PALESTINIANOS KE PREFERAN BIVIR EN ISRAEL ( *)

November 29, 2017

 

Se izo un Survey para ver ke eran sus preferensias i ke pensavan de Israel. Salio ke unos malgrado sus ostilidades preferavan mas toparse en Israel i no en Palestina. Dizen ke ay una diferensia entre el Mundo Arabo i Israel

Uno ke vende yervas en la sivdad la mas grande Araba se kesha de la manera ke Israel los trata. Dize ke sera mas preokupado si tenia ke bivir en el Estado Palestiniano. Ay diferensia grande entre los Arabos i los Israelianos. Ma mismo si bive aki no tiene los mismos derechos ke los Judios. "UMM al FAHM" se topa en la rejion triangular de Israel serka del West Bank. Fue sujerado muchas vezes ke en kavzo de paz este lugar puedia formar parte del Estado Palestiniano. Sus abitantes biven oy entre Israel i el lugar kontrolado por la Autoridad Palestiniana. Si ay uno ke kere konoser la identidad Araba/Israeliana ke venga aki. Pero este lugar se konose komo el Sentro del Radikalismo i pokos Israelianos pasan por aki. "Taufik Ikbaniye" ke tiene 38 anyos avla de la doble identidad. Dize ke esta kontra el plano de division. Porke? Porke el goza de un nivel de vida mas alto desde 1948. Al otro lado es diferente. La parte Palestiniana es komo el Mundo Arabo de diktatores. Pero 2 tiersos de eyos pensan ke no tienen derechos. Solamente 45% pensan ke Israel se komporta komo un estado demokrático kuando se trata de los Arabos. Del otro lado 2 tiersos se sienten orgulyozos de lo ke Israel kumplio. 54% se sienten parte de la sosiedad en Israel.


"Kamal Mahmud" es un businessman i esta en sus 50. Dize ke los Arabos se topan en el Segundo Rango. Fue la Deklarasión de Balfour ke kreo el problem. Theresa lo kontinua. Se kree ke el futuro de la Mezkita de Al-Aqsa esta en peligro. En Jerusalem azen marchas grandes. Es Tierra Musulmana i los Judios keren tomar la mezkita. Keren azer de Jerusalem un lugar Judio. Unos pasos mas leshos me encontri kon "Sairin Mayari" ke tiene 23 anios. Bive kon un Judio. Se divorsio de su primer marido. Esta enkantada por todo lo ke es Judio i dize ke kere aprender el Ebreo. "Mahmid" dize ke malgrado todo siente ke tiene relasión con Israel. No tiene nada kontra Israel i los Judios.


Una koza ke sale en este Survey es ke los Arabos se definen en maneras diferentes. Para 39% ser Arabos es la primera identidad. 34% se identifikan kon la relijion. A los 14% la identidad Palestiniana viene en primero. Solamente 10% se ven komo Israelianos. "Nasser Ikburi" ke tiene 24 anyos lavora en una estasión de petróleo i dize ke es Arabo/Israeliano. "Mahmid" ve a su komunidad komo Palestiniana biviendo en Israel. Dize ke los Palestinianos son su puevlo. Ma lo ke no dize es si Umn al Fahd entra en un Estado Palestiniano. "Ikburi" bivio en los 2 lados i izo sus estudios komo enfirmiero en Jenin. Esta aziendo oy sus exámenes para ser transferido a Israel. Bivio kon los Palestinianos, ma se siente mejor en Israel. Dize ke Israel es mejor ke los otros países alrededor. El problem es ke se siente komo un ajeno en Israel i en el West Bank. En Israel lo tratan komo Palestiniano i en Palestina komo Israeliano.

(*)Aparesyo en Ladinokomunite – Tomado del Jewish News de Australia –eskrito por Nathan Jeffey – Tradusido por Shimon  Geron de Sydney    Nov 29,.2017

Share on Facebook
Share on Twitter
Please reload

Bizi Takip Edin
  • Facebook Basic Square
  • Twitter Basic Square
  • Google+ Basic Square
İLETİŞİM/ליצירת קשר
ADRES/כתובת 
İletişim ve faaliyetler hakkında bilgi almak için

לקבלת מידע אודות פעילויות ההתאחדות

לרישום / אימייל

 

Tel: +972 36582936
Fax: +972 36573894

+972 36582936:טל

   +972 36573894:פקס

turkisrael@gmail.com

Mohrey Sigariyot 7 Bat Yam - Israel

רחוב מוכרי הסיגריות 7 בתים, ישראל

  • Facebook Social Icon
  • Instagram Social Icon
  • Google Places Social Icon
  • Twitter Social Icon
  • YouTube Social  Icon