EL SIGUNDO FESTIVAL DE KULTURA SEFARADI DE IZMIR

Komo se puede dar a konoser una komunidad djudia de menos de mil miembros en una sivdad de mas de 4 milyones de abitantes?

El anyo pasado Izmir mos dio la repuesta kon su primer Festival de Kultura Sefaradi, ke tuvo grande reushita, atirando la grande atension del publiko. ( Podesh ver fotos aki:

https://www.facebook.com/%C4%B0zmir-Sephardic-Culture-Festival-%C4%B0zmir-Sefarad-K%C3%BClt%C3%BCr-Festivali-2024332814525096/ ) En estos dias ya esta para empesar el sigundo dicho Festival, kon un porgram dainda mas riko i enteresante.

Otras sivdades fiestan Dia de Ladino, o Dia Evropeo de Kultura Djudia, ma el Festival de Kultura Sefaradi de Izmir dura munchos dias, kon aktividades i programas de diversos jeneros, en diversas lokalidades de la sivdad. El de oganyo se va inaugurar el 26 desembre 2019, a las 19:00, kon un kokteyl i la aviertura de una ekspozision de fotgrafias de parohot (kortinas brodadas ke se uzan en el ehal) en la vieja (i rekonstruida) kehila (kal) de Foresteros, i despues, a las oras 20:00, en la kehila Sinyora ke es djusto allado, una prezentasion sovre la estorya sefaradi akompanyada de muzika. Los aktos sigyentes van a ser el 27, 28, 29 i 30 desiembre, i el 2 i 3 de djenayo de 2020, en diferentes sinagogas i salones, mezmo uno en una guerta, i va inkluyir konferensias, vijitas a sinagogas, seremonia de Hanuka, una seremonia boda djudia (siguro en el kal Bet Israel), konsertos, i filmos, i - siguro - gastronomia.

El program en turko se puede ver, entre otros, en:

https://www.konak.bel.tr/etkinlikler/etkinlik/izmir-sefarad-kultur-festivali-2019 .

Este es el sitio de la munisipalidad de Izmir. Deke esta el program ayi? Porke la munisipalidad es kolaboradera de la komunidad djudia en organizar este Festival, ke tiene tambien el apoyo de varias asosiasiones i entrepisas de la sivdad, asta una panaderia bien konosida de Alsancak (kartier ande moran la mas parte de los djudios.)

A mi personalmente me da grande orgolio i alegria saver ke entre los filmos ke van amostrar esta uno ande figuro yo: "Arvoles Yoran por Luvias", agora kon el titolo en turko "Ağaclar Yağmur diye Ağlar." Este dokumentario de 32 minutos fue echo en 1988, i se tiene amostrado en munchos festivales de filmos djudios por el mundo, ma es primera vez ke se va prezentar al publiko turko, kon subtitolos en turko - el 30 desembre, a las 19:00 en la kehila Portugal.

Verdad ke kedaron pokos djudios en Izmir, ma la kultura sefaradi ke se establesyo i enfloesyo ayi durante tantos siglos es parte integral del mozaiko de kulturas ke dio el karakter kozmopolito ka dainda simboliza la sivdad i sus abitantes. Los Izmirlis de oy meresen konoser esta parte de sus erensia, asta agora deskonosida. Si el Festival Sefaradi del anyo pasado, kon relativamente poka publisita, atiro munchos asistientes, oganyo no ay duda ke va tener dainda mas muncho sukseso. Komo dizimos "kada anyo mijorado inshallah." La komunidad djudia de Izmir kon su unika istoria i kultura, merese ser konosida por todo el mundo.

Mazalozos son los ke van a poder asistir a las aktividades del Sigundo Festival de Kultura Sefaradi de Izmir. Komo dizia mi mama de bendicha memoria, yo keria azerme un pasharo i bolarme ayi.

2. İzmir Sefarad Kültür Festivali

26 Aralık 2019 –3 Ocak 2020

Çok uzun zamandan beri beklenen ve geçen yıl ilki yapılan İzmir Sefarad Kültür Festivali’nin ikincisi bu yıl tekrar organize ediliyor. Festival, kentin en önemli bileşenlerinden olan, ancak uzun zamandır İzmir kent kültürü sahnesinde göremediğimiz Sefarad kültürünü yaşatıyor ve paylaşıyor. Konak Belediyesi ve İzmir Musevi Cemaati tarafından, düzenlenen , Tarkem, Kentimiz İzmir Derneği , İzmir Sefarad Kültür Mirası Derneği ve Alsancak Dostlar Fırını’nın destekleriyle bu yıl ikinci kez gerçekleştirilen festival geleneksel bir etkinlilk olmaya başlıyor.

İzmir kentinin ve 16. yüzyıldan itibaren, özellikle bugünün Konak ilçe alanının etnik mozaiğinin önemli bir bileşeni olan Sefarad toplumunun hafızasında büyük bir kültür birikimi barınmaktadır.

Sefaradlar Anadolu’ya geldiklerinde sadece kendi kültürlerini getirmemiş, yüzyıllar boyunca Müslüman ve Hiristiyan toplumu ile yan yana, iç içe yaşamanın sonucu olarak bu kültürlerden birçok öğeyi de kucaklamışlardır.

Sonuçta; müziği, mutfağı, gelenekleri ve sanat ve edebiyata yansımaları ile dünyada tek olan, İzmir’e özgü bir “Sefarad Kültürü” ortaya çıkmıştır.

26 Aralık 2019 – 3 Ocak 2020 tarihleri arasında , Tarihi Kemeraltı Çarşısı’nda, bu kültürü İzmir’de tekrar kutluyoruz.

Nesim Bencoya

Festival Direktörü

Bizi Takip Edin
  • Facebook Basic Square
  • Twitter Basic Square
  • Google+ Basic Square
İLETİŞİM/ליצירת קשר
ADRES/כתובת 
İletişim ve faaliyetler hakkında bilgi almak için

לקבלת מידע אודות פעילויות ההתאחדות

לרישום / אימייל

 

Tel: +972 36582936
Fax: +972 36573894

+972 36582936:טל

   +972 36573894:פקס

turkisrael@gmail.com

Mohrey Sigariyot 7 Bat Yam - Israel

רחוב מוכרי הסיגריות 7 בתים, ישראל

  • Facebook Social Icon
  • Instagram Social Icon
  • Google Places Social Icon
  • Twitter Social Icon
  • YouTube Social  Icon