en su dalkavo diskorso ke fin a ke este sinyor sera kapachi de dirijar en koordinando las fuersas proksi iranianas del Irak, Siria i Yemen pasara muncho tiempo, dunke no puede ser dechado el kampo libero. El refuza de ser nomado komo la prensa enternasyonal lo apunta proksi del Iran, ansi en su diskorso de 12 Jenayo 2020 una semana despues de la likidasyon de los 2 kapos teroristos, el pretende ser solo amigo del Iran i nada mas. Lo ke sovresale de esta fraza es ke el kerera konrinuar debasho de su komandamiento a kombatir en todos los frontes de la Siria, Irak i Yemen kon sus aliados proksi iranianos sin preokuparse del danyo ke puedera kavzar al Libano. Aktualmente este payis a kavza de una kriza ekonomika grave se topa sin governo i erev de una revolta.

Ma la realita es ke no se save komo Nasrallah de su bunker de Beirut podera dirijar las fuerzas shiitas irakianas amigas del Iran. No kale olvidar ke kon la muerte del Muhandis el movimyento El Kataib Hezbollah se aflako i peryo su influenza en el konflito interno i la gerra kontra las fuerzas armadas amerikanas. No mos olvidaremos ke el Muhandis inimigo de Saddam se avia refujiada en Iran i es el ke avia organizado la gerrila kontra el en el Kuwait. Muhandis estuvo en la kavese del movimyento mas de 20 anyos ke dirijo kon una mano de fierro entonses sin formar un dichiplo.

Ademas en Irak kale tomar en konsiderasyon el lider shiito Hadi el Amiri kapo de la organizasyon Badr. Todo en teniendo una politika diferente de los dirijentes pro iranianos el aze partida del blok iraniano de ahuera i dunke favoravle a ke las fuerzas militar de los Estados Unidos se vaygan del payis.

Nasrallah en su famozo diskorso del 12 Jenayo menasa la Amerika i demanda a ke sus fuerzas salgan desi mizmo del Irak si non, sus miembros seran rapatriados ariento de serkolyos. Enfin, Nasrallah akuza los Kurdos de ser ingratos enverso Suleimani en pretendiendo ke el los salvo del Kalifat islamiko, i ke Barzani titirea por su futuro en la rejion.

Duvda grande es de saver si Nasrallah sera kapachi de poder lograr lo ke pretende. Komo el podera salir de su bunker onde bive dezde munchos anyos sin ver la luz del dia i irse al Irak o a la Siria para kontrolar en el terreno lo ke sepasa. Kreyemos ke Israel kon sus atakos i bonbardamientos sin fin para dereglar la prezensia de las fuerzas iranianas i de sus proksis en la Siria i mizmo en el Irak no lo dechara alkansar a su buto. Ken save si achakito mi ermaniko si Israel no lo atakara mizmo en Beyrut , si se rende kuento de su “lidearship” efektivo. No savemos lo ke pensan los libanezos, ma por siguro ke miraran remedyos afin de impidir a Nasrallah de meterlos en estado de gerra.

Vanitas vanitatum et omnia vanitas(vaziumbre de vaziumbre i todo es vaziumbre ) son las pretansyones de Nasrallah.

Bizi Takip Edin
  • Facebook Basic Square
  • Twitter Basic Square
  • Google+ Basic Square
İLETİŞİM/ליצירת קשר
ADRES/כתובת 
İletişim ve faaliyetler hakkında bilgi almak için

לקבלת מידע אודות פעילויות ההתאחדות

לרישום / אימייל

 

Tel: +972 36582936
Fax: +972 36573894

+972 36582936:טל

   +972 36573894:פקס

turkisrael@gmail.com

Mohrey Sigariyot 7 Bat Yam - Israel

רחוב מוכרי הסיגריות 7 בתים, ישראל

  • Facebook Social Icon
  • Instagram Social Icon
  • Google Places Social Icon
  • Twitter Social Icon
  • YouTube Social  Icon