KE PENSAR DE LOS ERMANOS MUZULMANOS


El anyo pasado en mez de Octubre, avia, eskrito keridos lektores, un artikolo entitolado ‘ deke no puede aver paz’ ( kon los arabos palestinianos). La eskrita konserva su aktualidad i para darle mas profondita, de mi persperktiva personal me permeto de analizar el establisimiento de la Kofradia ( confraternity)yamada” Ermanos Muzulmanos”.

Dezde serka de un sieglo ke la Kofradia egziste, muncho se eskrivyo, muncho se avlo sovre este movimiento islamiko establisido en Egipto kon la unika razon de espandir la relijion islamika en el mundo i de apuyar el djihadizmo ande los muzulmanos para mirar kon fuerza a eliminar del mundo a Israel i a los djudios.

El fondador Hassan El-Banna nasido en 1906 en una famiya borgez resivyo una edukasyon pura i dura muzulmana. Arivando en la kapitala, se rendyo kuento kon enkanto del kozmopolizmo del Kairo i es ansi ke desidyo ke para salvar el puevlo arabo kolonizado, el mijor remedyo es i sera de revinir a las reglas puras i duras del islam primero. La aplikasyon de la Charia i inkulkar las valores islamikas en las kavezas del pueblo fue su buto. Dunke una reforma es neseserya al seno de la persona, la famiya, la sosieta i del estado. En forma de serklos el islam sera inflijado, en el futuro , a poko a poko en el mundo entero. Es en la natura del islam de dominar i de no ser dominado, ansi de impozar su ley sovre todas las nasyones i de espandir su poder sovre el planeta entero, eskrivyo El-Banna.

1928 poko despues ke el Kalifa fue eliminado por Ataturk, el fondo en Ismailia la Sosieta de los Ermanos Muzulmanos, la ‘Kofradia’. Una chika remarka es neseserya, kuando se estudya la istorya de la Kofradia porke siempre la realita i la lejenda se mesklan i no se save toda la verdad sovre esta institusion, oy mondiala porke eya es bastante brumoza. Por egzemplo krear una alianza kon sus inimigos ke parese kontra natura, es achetada en la mentalidad de los dirijentes para profitar al maksimum de las sirkonstensias, antes de aboltarsen kontra eyos.

Los dishiplos dizen ke El-Banna en la difuziyon de sus ideas deskrivyo el islam komo no ser konforme a las teorías oksidentales de la laisita i de la espartisyon entre la relijion i el estado. Ademas el deklaro, a la diferensia de las otras religiones el islam es esensyalmente politiko, sosial, ekonomiko, mediatiko, edukativo i mizmo sportivo. Ke el se interesa a todos los aspektos de la sosietad i la regula. Su boz fue sintida i achetada en el empesijo en el mundo islamiko, ma fue ifuzidad kon el tiempo a mas de 70 payizes a traverso el planeta. Este dezvelopamiento fue muy rapido, koza ke el no asperava. El-Banna keriya ke su movimiento fuera un movimiento de massa, ma lento, ke embolviera a todos los musulmanos de diferentes tendensias liberales,konservatrisas,revolusyonaryas , djente viniendo de la siedra komo de la derecha, basta ke se konformara a la letra a las reglas de la moral del islamizmo .

Durante la sigunda gerra mondiala vemos por la primera ves un organizmo klandestino yamado “el aparey sekreto”una milisia djihadista formada por la Kofradia ke dainda esta biva sovre el nombre de “djihad islamiko”. Al prensipyo eya era finansada por el rejimen nazista dunke debasho la influensa de la propaganda antisemita ke kontinua oy en dia. La Arabia Seudita tomo el lugar de los almanes despues de 1948 i no lo solto mas. No solo el fashizmo ma mas despues el komunizmo tuvo una grande influenza sovre los Ermanos Muzulmanos. La struktura de la institusyon es kopyada en sima de la de los partidos fashistos. El paramilitarizmo evropeo fue adaptado tal i kual. El slogan “Aksyon,ovedesimyento i silensyo “de los Ermanos es una adaptasyon de lo ke dizian los fashistos italianos “Kreer,ovedeser i lutchar” . El-Banna fue matado en Ejipto ma su idea kedo i es dicha para dar a entender el slogan del movimiento.: D. es muestro buto, el profeta muestro shef, el Koran muestra konstitusyon, el djihad muestro kamino, i el martiryo muestra mas grande esperansa.”

Pratikamente no egzistiya antes 1930 ansemitizmo en la jeografia araba, el fue introduizido por los nazistas el kual se dezvelopo kon el tiempo sovre todo durante los anyos onde el Mufti de Yerushalayim kontrolava la kaye araba en el Medyo Oriente. Su buto era de matar los 500000 djudios biviendo en akea epoka en el Yishuv. El fue muy aktivo al seno de los Ermanos i desho komo erensia la idea ke la tierra del islam nunka sera okupada eternalmente por Israel. El devra ser rempalasado por un estado Palestiniano, dirijido por los arabos los kualos se apatronaran por de muevo de la tierra ke les fue tomada kon fuerza, komo fue el kavzo de los kruseros los kualos okuparon Yerushalayim ma fueron a la fin echados a la mar. No juga rolo si esto tomo un sieglo i mas , ni los Fransezes ni los Inglezes no pudieron mantenersen de largo en tierra araba, por esto no ay razon porke la entitad sionista puedra okupar la Palestina de largo. Si mizmo esto sera el kavzo la uma muzulmana kompozada de milyarda de djente puedera asperar todo el tiempo neseserio fin ke sera posivle de konkestaria .

El-Banna fue rempalasado por Sayyid Kutb, el kual durante anyos enkaveso la Kofradia , grande erudito, el fue el doktrinaryo i el dezvelopador de le filosofía antisemita de oy en dia en el mundo arabo. El fue enforkado por Nasser ma sus ideas fueron siguidas por munchos i espesialmente por los dirijentes del Hamas. Humeyni en los anyos 70 del sieglo pasado kopyo enteramente las ideas del djihadizmo de Kutb i las apliko en arivando en Iran. Una de las razones de la inimista de los dirijentes iranianos verso Israel, se puede aklarar ansi.

No ay duvda ke la identita terorista de el Kaida fue establisida i ayudada por los Ermanos, malgrado ke la idea djigatista en final no es mas muy popular en la istitusyon. Los dirijentes aktual de la Kofradia keren konkistar el mundo en avansando a poko, a establisirse kon el tiempo en los payizes arabos despues en los payizes musulmanos i a la fin en el mundo oksidental, ma lo mas importante es de pueder eliminar Israel. Es por modo de esta utopia ke sera muy difisil para Israel aktualmente i en los anyos vinideros a alkansar a una paz djusta. Por lo mas puede ser a un armistisyo todo el tiempo ke Israel sera fuerte militarmente i ekonomikamente.

Bizi Takip Edin
  • Facebook Basic Square
  • Twitter Basic Square
  • Google+ Basic Square
İLETİŞİM/ליצירת קשר
ADRES/כתובת 
İletişim ve faaliyetler hakkında bilgi almak için

לקבלת מידע אודות פעילויות ההתאחדות

לרישום / אימייל

 

Tel: +972 36582936
Fax: +972 36573894

+972 36582936:טל

   +972 36573894:פקס

turkisrael@gmail.com

Mohrey Sigariyot 7 Bat Yam - Israel

רחוב מוכרי הסיגריות 7 בתים, ישראל

  • Facebook Social Icon
  • Instagram Social Icon
  • Google Places Social Icon
  • Twitter Social Icon
  • YouTube Social  Icon