POR KE ViNiTES A BİVİR EN İSRAEL ?


En el sitio Honest Reporting aparesyo unartikolo kon el titolo “What Shocks

Israelis (About America) – Israel Insights” , o “ke es lo ke sakude ( chokea) los

Israelis konsernando la Amerika y sus visión sovre Israel” (*)

Un joven Judio Amerikano, avokato de profession, aze 5 anyos ke bive en Israel. Del

diya ke arivo el no se akodra kuantos kada diya le demandavan komo le vino a la idea

de deshar la Amerika. Este payis grande y riko, onde ay munchas oportunidades, ay

de todo lo bueno, onde biven munchos Judios, y la djente miran de ir y bivir ayi,

komo lo yamavan los Eshkenazis ke se estabilisyeron ayi sobretodo en el siglo 20 “

Die Goldene Medina- el Payis de Oro”, y vinir a bivir en Israel?

De verdad ke en la Amerika el teniya un empleyo muncho mas bien pagado, y

viniendo aki no podiya topar las mezmas kondisyones . En la Amerika munchas kozas

son mas fasil y aki la vida es mas dura. Ma todo no es blanko y preto, i si uno kere

azer Aliya ene ke eskojer kualo es mas importante para el.

Ma esto no esta konvensiendo al Israeli. Empeso por eksplikarles ke no todos en la

Amerika son rikos, y ke las kalejas no son kuviertas de oro. Ke ay munchas kozas

buenas y munchas kozas no buenas. Les disho ke su echo en Israel le esta dando

muncho mas sasfaksion si lo kompara kon el echo ke teniya, mijor pagada ma

enteramente sin darle plazer komo jurista en la Amerika.

Ninguna de estas palavras konvensiyan al Israeliano.

Asta el diya ke les konto ke en susinagoga ke frekuentava en Chicago ay una polisiya

los dias de Shabat y de 8estas, ke espera y kontrola al ke entra para evitar algún akto

terorista o rasista.

En Israel todos estan akostumbrados de ver una guarda (shomer) en la entrada de los sentros komersiales, estasiones de transport publiko, y polisia siempre presente en lugares de tension. Ma en Amerika, en medyo de una sivdad grande moderna y relativamente kalma, polisiya delantre la sinagoga? Komo puede ser? Se viya ke los Israelis no se estavan konvinsiyendo.

Les disho ‘’En Amerika ekzısten personas y no solo Islamıstas, ke mos keren azer danio”. Justo en estos días la kolumnista Stav Ziv eskrivyo sovre esto en el Newsweek. “ Las sinagogas en Amerika attiran a munchos Judios sovretodo en Rosh Hashana y Yom Kipur. Kere dizir ke se arekojen munchas personas en un solo lugar, y tienen miedo de azersen el objektivo de djente de malas intensiones (rasistas o contra Israel), lo ke kavza miedo grande y la necesidad de azer atension al deredor” . Según dize el chefe de la Liga contra la Difamasyon (ADL) Jonathan Greenblatt: “penso ke todo el pays esta avertido”.

No mankan sinyales nazistas pintados en las paredes de las sinagogas ansi ke biervos komo “apartheid”, muerte a Israel”, romper vidrios de las ventanas ; vide komo keman la bandiera de Israel. Tengo amigos ke fueron atakados porke ivan en la kaye kon kipa en sus kavesa y sus kazas vandalizadas por aver la bandiera Israeli en el balkon.

La Amerika es un payis muy grande ande ay munchos Judios. No kero dizir ke ayi los Judios están en perikolo y eyos son bien akseptados. Ma en munchos kavzos el Judio Amerikano deve pensar dos vezes si es prudente de ser pro-Israel o de deklarar sin miedo ke el es Judio.

‘’I mi sinagoga kale ke tenga , komo munchas otras, una guarda de polisiya en la entrada. Ansi es ke desidi de vinir a bivir en Israel’’ dıze..

‘’En el dia de independensia (Yom HaAtzmaut) enkolgi una bandiera Israeli en la ventana de mi kaza en Israel, sin tener ninguna hesitasyon o espanto. Ni tuve ke pensar sovre la seguridad, ni kuando esto en la kaye kon la kipa en mi kavesa. No tengo espanto de avlar de mis opiniones sobre la politika y no tengo ke akavidarme de dizir ke so Judio. Bien entendido ke no ay polisiya delantre mi sinagoga.’’

‘’En kurto, en Israel me siento mas seguro malgrado todo el drama y los titulares ke no mankan todos los días, sobre guerra, terrorismo, y el konflikto kon los Palestinianos. Kuando les ekspliko todo esto a los Israelis, eyos empesan a entender ke el sentimiento de seguridad , de sintirse en su kaza, son muy spesiales y muy raros en este mundo’’ sobretodo para el Judıo..’’

‘’De mezmo, no vale la pena ke los sentimientos de ser akavidado y de akel espanto, mezmo si en la Amerika no se kontan grandes, agan parte siempre de la vida de una persona. Despues de fiestar 5 vezes Rosh Hashana y Yom Kipur en Israel, esto muy konsiente del trokamiento ke la Aliya kavzo en mi vida. Tengo ke konfrontar siertas difikultades ke nunca pensaba ke podían afitarme. Ma kuando los venses tienes una imensa satisfaksion, ke nunca tengo eksperimentado’’.

Y mas ke todo, esto bivyendo en un ambiente ke es enteramente diferente de los titolos en los jurnales y de las konsejas ke mos “bombardesn” kada dia.

Reportado por Selim Amado , Sept. 28, 2017

(http://honestreporting.com/what-shocks-israelis-about-america/)


26 views
İLETİŞİM/ליצירת קשר
ADRES/כתובת 
İletişim ve faaliyetler hakkında bilgi almak için

לקבלת מידע אודות פעילויות ההתאחדות

לרישום / אימייל

 

Tel: +972 36582936
Fax: +972 36573894

+972 36582936:טל

   +972 36573894:פקס

turkisrael@gmail.com

Mohrey Sigariyot 7 Bat Yam - Israel

רחוב מוכרי הסיגריות 7 בתים, ישראל

  • Facebook Social Icon
  • Instagram Social Icon
  • Google Places Social Icon
  • Twitter Social Icon
  • YouTube Social  Icon