2018 - EL FUTURO YA EMPESO (*)


En una entrevista ke izyeron kon el Direktor Jeneral (CEO) de la fabrika Alemana de Otomobiles Mercdes Benz, disho ke sus kompetitores no son mas las otras fabrikas de otomobiles ke ekzisten en elmundo, sino ke Tesla (ke fabrika otomobiles elektrkos) Google, Apple y Amazon.

El software (el programa de komputadora) va interomper las industrias tradisyonalas en los 5-10 anyos proksimos.

Uber es una aplikasyon de programa de komputadora , ke no se enstala en los aotomobiles, y agora son la kompania de taxid la mas grande del mundo.

Airbnb es agora la mas grande kompania de hoteles del mundo, aunque no poseda propiedades.

Inteligensia artificial : Ekziste un jugo ke se yama GO y ke demanda muncha habilidad y komprehension y se azen turnires internasyonales. . Las komputadores se están perfeksionando de dia en dia tanto presto, ke este anyo la komputadora pudo superarse al mijor jugador de GO del mundo. Y esto 10 anyos antes de lo ke se esperava.

No vale la pena de estudiar derecho para ser avokato :Si un joven estudia derecho (ley), mijor es ke el troke su kampo de estudio. En el futuro avra 90 % menos avokatos, solo kedaran los spesialistas. En los Estados Unidos, los nuevos diplomados de derecho y devienen avokatos ya no obtienen mas empleo komo avokatos. Kon el IBM Watson se puede obtener konsejo juridiko en unos kuantos segundos kon una presizyon de 90 % , en komparasyon kon el 70 % kuando lo azen las personas. Asta agora este programa serviya a azer kozas mas o menos bazikas y simples.

Watson ya ayuda a los medikos de diagnostikar el kanser, 4 vezes mas presizo ke los medikos humanos. Facebook tiene agora un programa (software, tuhna) de rekonosimiento de formas ke puede rekonoser karas mijor ke los humanos.

En el anyo 2030 las komputadoras serán mas inteligentes ke las personas.

Otomobiles otonomos (sin ayga necesidad ke una persona seyga el konduktor): En 2018 apareseron los primeros otomobiles otonomos para el publiko. Verso el anyo 2020 una industria importante empesara a ser interompida. No van a fabrikar mas otomobiles komo los de oy. Y muy probablemente no vas tener el menester ke seyga tu oto. Vas a yamar kon tu teléfono i vas a dizir kuala es tu direksion y ande de topas. No ay menester de bushkar parking , solo vas a pagar por la distensia y en vezes de knsentrarte en kondusiendo, vas a poder okuparte de kozas mas produktivas. Nuestros ijos no tendrán menester de obtener una lisensia para konduizir i desear tener sus oto.

Las sivdades van a trokar, por ke vamos a nesesitar 90-95 % menos otomobiles para esto. Podremos transformar los terrenos de parking en parkes yenos de verdura.

1,2 milyones de persones mueren kada anyo en el mundo en aksidentes de otomobiles. Agora tenemos un aksidente todos los 100000 kilometros, kon una konduksion sin persona se preveye ke avra 1 aksidente solo en 10 milyones de kilómetros. Esto salvara un milyon de vidas kada anyo.

La mayoriya de los fabrikantes de otomobiles probablemente van azer fayita, agora lo ke azen es, enfrente de este desvelopamiento, es de kostruir otos muncho mas mijores y perfeksionados, mientres ke las kompanias de teknokojiya (Tesla, Apple, Google) se konsentran sovre la revolusyon de konstruir una komputadora sovre charkes (karucha o tekerlek).

Munchos ingenieres de Wolkswagen y Audi están kompletamente terrorisados de Tesla sovretodo. las kompanias de seguridad tendrán problemas massivos por ke sin aksidentes, la premia de seguridad será 100 vezes mas barata. El model de seguro de otomobiles ke ekziste oy dezaparesera.

Los bienes imobilieres (gayrimenkul, nadlan) van a trokar. Por ke si una persona, al lugar de konduisir en viajando de un lugar al otro puede lavorar y ganar tiempo, el podrá eskojer bivir en un lugar mas leshos ma en un ambiente mas ermozo.

Los otomobiles elektrikos seran populares desde el anyo 2020. La sivdades serán menos bruidadas ( gurultulu) porke todos los vehikulos funksionaran kon elektrisidad.

La elektrisidad será muncho mas barata y limpia: la produksion solar esta indo y augmentando desde 30 anyos agora se podrá ver el resultado de este progreso.El anyo pasado mas enerjia solar fue installada en el mundo , Todo kon esto, las kompanias de enerjia ( ke venden petrolio o gaz nsyural) se están esforzando a limitar el akseso a la kadena (network) de elektrika y evitar la kompetensia de las instalasyones solares domestikas ( en los techos de las kazas), ma esto no puede kontinuar, por ke la teknolojia esta avanzando mas ke las kompanias de gaz.

Kon la elektrisidad barata viendra el agua barata y abundante. La desalinizasyon de el agua salada agora necesita solo 2 kilowates a la ora por metro kubiko (lo ke es 0.25 sentavos), En munchos lugares no tenemos muncha agua, y lo ke perkuran ke no aga falta es el agua potable en kaza. Imajinarvos ke un dia tendresh tanta agua ke keresh , limpia komo se deva, abundante y kuaje ke no vos kostara?

Salud : Un apparato medikal yamado “ Tricorder X “(de Star Trek) funksiona kon teléfono se esta fabrikando. Este apparato yeva la gammagrafía de la retina y podrá azer muestras de sangre y analizar la respirasyon . En mezmo tiempo analiza 54 bio-markadores ke identifiyeran kualkere infirmedad. Sera barato, ansi ke en poko tiempo en esta planeta será posible de azer analizes medikales de klasa mundial, kuaje gratis. Podremos dizir (Shalom bye) a siertos estabilimientos medikales.

La impression en 3 D. El prsyo de la imprimidora 3 D mas barata abasho de 18000 $ a 400 $ en 10 anyos. Al mmezmo tiempo la impression se izo 100 vezes mas rápida. Todas las grandes fabrikas de kalsados ya empesar on a fabrikar kalsados kon impresoras 3 D.

Algunas piesas de repuesto para avión ya están imprimida en 3 D. en los aeropuertos de repuestos. La estasyon spasiala agora tiene una impresora 3 D. ke elimina la nesesidad de grandes kuantidades de piesas de repuesto ke devrian tener en stok en el pasado.

En China ya arivaron a imprimir en 3 D. y konstruir una fragua de ofisinas kompleta de 6 pisos. Para 2027 el 10 % de todo lo kre esta produsyendo será imprimido en 3 D.

Verso la fin de este anyo , nuevos teléfonos intellijentes van a tener la posibilidad de kopiar (azer scan) en 3 D. A kontinuasyon, puedras azer scan en 3 D tus pies y imprimir en kaza tu kalsado perfekto.

Posibilidades en el komersyo : Si pensas azer komersio sovre lo ke dezeas okuparte, te deves prguntar :” krees ke en el futuro teneremos esto?” y si la repuesta es si, “komo puedo azer ke esto se realice un momento antes?” Si esto no funksiona kon tu teléfono. olvídate esta idea. Kualker idea pensada para tener sukseso en el siglo XX esta kondenada a un frakaso en el siglo XXI.

En el kampo del lavoro : 70-80 % de los empleos ke ekzisten oy van a dezapareser en los proksimos 20 anyos. Va aver un monton de nuevos lugares de lavoro ma no savemos si avra bastante nuevos puestos de lavaro en tan poko tiempo.

Agrikultura : Avra un robot agrikola ke kostara solo 100 $. Los agrikultores de los payses del treser mundo pueden entonses konvertirsen en administradores al lugar de estar di entero y lavorar en los kampos.

Aeroponics (ke es el proceso de engrandeser plantas en el ayre, sin tierra) nesesitara munho menos agua.

Oy se ariva a produsir karne de vaka en platos de Petri , y kostara menos ke la vaka produsidos en 2018. En este momento el 30 % de todas las superfisias agrikolas se utilizan para las vakas. Ansina tendremos muncho mas espasio para otros produktos agrikoles..

Ay siertos startups ke trayen la proteína direktamente de los insektos a la konsomasyon, i ke contiene mas proteína ke la karne. Esto tiene la etiketa “ proteína alternativa” porke la djente no kere sintir ke esta komyendo insektos.

Una aplikasyon yamada “moodies” te puede dizir en ke estado de anima (ruh haleti –etat d’esprit) esta la persona. En el anyo 2020 a vamos tener aplikasyones ke pueden dizir, según las ekspresyones de la kara, si estas avlando mentiras. Imajinavos un debate politiko, ke kon esta aplikasyon vas a saver si el ke esta avlando dize la verdad o no.! Por seguro ke va remplasar al (poligraf).

Bivir mas munchos anyos ( longevidad) : En este momento kada anyo las personas están bivyendo 3 mezes mas. Aze 4 anyos solamente, se esperava ke la persona vivera 79 anyos, agora ya pasimos los 80. . Esto va ir augmentando , i desde el anyo 2036 avra un augmento de mas de un anyo kada anyo. Ansi ke todos podemos bivir durante muncho tiempo, probablemente mas ke 100.

Edukasyon : Los teléfonos inteligentes mas baratos ya están a 10 $ en Afrika y Asia. En el anyo 2020 el 70 % de todos las personas del mundo posedara un teléfono inteligente. Esto kere diizir ke todos tendrán el mezmo akseso a la edukasyon por internet de nivel mundial. Mezmo obtener lisensia Universitaria de la Akademia Han sin pagar.

En Indonesia ekzisten programas de komputadora , serkamente viendran en otras linguas komo Arabe, Chino etc. Kuando será en Inglez tanbien, no avra lugar en el mundo ke no se podra estudiar gratis.

Kurto : En 20 anyos solamente nuestras vidas trokaran dramatikamente .

Este artíkolo está basado en las predksiones del Doctor Robert M. Goldman MD, PhD, DO, FAASP, publicadas originalmente en el sitio WorldHealth

Bizi Takip Edin
  • Facebook Basic Square
  • Twitter Basic Square
  • Google+ Basic Square
İLETİŞİM/ליצירת קשר
ADRES/כתובת 
İletişim ve faaliyetler hakkında bilgi almak için

לקבלת מידע אודות פעילויות ההתאחדות

לרישום / אימייל

 

Tel: +972 36582936
Fax: +972 36573894

+972 36582936:טל

   +972 36573894:פקס

turkisrael@gmail.com

Mohrey Sigariyot 7 Bat Yam - Israel

רחוב מוכרי הסיגריות 7 בתים, ישראל

  • Facebook Social Icon
  • Instagram Social Icon
  • Google Places Social Icon
  • Twitter Social Icon
  • YouTube Social  Icon