EN SERKA, EL DIA DE KOMEMORASION DE LA 'NAKBA'

May 2, 2018

 

En el 15 de Mayo vinidero,  dia ke  espesialmente los arabos de Gaza komemoran kada anyo dezde 70 anyos ,  la fondasyon de Israel, dia ke para la ideolojia de Los Ermanos Musulmanos  en pueder en esta banda de tierra, es el empesijo de la katastrofa del puevlo arabo, ke la yaman 'Nakba'. Este rejimen  diktatoryal kreado por el movimiento terroristo Hamas, en konflikto kon la Autoridad Palestiniana, viendo la piedrita  del intereso kreado por la kavza palestinyana en el mundo,  sus dirigentes radikales demandaron antes una semana de su puevlo de atakar dia i noche sin arrestarse la barriera de  tel ke representa la frontiera de Israel, fin' ayegar a la data del 15 de Mayo. El motivo es siempre el mizmo. Enfuerteser el sentimiento de inimistad kontra Israel en el mundo, mirar de azerle la guerra en la media internasional i de pujar el antisemitizmo . Eyos pretenden el derecho de retornar a las tierras rovadas por los djudios.  La doktrina dize : ‘A  los djudios  kale echarlos a la mar o matarlos porke  okupan  tierra musulmana’. Nunka avra paz entre los arabos i los israelianos porke  el konsepto es kontra la natura del Izlam.

 

  Semanas ke los dirijentes del Hamas  enkorajan kon sus pretansyones pasifistas – lo ke no es verda-a atakar la frontiera para mirar de entrar en Israel, en la tierra pretendida apartenerles  i ke ademas es dover de kada musulmano de meterse la alma en la palma i  arizkarse para la rekonkista de la tierra musulmana.  Murir en luchando es un sakrifisyos echo para el  ‘djihad’ akto gloriozo de una muerte suetada.  Prensipio kontrario del judaizmo ke ordona a sus kreentes de salvaguadrar la vida umana konsiderada sakra.   Se pretende ke uvo mas de 50 muertos i miles de firidos de la parte palestiniana fin oy en dia. Pekado  de esta djente donde la inyoransia i el endoktrinamiento  echo por los Ermanos Musulmanos, en piedrita de influensia en  Ejipto, ma enkorajado por la Turkia de Erdogan  pudia ser oroza i prospera, si biviyan en paz kon Israel i Ejipto .

 

  Los inimigos  de Israel sovre todo en el oksidente,  no son otros ke los de  la siedra  o la derecha  radikalistas, ke se adjuntan sin enkontrarsen en la inimistad por Israel.  No mankaron i no mankaran nunka de dizir ke los Israelianos atakan i matan arabos, kuando son eyos ke son los agresores.  El antisemitizmo puja kada dia i el antiisraelizmo es un buen alibi para los politikos, eskrivanos i akademisyenes inimigos de la nasion djudia, de demonstrar ke la egzistensia de Israel   es el mal prinsipal de los konfliktos en el Medio Oriente i de ke no del mundo!!  Se atakan al siyonizmo ke para eyos  representa el perikolo del despotizmo ekonomiko en el mundo. Difonden ideas malas i falsas para ke el antisemitizmo sea siempre bivo i ke sea uzado por los diktatores para sus fines personalas.  Kuando en una parte del mundo la ekonomia o la politika del lugar no esta buena, es el djudio ke se mostra del dedo i el es el kavzante de todos los males. 

 

Kualo se deve azer al nivel de Israel , en  muestro uniko payis djudio,   para defendermos no solo fizikamente  o ekonomikamente,  si no mediatikamente.  Porke savemos ke las palavras matan i es perikolozo de deshar  korrer las mintiras a traverso la media  i  de permeter una propagnda mintiroza sovre Israel.  Un egzempio a este sujeto será de darvos lo ke la prensa anti- israeliana en Evropa repeta : Israel es el ke mira de meter entrompesos en el Medio Oriente.  El es i será el manador de los konfliktos del dia.  El mira de dominar okupando tierras ke no le apartienen. No tiene el derecho de nominar  Yerushalayim komo kapitala  por ke no le apartiene, malgrado ke la konkesto de  Jordania.  Yo les demando oy en dia en la Siria ken es el ke izo la guerra? Daesh o Israel? El Hizbollah o Israel?  En Ejipto, ken fue i es el inimigo del governo? Los Ermanos Musulmanos o Israel?  Mos demandamos kon sorpresa komo todas estas entitades terroristas dirijidas por diktatores pueden ser vistas komo frekentables.

 

 Vos dare  un otro egzempio : akademikos inglezes akuzaron a Tsahal de uzar fuersa eksesiva en el konflikto.  Dizen :Mira un poko , kuantos arabos fueron matados en Gaza en estos días, i kuantos israelianos kayeron!! I ajustan:  Munchos  arabos i ni un israeliano.  De mi punto de vista esta es una lojika yerrada porke yo les respondere, ke en la Sigunda Gerra Mondiala munchos mas de 3 milyones de alemanes murieron durante los bombardamientos ingleses, i menos de 1 milyon de inglezes en los atakos de la fuerza aeronotika  nazista. Por modo de esto Inglitierra  era mala i Alemanya era buena?

 

Terminare kon dizirvos, keridos lektores, ke devemos kada uno de mozotros ovrar enerjikamente para defender el solo payis djudio del mundo.  El es el solo lugar de salvasion de la diáspora djudia. Israel deve ser fuerte i ultra demokratiko, yeno de buena volunta para ayudar a los menesterozos  i deskuvrir remedyos para la umanidad.  Diplomatikamente devemos de ser muy bien organizados para defendermos i krear la atmosfera neseseria de enkorajamiento de la paz.  Ansi no solo Israel ma los payizes de su deredor benefisiaran del kalmo ke se kreara.  Los arabos deven de entender por supuesto ke Israel bivira eternamente, i ke la 'Nakba' no reprezenta mas ke una idea irrealista oy i en el futuro.

Share on Facebook
Share on Twitter
Please reload

Bizi Takip Edin
  • Facebook Basic Square
  • Twitter Basic Square
  • Google+ Basic Square
İLETİŞİM/ליצירת קשר
ADRES/כתובת 
İletişim ve faaliyetler hakkında bilgi almak için

לקבלת מידע אודות פעילויות ההתאחדות

לרישום / אימייל

 

Tel: +972 36582936
Fax: +972 36573894

+972 36582936:טל

   +972 36573894:פקס

turkisrael@gmail.com

Mohrey Sigariyot 7 Bat Yam - Israel

רחוב מוכרי הסיגריות 7 בתים, ישראל

  • Facebook Social Icon
  • Instagram Social Icon
  • Google Places Social Icon
  • Twitter Social Icon
  • YouTube Social  Icon