ELEKSYONES


Keridos lektores.

Los turkanos de Israel, tenemos una i unika institusion publika vieja de mas de sinkuenta anios: LA ASOSIASION DE LOS TURKANOS EN ISRAEL. Grasias a eya , malgrado ke las jenerasyones muevas se enteresan lo mas poko posible, los muevos olim, los nesesitodos, los estudiantes de universitades de orijin turka i todo turkano ke demanda ayuda, topan konsolasyon i ayuda.

En poko lashon vos dizere si no me yerro, ke oy en dia afuera de la Turkia los djudios de orijin turka en el mundo entero no tienen dinguna asosiasion en despartes de la Asosiasion de los turkanos en Israel ( En ebreo se noma IYT- Itahdut Yotsei Turkiya) Esta institusion muy bien konosida sea de la Administrasion israeliana ke de la turka, noma kada 3 anios sus 2 presidentes; el de la Moatsa i el de la Administrasion. Elektos demokratikamente por los miembros de la Moatsa, estas dos personas dirijan la Moatsa la kuala kontrola el buen fonksionamento del Konsilio, el kual es nomado por el presidente administrativo elekto . Visto ke la kadensia es de 3 anios, munchas vezes los mizmos dirijentes fueron elijados mas de una kadensia. Al momento aktual ya vino el tiempo de eskojer una ekipa mas manseva de la ke dirijo estos dalkavos 6 anios. No será fasil para los nuevos kandidados de kargarse de esta responsabilita benévola los kualos deven kollaborar serkamente entre eyos a modernizar la institusion. Los principales gastos del IYT son a bastante importantes. Kira, mezada del Sekreter( malgrado ke es chika) kontabilita, la publikasion del ‘Bultin’ gastos administrativos i mantenimiento del lokal. La mas grande partida de los donos i ayudas ke se resiven son dedikadas, a los olim, a las bekas de los estudiantes, al ayudo material de nesesitozos ,i a los gastos de reprezantasion kuando se organiza evenementos sosiales. La trezoreria del IYT es kontrolada por los miembros de la Moatsa , la kuala es en kargada de topar los fondos demenesterozos para el fonksionamento de la asosiasion. Los miembros del Konsilio eskojidos por el presidente lavoran en serka kolaborasion kon el i

desidan de todas las aksiones sosyo-politikas demenesterosas del momento, i miran a ke las relasiones diplomatikas entre Israel i Turkia sean buenas. Antes un anio las relasiones diplomatikas entre los dos paises fueron reestablisidas i pensamos ke el muevo Konsilio tiendra una grande karga a este sujeto.

La Moatsa aktuala al 26 Septembre tomara la desizion sovre la data de las eleksiones, ke serán echas en el mes de Jenaio de 2018. Todo miembro de la IYT ke kerera presentarse a las eleksiones de laMoatsa es bien vinido i devra pagar su kotizasion anual i anrejistrarse serka del sekretaryo sinyor Jak Aboresi, por su kanditatura.

Ansi komo presidente de la Moatsa me permeteria kon mi modesta otoridad solisitar a todos los turkanos en Israel de vinir i votar i de se sintirse responsable para el mantenimiento de muestra IYT. Ademas rogo a los turkanos biviendo en la diáspora de apuyarmos materialamente en mandando donasiones i ansi de partisipar kon fervor al lavoro ke se esta aziendo en Israel, al seno de la unika istitusion ke vos representa i ke vos da de korason su ayudo en ora de apretó. Kreyeme ke nesesitamos de kada uno de vozotros apoyo individual.

Muadim le Simha

Bizi Takip Edin
  • Facebook Basic Square
  • Twitter Basic Square
  • Google+ Basic Square
İLETİŞİM/ליצירת קשר
ADRES/כתובת 
İletişim ve faaliyetler hakkında bilgi almak için

לקבלת מידע אודות פעילויות ההתאחדות

לרישום / אימייל

 

Tel: +972 36582936
Fax: +972 36573894

+972 36582936:טל

   +972 36573894:פקס

turkisrael@gmail.com

Mohrey Sigariyot 7 Bat Yam - Israel

רחוב מוכרי הסיגריות 7 בתים, ישראל

  • Facebook Social Icon
  • Instagram Social Icon
  • Google Places Social Icon
  • Twitter Social Icon
  • YouTube Social  Icon