HAMAS, NI SIN EL NI KON EL.

July 11, 2018

 

La organizasyon ke dirija la banda de Gazza, fondada sovre la influenza de los prensipyos de la filosofía de ‘Los Ermanos Musulmanos’ donde Tayyip Erdogan el turko es dishiplo, el Hamas, en su Deklarasyon de establisimiento ke fue formulada por Ahmed Yassin en 1988 frankamente deskrive la egistensia del estado djudyo  komo un blasfemo al Islam.  La Palestina es tierra musulmana, Dar Al Islam (La kaza del Islam) i deve ser rekonkistada . El buto de Hamas es de fruagar un Kalifato en el Medyo Oriente, por esto no le importa las frontieras entre los payises de esta rejyon, i espesialmente la linya de defensia de fakto ke fue echa por Israel.  La rekonkista de la Palestina  será echa en el momento  aportuno por el’ cihad ’(djihad) de la uma(nasyon) musulmana.  Mizmo si esto tomara muncho tiempo no importa. Esto es unas de la las razones ke fin oy en dia malgado todas las konsesiones teritorialas  echas a la Otoridad Palestina durante Arafat i mismo  a Abu Mazen no dieron resultado.

 

Hamas ve Israel komo un kolonialisto ke se deve de derrokar.  100 anyos pasaron dizde la primera imigrasyon djudia en tierra santa, los fondamantalistos musulmanos no trokaron de una yota de sus maneras de pensar i de azer orasyones maldichas i  ogurar a ke los djudios sean eliminados del mundo.. Eyos pensan ke el faktor tiempo esta en sus favor i ke  los ayudara a destruyir Israel kual kere ke sea el modo.  Esto es no tomar en konsiderasyon ke destruyir Israel oy en dia es kaji imposible i sus eshuenyos makabres nunka se realizaran. Este chiko payis  tiene una armada imbatible, la istoria serkana lo  mostra.

 

Demografikamente eya tiene la mas grande povlasyon djudia del mundo i se pensa ke verso la fin de 2025  el payis va tener mas de 8 milyones de djudios israelis donde el 90 porsiento será sabra. Ademas Israel es fuerte ekonomikamente , industrialmente i teknolojikamente; es i será siempre a la punta del progresso.  De mi punta de vista digo el tiempo esta en favor del estado djudio i non de los arabos. Los del Hamas komo los del Fatah se yerran de no achetar la egiztensia de Israel komo estado djudio i la   endivisible Yerushalayim  komo su kapitala.  Los arabos palestinianos dezde 1947 refuzaron fin a oy en dia 5 vezes de azer pas kon Israel i de bivir enjuntos en 2 payizes  separados i independientes. Kada anyo ke pasa los payizes arabos del dorredor ke achetan Israel de fakto están mas nombrozos, mismo la Arabia Saudita payis ke refuzo todo el tiempo su egzistensia, vista la grande inimista del Iran i de los grupos alauites en el Yemen ke les da dolor de kavesa en este momento, esta en negosyasiones politikas kon Israel.. 

 

Estos dos ultimos meses, komo es de uzo, los arabaos de Gaza  atakaron Israel kon roketas, i enjenyaron maneras  para  enfasyar  a los abitantes del sud del payis , non teniendo dingun skrupulo de mandar a la primera linya del konflikto mujeres i kreaturas para  ke sean matadas por los soldados israelianos ke defenden la entrada al payis de inimigos onde el buto es de matar i azer grandes danyos materiales.  Los dirijantes aktuales de Gaza saven muy bien ke si no pueden kon fortaleza atakar porke la replika es mas fuerte,  miran de ganar siempre por los manaderos sosiales, kreando una inimista a traverso la opinyon mondiala enverso Israel. Penso ke esto es el dalkavo punto flako de la defensia de Israel. Los Israelyanos no keren ser akuzados de matar siviles. Se esvanesen a dizir la realita i el buto de la partida adversa, sin sukseso, sovre todo imposible de konvenser la media oksidentala por lo mas antisemita .   Israel kon los anyos  ampeso a tener una mala fama i esto justifika en la opinyon mondyala ke los arabos palestinianos son los ‘martirizados’, ke nesesitan proteksyon.

 

Ansina vemos en  las dalkavos diskusyones filozofikas de los dirijentes israelianos i de los akademikos  bushkar remedyos i  tomar desizyones afin de  atakanar esta situasyon  difisil en la kuala mos topamos.  Egziste puntos de vistas kontradiktoryos i se puede dizir, dos frontes. El uno propoza de dechar Hamas en su lugar, ma de kontrolarlo i el otro de destruyirlo en okupando la banda de Gaza por de muevo.  Los argumentos de las partidas son nombrozos i personalmente digo devemos muy bien estudiar las konsekuensas de las ideas de las dos partidas para no kayer en yerro una otra ves komo fue en el pasado.  Begin si vos akodrash en las diskusiyones de pas kon Sadat propozo a ke la banda de Gaza aga partida del Ejipto , koza ke le fue refuzada kategorikamente por los ejipsyanos . Ni  Los Estados Unidos ni la intelijiensa israeliana del akel tiempo se duvdaron de lo ke puedia akonteser en este lugar.

 

Dunke oy Israel esta pagando el presyo de no eskabuyirse de este territoryo. Fin a kuando devemos abokar kavesa a las echas krualas de los abitantes ekstremistos de Gaza?  A resivir mabules de roketas,i mismo  filandras trayendo bombas de fuego ke keman muestros kampos de kultura.  Se pretende ke la dimensyon de medyo Tel Aviv ya se kemo fin  agora en el sud de Israel vizino a Gaza.  

 

 El fronte ke kere ke el Hamas keda en pueder dize ke es kon eya ke se puede negosiar solo, porke si los otros teroristos komo el Jihad o ISIS toman el pueder, esto provokara mas danyo a Israel. El Hamas todo en siendo una organizasyon terrorista non rekonosida i no ayudada, aparte de la Turkiya i el Iran , kontrola el lugar i komo no es enteresada a kolaborar kon la Administrasyon Palestinyana de  Ramallah  nunka se puedera avlar de una Palestina araba unida independiente . Ademas Hamas esta en estrecha situasyon adriento de la banda, porke debasho de un ambargo maritimo i terreste , la deskontentes de los sitadinos puja kada dia i por esto a lo mas tadre en pokos tiempos avinir mizmo indirektamente Hamas va achetar a negosiar un armistrisyo ke durara kon Israel kon la partisipasyon del Ejipto komo garante.

El fronte ke dezeya destruyir el Hamas, pretende ke si las otras organizasyones mas ekstremistas puederan tomar el poder en Gaza Israel tendra la okazion de deklarar una guerra jeneral a kavza de este trokamiento, sin preokuparse de la opinyon mondiala. Ademas se repeta: ‘kuanto tiempo mas devemos sufrir de las echas de Hamas a Israel,  ya vino el tiempo de neutralizarlo , nesesitamos mas aksyon i manko reaksyon. No se kere mas reserva i dar a los asaltos respuestas livianas komo se esta aziendo aktualmente. Vino el tiempo ke Israel tenga repozo en el sud i en los teritorios de Yehuda i Shomron.

 

A vozos de juzgar keridos lektores...

Share on Facebook
Share on Twitter
Please reload

Bizi Takip Edin
  • Facebook Basic Square
  • Twitter Basic Square
  • Google+ Basic Square
İLETİŞİM/ליצירת קשר
ADRES/כתובת 
İletişim ve faaliyetler hakkında bilgi almak için

לקבלת מידע אודות פעילויות ההתאחדות

לרישום / אימייל

 

Tel: +972 36582936
Fax: +972 36573894

+972 36582936:טל

   +972 36573894:פקס

turkisrael@gmail.com

Mohrey Sigariyot 7 Bat Yam - Israel

רחוב מוכרי הסיגריות 7 בתים, ישראל

  • Facebook Social Icon
  • Instagram Social Icon
  • Google Places Social Icon
  • Twitter Social Icon
  • YouTube Social  Icon