TURKIA I SU ANTISEMITIZMO


Es verdad ke en Turkia uvo i egziste un antisemitizmo importante ke perdura mas de un siglo. Verso la fin de la egzistensya del Imperio Otomano fin a oy en dia el dezvelopamiento del movimiento nasyonalisto i de sus ideales de pureza krearon un antisemitizmo ke no esta para despareser i ke se enrezyo kon el establisimiento de la republika Turka. Es regretable ke en este payis onde bivieron mas de ochenta mil djudios al prensipyo del sieklo pasado los kualos se amenguaron durante los noventa i sinko anyos de la egzistensia de la republika para ser oy solo no mas de menos de dodje mil. Si el antisemitizmo kontinua a dezveloparse komo lo vemos oy en dia, los responsables de esta komunidad elitista del Medyo Oriente sintiendosen abandonados por el governo de Tayyip Erdogan en manos de una minoría rasista inimiga de Israel ke perkura a traverso sus medyos de propaganda a krear una inimista danjeroza kontra el djudaizmo turko i akuza Israel de ser un payiz asasino, sovretodo finansada en parte por organizasyones palestinianas i kon el apoyo sea de la politika siedra komo la de derecha del payis , pensan ke no kedara mas de sinko mil djudios verso la fin de 2030.

Dezde de la sigunda meta del sieklo 19 se ve un antisemitizmo progresivo achakes de la influenza Evropea. Ma si estudiamos en detalyo los sujetos i los argumentos antisemitos dezvelopados en Turkia mos rendemos kuento ke malgrado ke son diversos i ke el tiempo kambya eyos kedan siempre los mizmos. Del punto de vista de su pasado ,su konsepsyon vemos en prinsipyo el mizmo antisemitizmo kon la mizma retorika. Si mizmo el jurnal, el eskrivano, la ideolojia del teksto es diferente, la palavra antisemita keda la mizma . Bien entendido las motivasyones i los achakes se renovelan kada ves para pueder dar al antisemitizmo un ayre aktual, en kreando una yaga profonda en el tino del ke la melda o la oye.i lo mas importante de azer despareser la konfiensa sovre los djudios. En un payis onde publikamente el antisemitismo al lugar de ser kondanado es rekompensado ,los djudios no se sienten en pas i sus prezensias deranjan la mayoriya de los sivdadinos de klasas bashas ke mizmo no kononsiendo en sus vidas ni un djudio no keren ke eyos bivan en sus tierras. Dezde 1930 sovre la influenza del nazizmo los pogromes de la Trakya de 1934 no son kozas ke se olvidaran. La politika de los governos suksesivos de laTurkia siempre fue de aplikar leyes kontra las minoritades i el diskorso antisemita ke rezulto fue la kavza ke los djudios se egziliaron del payis malgado ke bivieron kinyentos anyos en kreando una kultura eksepsyonala . Es triste de alesharse del payis onde nases ma kualo azer kuando la mayoriya de los turkos se alegran de esta salida!!. No se renden kuento ke la prezervasyon de las kulturas es una rikeza sin igual , la umanidad del judaizmo es unika i peryerla será regretavle para las jenerasyones futuras de Turkia..

De mi punto de vista personal digo, ke sin muy tadrar la otoridad turka en pueder deve tomar mezuras kontra el antisemitizmo, komo es el kavzo spesialmente en los payizes evropeos i amerikanos en establisiendo leyes kontra el . Komo personas aklaradas, la intelijensia turka i los akademikos devran intervenir a este sujeto i konsejar a los dirijentes ke se keren konsiderarse demokratikos, ke deven sin peryer un segondo de mirar de edukar a las jenerasyones futuras porke kon la dotrina justa ke se ensenyera se dara a entender kualo es el antisemitizmo i sus grandes danyos. En ambezando, las jenerasyones vinideras entienderan la verguensa ke la Turkia komete dezde 100 anyos.

La Fundasyon Hrank Dink en pasadas publiko en su raporto sovre el ‘aborresimyento en los modos mediatiko’ ke los djudios estan en primer lugar. La politika del governo turko spesialmente kontra Israel mos da el pulso el mas alto del antisemitizmo. Todo modo de mintira dicha por boz ofisial tiene su rolo ke aze pujar el antisemitizmo sovre los djudios de Turkia. Mizmo los ke se topan en la opozisyon turka emplean el mizmo diskorso antisemita i esto prova ke la diversitad de opiniones no jugan un rolo sovre la palabra antisemita, ke en jeneral es la mizma. Kuando se formula kual ker sujeto politiko en las nuvelas,. es de kostumbre de atarlo al judaizmo i parese ,akuzar los djudios es muy justo. Los jurnalistas ke keren pujar sus lektores, los jurnales ke keren pujar sus vendidas, los politikos ke miran de ser populares i ser aplodidos por el publiko empleyan el antisemitizmo komo enstrumento dia por dia. Bien entendido ay eksepsyones ma son raras.

El solo remedyo lo repeto es de azer presyon sovre la intelijensia turka al nivel mondial, porke eyos me parese lo ke entienden es solo del sonete del ’ palo’.

Bizi Takip Edin
  • Facebook Basic Square
  • Twitter Basic Square
  • Google+ Basic Square
İLETİŞİM/ליצירת קשר
ADRES/כתובת 
İletişim ve faaliyetler hakkında bilgi almak için

לקבלת מידע אודות פעילויות ההתאחדות

לרישום / אימייל

 

Tel: +972 36582936
Fax: +972 36573894

+972 36582936:טל

   +972 36573894:פקס

turkisrael@gmail.com

Mohrey Sigariyot 7 Bat Yam - Israel

רחוב מוכרי הסיגריות 7 בתים, ישראל

  • Facebook Social Icon
  • Instagram Social Icon
  • Google Places Social Icon
  • Twitter Social Icon
  • YouTube Social  Icon