El Israelyano de nuestros diyas i del futuro


  • El Israelyano de oy no bive mas kon “kova tembel “ o “kova gerev”en la kavesa, no lavora la tierra en los kampos debasho de sol. No ay azer lo ke se yama “medura”, asentar en el kamplo al deredor de un fuego , echar patatas y azerlas tostar todo en kantando y baylando la “horra”. Akeyas fotos ke viamos del Israelyano konstruizyendo kazas no ekzisten mas. Vienen del Tailand, de la China, de Romania y mezmo de Turkiya para fraguar. Los Djudios se izyeron “kablanim-entrepreneures”.

Lo ke simbolizava Israel kuando se fundo, en los anyos 40, kuando teniyamos ke fundar un estado en partierndo de “nada”? Despues de los tristes pogromes, del holokosto, de las golpes antisemitas. Los ke vieron akeyos días mos kontan ke no aviya menester de serrar la puerta kon yave. Agora estamos los inventadors y eksportadores de puertas blindadad (rav bariah), yaveduras elektronikas, kameras invisibles ke filman 24 horas lo ke se pasa elyentro o afuera de la kaza. Ben Gurion diziya ke seremos pueblo kuando tenemos de todo, mezmo ladrones, ma agora tenemos y asesinos, y mafionerios Israelianos. No esto era su vizyon.

Oy el Israelyano pensa mas muncho a las vakansas en el extranjero, al model muevo de su auto, al “exit” ke puede azer kon su sosyedad de “start-up”, komo estar siempre en kontakto kon su “Smart-phone” (ke es muy poko telefon) y muncho internet, aplikasyones, avlar i ver a los ijos y konosidos kon “whatsap” y “Instagram”,” twitter” etc. Esto será lo ke va dar al Israeliano una vida mas kalma, menos alborotada, ke le permetera de mas reushir, sintirse mas horozo, y sovretodo muncho mas fuerte enfrente de los ke no mos están suportando por ser tan avansados.

.

Kon los anyos, akel Israeli agrikultor, kibutznik o mashavnik, se izo direktor de banka, doktor, avokato, juzgo, general en la armada. Kere bivir en “cottage” o en apartmentos de lukso, ke los merkan a presyos ekraordinariamente klaros. La rikeza del Israelyano vimo seyga de la valor de los kampos ke les desharon sus padres, seyga de los “patentes teknolojikos” ke vendyeron a los Amerikanos o mezmo a los Japonezos y Chinesos. No ekziste komputadora o Smart-phone ke no tenga parte de invensiones del Israelyano.

Esto todo en 70 anyos. I en gerreyando kon los vizinos, y kon sus terrorismo. Pokos están en el mundolos ke mos apresyan, la grande majoritad esta contra Israel, kon pretekstos inimaginables y mentiras fabrikadas por sus adversarias.

Juntos kon esto, en Israel todos no son rikos. La grande majoridad bive kon revenidos bastante buenos ma ekziste povredad, seyga por no ganar bastante, seyga por no kerer lavorar por ideas ke mas no apartienen a este mundo. (No ay tora si no ay pan (Im ein kemah ehn Tora), ma no ay Tora sin tener parnasa, kere dizir lavorar y no bivir de las ganansyas de los otros.

  • Kualo es mijor? Antes o agora?

Es ke todos estos trokamientos son por kavza ke el mundo troko. Komo vinimos de senmientos de solidaridad, del ideal de fraguar un estado Judio independiente y demokrako bazado al ideal egalitario y sosyalista a un estado kapitalista, kon diferensias de nivel de vida tan grandes?

En la vida de kada dia kada uno pensa a si, no respekta a su vizino? Esta dia entero korriendo para ganar mas? Tener ojo en lo mas mijor ke del vizino, realizar mijor kondisyones materialistas. Las 24 oras del dia no le abastan , toma al chiko de la eskola, del gan, yevalo al “hug” de sport o de bayle? Y no

tiene tiempo de vijitar a la famiya, los amigos de la armada y de la eskola son mas importantes del ermano, de la ermana, de los tios y tias.

Entonses, komo va ser la nueva formula del Israeli los días ke vienen? La aplikasyon nueva del “ Israeliano,com” ? . Es ke va entender ke la buena relasyon y el buen komporto kon los otros es lo mas importante en este mundo? Sin deshar akel esforso de reushir en lo ke kere realizar, por seguro ke no es

verguensa de ameliorar sus kondisyones de bivir. Komo será ke las buenas relasyones kon su deredor seyga la yave de su resushita, la yave de sinrse kontente y horozo, ke las buenas relasyones le den fuerzas parikulares y tomar plazer de la vida .

Es solo ansina ke se puede obtener el Israel del futuro, ke será el mejor pays del mundo. Pays del heroísmo, pays onde kada uno pensara ke somos ermanos, ke todos somos responsables del bienestar del vizino.

  • Kuando vamos a realizar esta solidaridad entre las personas, ke no ayga ninguno sin parnasa konveniente, ke le permete de dar la mijor edukasyon a sus ijos, i ke no mankara de perkurar a tener paz kon los vizinos, entonces Israel será atraktivo para todos los Djudios del mundo. Ninguno no pensara ke en Amerika o en Alemania se puede bivir mijor. Libertad, independensya, seguridad y paz entre mozotros antes de todo.

Por seguro ke no ay nada de mal ke Israel tenga de menester de laborantes extranjeros para la konstruksion, la agrikultura, o para kudiar a personas disabilitadas o aedadas, por ke n ay bastante Israelis ke pueden abastar para kumplir todas estas funksiones. Ma de ninguna manera devemos mankar de

tratarlos kon respekto a estas personas ke bushkan de mantener a sus famiyas en el extranjero.

Ay ke lograr a ke se desapareskan todas las diferensias komo sefaradi-eshkenazi, mizrahi o Evropeo. Sin abandonar las linguas y kulturas ke produsimos en nuestra vida en los 2000 anyos de Diaspora : el Yiddish, el Judeo-Arabe, y sovretode el Judeo-Espaniol. Esto deve de kedar la rikeza kultural del pays, i formar la baza de lo ke será “la kultura de Israel”. Kozas no menos importantes del Ebreo, ke fuimos kapaces de revivirlo después de 2000 anyos.

Esto será lo ke va dar al Israeliano una vida mas kalma, menos alborotada, ke le permetera de mas reushir, sintirse mas horozo, y sovretodo muncho mas fuerte enfrente de los ke no mos están suportando por ser tan avansados.

Bizi Takip Edin
  • Facebook Basic Square
  • Twitter Basic Square
  • Google+ Basic Square
İLETİŞİM/ליצירת קשר
ADRES/כתובת 
İletişim ve faaliyetler hakkında bilgi almak için

לקבלת מידע אודות פעילויות ההתאחדות

לרישום / אימייל

 

Tel: +972 36582936
Fax: +972 36573894

+972 36582936:טל

   +972 36573894:פקס

turkisrael@gmail.com

Mohrey Sigariyot 7 Bat Yam - Israel

רחוב מוכרי הסיגריות 7 בתים, ישראל

  • Facebook Social Icon
  • Instagram Social Icon
  • Google Places Social Icon
  • Twitter Social Icon
  • YouTube Social  Icon