EL PRIMER VINO SE IZO 8000 ANYOS ANTES

November 26, 2017

 

. En el Daily Telegraph de la semana pasada avía un artikulo sovre la istoria del vino presentado por 'Troy Lennon/ lo traduze Simon Geron de Sydney,Australia.  (tomado del foro Ladinokomunita)


Oy kon la yegada del enverano en la Australia estamos entrando en una temporada de festividades. La Australia fue siempre una nasión de bevedores de bira..En las últimas 2 dékadas el konsumo del vino se izo igual al konsumo de la bira. [ me akodro kuando vine a la Australia en 1961, no tenían del todo el gusto del vino i se reían de la djente ke lo bevian. Lo mismo se pasava kon el yogurt. Al vino lo yamavan "PLUNK"]
Las 2 bevidas tienen una istoria larga indo atrás miles de anyos. La bira se va atrás 5000 anyos i el vino 8000 anios. Los Georgianos en la Era de Piedra krearon esto de las Uvas Euroasianas o de Vitus Vinipera , una espesia de 8000 a 10000 variedades. A esta klase entran" el Pinot Noire, Cabernet Sauvignon i Chardonnay". Los Chinos izieron una bevida alkolizada de uvas 1000 anyos antes, mesklandola kon miel o bira de arroz para ke la yamen vino. Fue en Euroasia i en Asia Sentral ke empesó la kultivasión de uvas i vino. La leyenda nos konta ke el Rey Perso "Jamsheed"; amava tanto las uvas ke las guardava en jarras en invierno. Si las uvas se tornavan malo las yamava "Tosigo". Una mujer del Harem bevio parte del djugo ke tenia mal de kavesa i kijo suisidarse .Se kayo dormida i se levanto sanada. Después de esto el rey fermento a las uvas.


En 3500 BC los de Mesopotamia empesaron a amar el vino. Al prinsipio era importante en Persia i Georgia. Los Ejipsianos kultivaron uvas i izieron vino en 2700 BC. Lo azían para los ke partían al otro mundo i lo metían en sus tombas. El vino era importante para los Gregos i Romanos ansianos. Era una bevida mas importante ke las otras. El Dio 'Dionysus i Bacchus" entravan en el Kulto Ritual de la bevida. Después se expandió a través el imperio Vitikultura i a unas rejiones importantes en Fransia i Alemania. Kuando el vino fue adoptado por el Kristianismo en el Siglo 4 AD basho "Constantine" se produsía en masas. El arte del Vigneron kontinuo a ser preservado por los monkes en la Era Mediana. Los rikos mantenían sus vinias también komo simbolo de prestije. Los Europeos en kolonizando se yevaron el vino kon eyos i el arte del vino se expandió a través el mundo entero. Los Británikos no tenían una kultura fuerte de Vitikultura. El klima no era favorable para los vinos Italianos i por esta razón los importavan de Fransia. Ma al tener ke pagar impuestos altos en el Siglo 18, los ke bevían vino preferavan tener un vino mas fuerte ke durava mas tiempo en el viaje de mar de Espania i Portugal. Kuando empesaron a experimentar en la Australia toparon ke el vino era matado por fungus porke el país era úmedo. Los imigrantes viniendo de Alemania krearon unas vinias en "Camden i Rydalmere" i produsieron 90.000 litros de vino fortifikado en 1827. Después izieron el vino Espanyol i Franses en el Jardín Botániko. Kon esto vinieron otros establesimientos en "Hunter i Barossa Valley". Los vinos eran echos al gusto Britanniko, bien fuerte, vendido komo medisina. Grasias a la imigrasión el gusto se troko i el vino Australiano kaye en el rango 10.

Alevantaremos el vazo i beveremos vino.
La Hayim, Sherefe, Nazdarovye, Prost,.To Zoyi, Jiviyo.

". No se porke las bevidas alkohólikas nunka me gustaron eksepto la kupa de RAKI kon MEZE. Puedeser mismo la Shampanya en kantidades chikas.
En kazándome kon una Fransesa vide ke el vino era una kultura i les sorprendia en Fransia de ver ke a mi no me gustava. Mi suegro me yamava "petite nature" i kada ves ke saliamos afuera tenia ke bever algo. El kavo estava yeno de ridomas i el dizia ke era su manera de kombatir la inflasión en stokando vino para el futuro. En kada viaje ke azíamos a Fransia me forsavan a bever tanto ke en mi retorno me tomava días i días para detoxifikarme.
Kuando a los Australianos se emborrachavan tanto ke yo no puedia akompanyarlos al "Pub/Meyhane". En el tiempo era un asunto de ombres solamente i se Ivan en torno para dar la komanda diziendo "This is my shout and that is your shout". A la fin salían del Pub tanto emborrachados ke se metían a pelearsen i a kayer en el suelo.
Tuve suerte de no amar el alkohole si no no yegaría a los 80. Ni el tabako nunka me intereso.


 

Share on Facebook
Share on Twitter
Please reload

Bizi Takip Edin
  • Facebook Basic Square
  • Twitter Basic Square
  • Google+ Basic Square
İLETİŞİM/ליצירת קשר
ADRES/כתובת 
İletişim ve faaliyetler hakkında bilgi almak için

לקבלת מידע אודות פעילויות ההתאחדות

לרישום / אימייל

 

Tel: +972 36582936
Fax: +972 36573894

+972 36582936:טל

   +972 36573894:פקס

turkisrael@gmail.com

Mohrey Sigariyot 7 Bat Yam - Israel

רחוב מוכרי הסיגריות 7 בתים, ישראל

  • Facebook Social Icon
  • Instagram Social Icon
  • Google Places Social Icon
  • Twitter Social Icon
  • YouTube Social  Icon