EL HOLOKOSTO Y LOS JUDIOS DE TURKIYA


El 27 de Enero es el dia de komemorasyon de las viktimas del Holokosto. Esta trajedia ke kavzo milyones de muertos matados de la manera la mas kruela y bestiala del rejimen nazista. Entre eyos 6 milyones de Judios, el 1/3 (el tierso) de la puevlasyon Judia del mundo.

Las listas del Yad Vashem en Yerushalayim mostran ke entre las viktimas del Holokosto ay 4500 Judios orijinarios de Turkiya ke bivian en la Europa. Estos eran los ke desidieron de deshar la Turkiya por la mezma influenza anti-Judia fatal ke empeso en la Alemania.

El puevlo Turko simpatizava y admirava a la Alemania, sobretodo después de aver kolavorado kon el Imperio Ottomano durante los anios de la primera guerra mundial. E nasyonalizmo Turko fue influensado fuertemente del nayonalizmo Aleman. Lo ke se vido empesando de evenimientis de Elza Niego y lo ke akontesyo en la Trakya en los anyos 1933-34, ke izyeron ke munchos Judios de Tirkiya se instalen en la Europa.

El evenimiento ke fue yamado “Holokosto” o “genocide” ovligo a los sosyologos de topar una eksplikasyon sientifika a la kestion sigyente : komo puede ser, un puevlo konosido por ser rasyonal, entre el kual salieron grandes filósofos como Hegel, hombres de sensia komo Einstein, grandes eskritores komo Goethe, grandes kompozitores komo Wagner, komo podría admirar e ir detrás un loko komo Hitler ¿ ke izo ke las personas / sosiedades ke devrian ser razonables y aklaradas empesan a desmodrarsen y ser irrasyonalas?

Algunas partes de la repuesta fueron descuviertas por munchas investigasiones. El konsepto más importante fue el ke lo yamaron "komplekso R" ke se refiere a la "región del meoyo primitivo o reptil" y se enkuentra en todos los meoyos . Komplekso R, aktiva los instinktos primitivos en el meoyo de las masas y influe al razonamiento opresivo ".

La razón historika es la sigyente : Despues de la Prima guerra mundial ( 1914-1918), ke se termino kon la humiliasion de la Alemania, empeso en este pays un antisemitismo muy fuerte ke no tadro de espanderse a los payses Europeos. . Los Alemanes no podían akseptar ke sus pays seyga vensido y no fue difisil a ke adopten una leyenda, un mitos ke lo yaman (la lejenda preta), según la kuala, la Alemania no fue vensida en el kombate militar, sinon ke por la ingratitud a la patria de siertos politikos Judios y komunistas ke orkestraron la kapitulasyon y rendisyon de la Alemania: los Judios y los komunistas. A la contra, el puevlo Aleman es Ariano, superior, y el Judio esta contra la supremasia Ariana.

El sentimiento anti-Judio (ke siempre ekzistyo) fue ayinda mas fuerte en viendo ke se formaron governos revolusyonarios kon lideres Judios komunistas en la Europa ( exemplo :Ernest Toller en el kurto governo de Bavaria). Esto kavzo la persepsion de un (Bolshevizmo Judio).

La grande depresión ekonomika de los anyos 1920 tanbien kavzaron la fundasyon del Partido de laborantes Nasional Sosialistas o el partido Nazi, ke vino al poder en el anyo 1933, kon tendensia de salvar la nasyon Alemana de lo ke es “de valor” de lo ke era rasialmente “indesirable”. Kon este motivo el partido se adapto la idea antisemita , la pretensión de rasa superior ariana, y de un Fuhrer karizmatiko para realizar este ideal. El ideólogo principal fue Alfred Rosenberg, ke eskrivia artikolos antisemitas en el jurnal (Volkisher Beobachter). Rosenberg diziya ke ay una konspirasyon sekreta Judia ke kere dominar el mundo y ansina ifluenso a Hitler. konvinsido ke el Markizmo era una parte de la konspirasyom para destruir a la Alemania.

La Turkiya no fue parte durante la Seunda guerra mundiala (1939-1945), por una poltika justa de sus dirigentes en favor de los interesos Turkos. Ma la simpatía por la Alemania y la admirasyon al poder industrial, militar y kultural Aleman siempre ekzistyeron. Ansi ke el Nasyonalizmo Aleman no tadro a influensar la opinión publika Turka, sobretodo los sentimientos anti-judios. Mezmo uvo rumores ke un destino igual a los Judios de Europa los esperava a los Judios de Turkiya. Horozamente esto no akontesyo.

Ma en akeyos mezmos días , kuando Judios en toda la Europa estavan deportados a los kampos de konsentrasyon y de la muerte , de una parte la Turkiya resiviya a los profesores Judios Alemanes para reformar sus universidades, siertos diplomates Turkos se esforsavan a salvar Judios orijinarios de Turkiya en Fransia o Alemania, los Judios de Turkiya empezaron a sufriyir versen tratados de una manera negativa.

inkluendo akeyos ke kontribueron a la ideolojia Kemalista y a la legislasyon de la Turkiya, (el jurista Gad Franko, el ideólogo Kemalista M. Kohen Tekinalp) fueron taksados de manera injusta y imposible (Varlik vergisi) , fueron tomados a la armada para lavoros ke no eran militares ( romper iedras en Askale), yamados pejorativamente ( cifit, pis Yahudi), y fueron mal tratados. Munchos Judios perdieron kompletamente sus fortuna, sus negocios,el poder de edukar a sus kriaturas según lo dezeavan.

Los anyos del holokosto son los anyos ke espertaron entre los Judios de Turkiya el sentimiento de apartenensia a un puevlo ke dezeya ser independiente. 3 anyos después , en 1948 se kreo el Estado de Israel, y la manseves Judia ya estava pronta ideolojikamente a la Aliya, Kon eyos vinieron kuaje 40000 Judios en los primos anyos del estado y sirvieron la armada, los hospitales, formaron Kibutzim y moshavim. Oy se puede dizir ke 90 % de los Judios e Turkiya de antes de la Segunda guerra mundial no biven mas en este pays,

En komemorando a los 6 milyones de Judios desparesidos en el holokosto , pensó y no entiendo komo, malgrado ke la Alemania aksepta y se averguensa de su pasado, ke biven judíos kon números nazistas en sus brasos, y los kampos de eksterminasyon se pueden vijitar en Polonia y Alemania, pueden ekzistir en este mundo jente ke pretenden ke la shoa (holokosto) nunca ekzistyo, o ke si ekzistyo no muryeron tanta jente, . .

Etiketler:

Bizi Takip Edin
  • Facebook Basic Square
  • Twitter Basic Square
  • Google+ Basic Square
İLETİŞİM/ליצירת קשר
ADRES/כתובת 
İletişim ve faaliyetler hakkında bilgi almak için

לקבלת מידע אודות פעילויות ההתאחדות

לרישום / אימייל

 

Tel: +972 36582936
Fax: +972 36573894

+972 36582936:טל

   +972 36573894:פקס

turkisrael@gmail.com

Mohrey Sigariyot 7 Bat Yam - Israel

רחוב מוכרי הסיגריות 7 בתים, ישראל

  • Facebook Social Icon
  • Instagram Social Icon
  • Google Places Social Icon
  • Twitter Social Icon
  • YouTube Social  Icon